السلام عليكم ورحمة الله وبركاته

تمارين مهمة لتحسين الذاكرة


النهارده هناقش موضوع مهم جدا الا وهو النسيان وهو ما يعرف فى المحافل العلميه (ايه رايكم فى المحافل دى ) باسم اكثر دقه الا وهو الزهايمر
وزى محنا عارفين الواحد مننا عاد بينسى كل حاجه( يعنى انا على سبيل المثال نسيت انا عملت ايه امبارح .... خير .... ربنا يستر) وعدنا بنستخدم كلمة انا نسيت كتير قوى قوى قوى
وانا بدور فى احد المنتديات لقيت موضوع جميل جدا الا وهو 10 خطوات لتحسين الزاكره (هقولهم بسرعه قبل ماانسى )
اول حاجه
اول حاجه
(حد يفكرنى)
اه افتكرت

1- دوام التمارين الرياضيه (اللى هى واحد اتنين هوب هوب يمين شمال ) مش (واحد + واحد يساوى اتنين )
حيث ثبت ان التمارين الرياضيه تقلل من تلف انسجة المخ وهو ما يحدث كثيرا فى مرحله الشيخوخه


2- حافظ على نظام غذائى صحى (يعنى مش كل حاجه تقابلها تكلها-- اهلك اشتكوا منك انك مخلص على الاخضر واليابس ---ناقص تكلهم )
يعنى تجنب اكل المواد السكريه والدهون المشبعه وتناول كثير من الفاكهه والخضروات الغنيه بمضادات الاكسده مثل :-
السبانخ والخضر
تناول ايضا الاغذيه التى تحتوى على mg مثل الخضروات ذات الاوراق الخضراء الداكنه والتى تساعد على المحافظه على الزاكره فى حالة نشاط دائم


3- تعلم اشياء جديده
قم بانشطه لم يسبق لك القيام بها (زى لعب البلى مسافات طويله )
مثل تعلم لغه اجنبيه حيث يعمل ذالك على تحفيز نشاط الخلايا العصبيه



4- احصل على ساعات نوم كافيه (امال مين اللى هيرجع وش الفجر ويعلى ضغط ابوه وامه )
حيث تؤثر قلة النوم على درجة التركيز


5- ابتكر طرقا تساعد على التذ كر
سجل ملاحظاتك وضع خطا تحت الفقرات المهمه والمواعيد المهمه (فاهمنى المواعيد المهمه على الكورنيش )
لتساعدك على التذ كر


6- حاول ان تكون اجتماعيا حيث ان التحدث مع الناس والتقابل الايجابى بينهم يساعد على المحافظه على وظائف المخ


7- حاول ان تكون منظما (انا سمعت الكلمه دى فين قبل كده) خصص مكان للاشياء المهمه مثل المفاتيح ودفتر الشيكات (اه بشوفه كتير فى الافلام وخصوصا الافلام العربى بس بصراحه عمرى ماشوفته وجها لوجه حد يبقى يصوره ويبعتهولى )



8- لا تكثر من مشاهدة التليفزيون (امال مين اللى هيشوف الماتش والمسلسل والكرتون ) حيث يؤدى مشاهدة التليفزيون اكثر من اللازم اضرار بالمخ


9- سجل الموضوعات الجديده بايجاز حيث تساعد الكتابه على نقل المعلومات من الزاكره المؤقته الى الزاكره طويلة المدى وتثبيتها


10- اخيرا حل الا لغاز العلميه وغيرها من اللالعاب الذهنيه التى تساعد على تحسين الزاكره
مثل
ايه وجه التشابه بين البطيخ والليمون ؟؟؟؟؟؟؟؟؟؟؟؟؟؟؟؟؟
طبعا محدش عارف
الاجابه هى ان وجه التشابه بينهم ان الاتنين مش برتقال
اسئله والغاز زى دى يعنى من اللى تجيب الضغط


شكر ا
كان معكم
كان معكم
كان معكم
حد يفكرنى يا جماعه
اه كان معكم(ايمى) من امام جهاز الكمبيوتر بتاعه
والسلام عليكم ورحمة الله وبركاته

اتمنى الموضوع ينال اعجبكم

السلام عليكم ورحمة الله وبركاته
اشكرك اختي ايمي بالفعل الموضوع جيد جدا بل ممتاز وبالاخص التعليقات التي تجعلني اضحك فيما استفيد من المعلومات وهذا ما جعل الموضوع اكثر تشويقا
شكرا مرة اخرى
وتقبلي فائق التحايا

و السلام عليكم ورحمة الله وبركاته

السلام عليكم ورحمة الله وبركاته
شكرا كثير ايمي والله موضوع مهم والله يستر كل ما اتكلم حد يقول نسيت وخصوصا اطفال اليوم الي طالعين