انا جداوية ومررة طفشانة..ابغا افل .. بس مره حيرانة
> > طفشت انا من التكرار .... ابغى شي ماقد صار
> > فكرت أروح جافا ... لقيتها خلاص سخافة
> > قلت أحول على فيرتيغوا ... بس شوية وحفتقوا
> > الكراسي صارت حارة ! ... دايماً عليهامارة
> > ومن اروما طفشت ... كأني هناكََ عشت
> > وهافانا انا هريتها ... كأني خلاص أشتريتها
> > حتى سنسز قَرفني ... كل اللي هناك عرفني
> >
> >قلت lost city برضوا ... حفظت طولوا من عرضو
> >
> > مومعقول اليوم يضيع ... نفسي اروح مكان فظيييع
> >
> > مني عارفة ايش صارلي ... ماابى جيلاتو ولا هارلي
> > صح التحلية مرة حماس ... بس والله طفشت خلاص
> >
> > بفكر أروح بارنيز ... ولا أعدي على أبل بيز
> >
> > بس رحتهم كفاية ... أبغى أغيرالحكاية
> > لارويا , دريم..جون.. . اسحب عليهم سيفون
> >
> > وزي جوفريز محلاقي ... وداماس وماجيك و الباقي
> > لكن ابغى حماس وجنان ... مايكون عدا عليا زمان
> > أما رانديفو فتاك ... بس مزاجي موهناك
> > و تيتانيوم يجي منو ... بس دوبي كنت عندو
> > كدة مررة ماينفع ... ماني عارفه فين اطلع ؟
> > فكرت في ريفيرا كتير ... بس برضوا موتغيير
> > وستاربكس ارتحلتوا ... بس مالي نفس اروحلوا
> > ياناس أبى مكان جديد ... مايكون بيض ولاتقليد
> > بس.. بطلت من الكافيهات ... قلت البحر لوحكايات!
> > شكلها زي كل مرة ... محروح غيرالدرة
> > دحين أنا بفكر لسه ... يمكن أروح اشتري بسه!
> > قلت أفكر أروح فيفا ... بس بساسها مرة نحيفة!
> > ولا واحة الحيوان! ... أنا قرفت من دا المكان
> > شكلها جلسة في البيت ... بس مرة مو ياريت
> > طفشت من قرف التلفزيون ... ومن الحنحنا بالتلفون
> > أحسن ادخل عالماسنجر ... لكن مررة يطفش أكتر
> > بس..! جاتني أحلى فكرة ... انا حنام واستنى بكرة
> > وانشالله ربنا يحلها .......ولمن أصحى أفلها
أهلا و سهلا بك أخي الكريم في منتديات لمعه ,, للتسجيل اضغط هنا !!
17-05-2008, 11:21 AM
انا جداوية وطفشانة..
.gif)
.jpg)
