اشتاق لك يا غايتي وانت ويّاي

وشلون وانت بعيد يا نور عيني

اطق صدري واتنهد من اقصاي

واطلق سراح الصوت بيني وبيني

اخاف من فرقاك في عمري الجاي

ياللي تسيّدت الغلا في عريني

في غيبتك دائي وفي وصلك دواي

وانت الذي بد البشر تهتويني

اضمى ولا يقطع ضمى ريقي الماي

ارواي لا ضمّت يدينك يديني

لا قلت باي ! اتوه يا غاية مناي

والخوف يا ترف القدم يعتريني


ان كان تغليني ومقصودك رضاي

عندي كلام بوسط قلبي دفيني

تكفى لا كلمتك فلا تقول لي باي

قل غيرها يا مهجتي يا ظنيني

صوتك نغم لو كان ما زيّنه ناي

وصمتك يثير الشوق يا شوق فيني

وطيفك يباريني بنومي وممشاي

هذا بلاي اللّي يزوّد حنيني

يا مستبيح حماي لا تبحث خفاي

عذب فديت طعونك اللّي تجيني

سلمت لك قلبي امانه بدنياي

يعني أنا كلّي لكلّك رهيني

وعندي امنيه يا ليت تتحقق مناي

اكون دكتورك وحظي يزيني

وما غيرك أحد ٍ في كشوفات مرضاي

وما غيري أحد ٍ يستحل الكنيني

لكن مصيبه كيف لا قلت لي آي !!

أخاف لا ونّيت أجر الونيني

(لا تلومني لا جيت كلّي من اقصاي)

يا مصدر البسمه وفرحة سنيني

اشتاق لك يا غايتي وانت ويّاي

واشلون وانت بعيد يا نور عيني ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

(حلووه ) ؟؟

الله اكتر من كلمة حلوة روووووووووعة وجنان يسلموووووووووو ياذوووق