[move=left]بسم الله الرحمن الرحيم[/move]

الموضوع ياجماعه باختصار انها بنت تحب واحد يشتغل معاها وتقدم لجل يخطبها بس ينتظر وظيفته الحكوميه تجي وهي مضمونه ان شاءالله

في الفتره هذي حبها وحبته بس صار لها موقف مع اهلها انها خرجت معاهم وطاحت وتعورت وشكت انه بسبب هذي الطيحه فقدت عذريتها
بس هي ما كذبت خبر وراحت قالت له وهوه في البدايه ما قصر وقف معاها وطمنها انه حتى لو صارلها كذا راح يكون معاها وما حيتركها
طلب منها تروح عند الدكتورة لجل تكشف وتتطمن و تطمنه رفضت في البدايه لانها كانت خايفه تسمع شي وتفقده
ومن كثر زنه عليها قامت اختنا في الله وكذبت عليه قالت له انا كشفت والدكتوره قالت لي انت فقدتي عذريتك
قالها اوكي اعطيني رقمها فرفضت فقالها من ايش خايفه الا انك مسويه شي غلط
فزعلت واعترفت انها قالت كذا لجل تشوف ايش ردة فعله طبعآ هوه زعل من الموقف السخيف هذا بالذات انها قالت له انت شاكك فيا لجل كذا ودك تكلمها طيب وش دراك يمكن اعطيك رقم وحده واتفق معاها و تقولك اني سليمه قالها انا حبيبتي ما تسوي كذا
المهم حست انها راح تفقده فراحت كشفت بجد مع اختها ووحده من صديقاتها
وفرحت لما سمعت الخبر انها ما فيها شي وبلغته واخذ رقم الدكتورة وطمنته انها سليمه على اساس انه خطيبها
حست بالامان لما ارتاح بس رجع يشكك في كلامها انه خايف لاتكون صديقتها قالت للدكتوره قولي كذا على اساس انها تعرفها من قبل
حلفت له انه ما حصل لانها كذا راح تضرها
بس طبعآ ما راح يصدقها لانها شككته فيها من قبل
المهم حصلت مشاكل بسبب الموضوع هذا قررت فيه الهانم انها تنسحب من حياته وقفلت جوالها وهوه بيتصل عليها
بس رجعت وحنت له وهوه في هذي الفتره سأل كل اللي يعرفهم انه لو احد حصل معاه هذا الموقف ايش يعمل
ومن ضمن اللي سألهم بنت تشتغل معاهم ونصحته انه يتركها بس الوحيداللي وقف معاها خاله وقاله راح تندم لو تركتها
كلمته وحصل بينهم نقاش نهايته قالها كل واحدفينا يشوف طريقه طبعا هي جنت لانها تموت فيه
وضلت تبكي والصراحه هوه ضعف يوم سمع بكاها بس مسك حاله شوي
وبعداتصالات بينهم دامت يومين قالها انا احبك وما اقدر اسيبك بس انتي اللي سويتي كذا وترى محد وقف معاكي من اللي سألتهم الا خالي والصراحه انا ما اقتنعت بكلامه
بس ابغاكي تنسي الموضوع ولا نتكلم فيه ثاني وانا عند وعدي لك راح تكوني زوجتي
المشكله اللي تبغى فيها نصيحه
انه متغير معاها وما يسأل عنها الا اذا هي دقت وما هي حاسه بحبه مثل قبل
ايش تسوي تتركه بس هي ما تقدر لان روحها فيه
تستمر معاه بس ماهي قادره تتحمل الوضع هذا ان حبيبها يتغير عليها
هل اللي انكسر ما راح يتصلح وهذي فترة بين اي حبيبين وراح تعدي
او لازم تتركه لان الشك دخل قلبه من ناحيتها
هي حاسه انه قالها ماحاتركك لجل خايف عليها يصيرلهاشي لا اقل ولا اكثر وبعدكذا يسحب نفسه
ايش رأيكم وبأعرف ياأولاد آدم لو حصل لاحد منكم نفس الموقف ايش راح يكون موقفكم والبنات طبعا بس لان الرجال تفكيرهم غير
اسفه طولت عليكم بس انا حاسه ان البنت هذي لو تركها حبيبها راح تفقد عقلها
جزاكم الله خير لطول بالكم والله يخليكم ل
أحلى من التوت