بحبك

أكيد هي كلمة واحدة
أربع حروف مش أكتر من كده
بس معناها كبيييييييير أكبر من كلام كتير


في ناس
بتقدر تقولها وناس مبتقدرش

وفي ناس
شايفه إن الحب إحساس وأكبر من مجرد كلمة

وفي ناس
شايفه إن التعبير بالكلمات ده حاجه مهمة جدا

وفي ناس
مش بتعرف تقول ولا كلمة ولا حتى حرف

وفي ناس
دايما بتقول اللي جواها لما بتحس بكلمة بحبك جواها بتقولها
ولما بتحس بكلمة وحشتني بتقولها
أي إحساس بتحسه بتعبر عنه

والنوع ده
يمكن يكون بيقول بحبك كتير ووحشتني كتير كتير

عايزه بقى آرائكوا
يا ترى كلمة بحبك لما بتتقال كتير بنفقد معناها
ولا بالعكس
يعني لما حبيبك أو حبيبتك تقولك بحبك
وبعد شويه تقولك تاني بحبك
وإنت متأكد إنها فعلا بتحبك وإن إحساسها صادق مش مجرد كلام

هتبقى مبسوط ولا هتزهق مع تكرار الكلمة

طيب واللي مش بيقول بحبك خالص

أنا عارفه هتقولولي خير الأمور الوسط
بس في ناس إحساسها سابقها وبيخرج من غير ما يستأذن
يا ترى دول مع الوقت هيبقوا مملين

نفسي أعرف بجد

السلام عليكم... أنا شخصيا بقول بحبك كتير ووحشتني كتير كتير.... وكنت خيفة أصبح فعين زوجي مملة..؟! لكن والحمد لله 5 سنين مرت ولسة أنا على حالي لكن هو زاد تعلقه بي و أصبح يتحرى الأسباب ليسمعها من عندي في كل حين إن لم أقل في كل لحظة...

اها
ياارب يخليكم لبعض وتدوم المحبة بينكم دايما
تسلمى على المشاركة الحلوة

تسلم يدك على الوضوع الحلوووووو