كم من صقر وقت الشدايد دجاجه
------------------------------
ما كل من يضحك بدنياه مسرور
لو ضحكته دايم تحرك حجاجه
وما كل من يبكي من الناس مقهور
بعض الدموع رخاص من شان حاجه
وما كل صادق لو حكا لك من شعور
يا كثر من زيف المشاعر خراجه
وما كل ما يخفا من السر مستور
بعض الوجيه ابين من ارهف زجاجه
وما كل بيتٍ بابه انصك مهجور
كم بيتٍ اطفا الشح واهج سراجه
وما كل وردٍ تزرعه ينثر عطور
لو ماه صافي ما يخالط هماجه
وما كل مرهف قلب لو يزرع زهور
قلب يحب الورد وهو مثل صاجه
وما كل من يخطي من الناس معذور
البعض يخطي من علوم العواجه
وما كل من يسكت على الظيم مجبور
لجل الغلا ساكت ويدعي انفراجه
وما كل راسٍ ضيع الفكر مسحور
كم راس سحر الحب جاب ارتجاجه
وما كل عله فادها طب دكتور
كم من عليلٍ وصل خله علاجه
وما كل من شاور حكيمٍ خذا الشور
بعض البشر ما يقنع الا مزاجه
وما كل من سمي صقر يشبه صقور
كم من صقر وقت الشدايد دجاجه
وما كل فزاع لجل مدح مشكور
البعض مرجلته وسامه وتاجه.................................
اعجبتني ونقلتها لكم ....صح لسان كاتبها

تسلم ياتضحك يا ولد الصقور
مستحيل أوصل لاجتهاده وابداعه

أقول وشرايك تكملها مع الابيات
هههههههههههههه
تسلم ولا تخاف ترى عيني بارده
مـــــــــــا شــــــــــــــــاء اللــــــــــــــــه
أرتحت خخخخخخ ,,,, أمزح

اقتباس المشاركة الأصلية كتبت بواسطة محبوبة بجنون تسلم ياتضحك يا ولد الصقور مستحيل أوصل لاجتهاده وابداعه أقول وشرايك تكملها مع الابيات هههههههههههههه تسلم ولا تخاف ترى عيني بارده ما شاء الله أرتحت خخخخخخ ,,,, أمزح

وجايبتها على الوزن بعد تسلم يمينك

افكر احطها

اكيد عينك بارده <<امزح حبوبه

منوره الصفحه ......
وحياك في اي وقت

كلماااااات راااائعه

ويسلمو ايديك ياتضحك ويعطيك العاااااااافية

تقبل مروري

دلــــــــوعـــــــــــة

هههههه
حلوه كثييير
يسلمووو اديك
ويعطيك الف عاااافيه
تحياتي لك
الفرااااولة

التوقيع

إذا احببت شئ بشده فاتركه فإن عاد إليك فهو لك ... وأن لم يعد... فإنه ليس لك من البدايه؟!!