واحد بيقول لخطيبته لما أزمرلك انزليلي قالتله أنت جبت عربية جديدة قالها لا جبت زمارة
* * *
عريس بيقول لعروسته لازم تعرفي ان كلمتي في البيت زي الساعة بصتلو بنظرة غضب قالها يعني لا بتقدم ولا بتأخر
* * *
مرة واحد بيقولوا له مراتك ماشية مع كهربائي المنطقة قال لهم دا ولا كهربائي ولا بيفهم حاجة في الكهربا
* * *
مرة واحد بيقول لمراته أنا بحب فيتراك أوي قالت له وأنا بحب سمير أوي قالها يا وليه فيتراك دي مربة قالت وسمير دا عسل
* * *
واحد بيقول لصاحبه خليت مراتي تركع علي رجليها قال له صاحبه ليه قاله كانت بتقولي اطلع من تحت السرير
* * *
واحد غبي واقف قدامه خمس شياطين ليه ؟؟؟ واحد يوسوس له وأربعة يفهموه
* * *
مرة واحد بيسألوه ايه سر الرومانسية اللي انت فيها مع مراتك علي طول قال لهم أصل
احنا محافظين من زمان علي عادة رائعة بنروح نتعشي في مطعم رومانسي مرتين في الأسبوع أنا يوم التلات وهي يوم الخميس
* * *
مدرس حساب سأل طالب لو كان علي أبوك دين 1000 جنية ومطلوب انه يسدده علي 10 أقساط هيدفع كام في كل قسط ؟ رد الولد مش هيدفع ولا مليم .... قال المدرس اقعد يا بني دا أنت مش فاهم الدرس كويس فرد الولد دا انت اللي مش فاهم بابا كويس يا أستاذ
* * *
مرة واحدة قالت لزوجها اليوم بصيت لنفسي في المرايا لقيت نفسي قمر 14 تفتكر كدا غرور قالها لاء غرور ايه دا كدا يبقي عمي
* * *
مرة اتنين مساطيل مذيعة وقفتهم في الشارع سألت الأول أنت بتحب مصر قال أكيد مصر دي أمي سألت التاني انت بتحب مصر قال أكيد مش أم صاحبي
* * *
واحد بيقول لمراته هو فين الكلب اللي جبناه يحرس البيت قالت له سرقوه الحرامية امبارح
* * *
واحد غبي أوي حكموا عليه بالاعدام بعد ما علقوه في المشنقة قعد يشاور ويخبط بايده ورجليه ففكروه عاوز يقول حاجة مهمة ففكوه ونزلوه بسرعة فبص لهم وقال يا جزم كنت هتخنق
* * *
مرة دبانة سقطت في كاس خمرة طلعت تقول وسع للنسر
* * *
واحد مدمن انترنت بيضطروا يدوله لنك في الوريد ويشربوه شات بلبن
* * *
مرة واحد غبي ابنه قال أنا عاوز موبايل أبوه قاله موافق بس بشرط تركب اخواتك معاك
* * *
واحد ندل قعد يتحايل علي حبيبته علشان تخرج معاه لمدة سنة ولما وافقت راح قال لأبوها
* * *
واحد غبي بيحلق دقنه التليفون رن عور نفسه علشان لما يرجع يعرف هو وقف لحد فين
* * *
مرة مدرس دخل الفصل فقال للتلاميذ يعيش السمك في الماء رد التلاميذ يعيش يعيش يعيش
* * *
مرة المدرس سأل الأطفال في الفصل اللي يفتكر نفسه غبي يقف بعد شوية وقف تلميذ فسأله المدرس وليه بقي يا سيدي بتفتكر نفسك غبي فرد عليه التلميذ أصلي محبيتش أشوفك واقف لوحدك يا أستاذ
* * *
سألوا واحد بخيل طحن تعمل ايه لو الدنيا برد قال أروح جنب الدفاية قالوا ولو الدنيا برد أكتر قال أقرب من الدفاية قالوا ولو بردت أكتر قال ألزق في الدفاية قالوا طب ولو نزل تلج قال أشغل الدفاية بقي وأمري لله
* * *
مرة كل نساء الأرض اتجمعوا واتفقوا علي حاجة هي أن مفيش واحدة فيهم هتعمل أي حاجة في شغل البيت لمدة أسبوع فات الأسبوع الأول وعملوا اجتماع تاني قالت الفرنسية أنا قلت لجوزي مش هعمل حاجة في البيت لمدة أسبوع أول يوم ما شفتش حاجة تاني يوم ما شفتش حاجة تالت يوم بدأ هو يعمل شغل البيت وقالت الهنديه وانا كمان اول يوم ما شفتش حاجة وتاني يوم ما شفتش حاجة تالت يوم بدأ يخرجنا برا البيت وناكل برة علشان مش نبهدل البيت وقالت المصريه انا كمان اول يوم ما شفتش حاجة وتاني يوم ما شفتش حاجة تالت يوم بدأت أشوف شوية بعيني الشمال .
ان شاء الله عجبتكم
أهلا و سهلا بك أخي الكريم في منتديات لمعه ,, للتسجيل اضغط هنا !!
05-02-2008, 08:10 AM
ههههههههههههههههههههههه
