ولا ياللي اخذت القلب واعطيته وفاك إسلوم
ابي اشرح لك صدى صوتي بعد مارتد من دونك

احبك يانظر عيني عدد مافي سماك انجوم
واحب ارضك ومنزالك واحب اللي يحبونك

وابيك اتغادر احزانك ولا ابغا في صفاك اهموم
ابيك من الصفاء حد البياض إبطيب مكنونك

وابيك أشواق قلبٍ حب فيك الفارق المعلوم
على غيرك تباهي يالوداد إبشف مضنونك

ابيك الصدق والإخلاص في وقت الفرح واللوم
وابيك إملاطف الإحسان للي مايدانونك

ابيك النجم في عالي سماي بحليتك منظوم
وابيك البدر جوف الليل تبهجني بعرجونك

ابيك أغلى وابيك أبهى وطن في خافقي مرسوم
وابي وصف المعاني فيك تقصر يوم يطرونك

وابيك من الوفاء معنى وصل ماينقطع ويدوم
ابي كل العذارى البيض فدوة خاطر عيونك

ابيك من الزلال أعذب وهتانك مطر وغيوم
وابي كل البشر لاجيتني تمشي يحيونك

حبيبي ياحياتي ياغناة العاشق المحروم
هذا شفي عليك ومطلبي واشواق مجنونك ..


تحياتي

صح آلسآنك
جنآن يآشآعره
ويلا عقبآل مآتكتبيّن فيني قصيدة هجآء < على بآله مدح خخخخخ

يختي الله لايحرمني من اناملك ولا انامل صديقتك <<للان ببالها
كلمات روعه ومعااني ارووع..
يسلموووووووو

لااااااااااء هذه قصيدتي مو حقت صديقتي

يسلمو ع مروركم