منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

مرور 10 سنوات على تأسيس منتديات لمعه

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات عامة > المنتدى العام
استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

المنتدى العام , (( اقتطف ما يعجبك .. فعامنا يحوي من كل بحر قطرة ))

لو كان بيننا

إنشاء موضوع جديد  رد
 
أدوات الموضوع
قديم 24-03-2012, 09:26 PM رقم المشاركة : 1
معلومات العضو
فريق العفة
عضو نشيط
إحصائيات العضو
Egypt

Female






فريق العفة غير متواجد حالياً



افتراضي لو كان بيننا



لو كان بيننا ,
هسسسسسسسسس

مش عايزة أسمع صوت

كل واحد إيده على بؤه

عقله فى دماغه

و مصحصح كده و مركز

و عينتينه الإتنين فى وشه

و زووووووووووم على التوبيك ده بقى

علشان هو عسول ^^

لإنه ببساطة

بيحكى عن :

الرسول صلى الله عليه و سلم


لو كان بيننا
ويالا نبتدى بأول حدوتة

الرسول كان ليه جار إسمه " أبا عبد الله "

و كان شاب

ففى مرة لقى " أبا عبد الله " مجموعة من الفتيات قاعدين

قدام المنزل بتاعه تقريبا

فأول أما شافهم

دخل ظبط نفسه و لبسه وبعدين خرج


فالرسول " صلى الله عليه و سلم " شافه

فقال له الرسول :
أبا عبد الله ماذا تفعل؟؟

طبعا أبا عبد الله إرتبك جامد

و قاله فيما معناه إن الجمل بتاعه بيشرد كتير فهو كان بيدور له على مكان يربطه فيه

بس على مين ؟
الرسول طبعا كان فاهم بس سكت ^^

و بعدها مشى بدون أى كلمة




و من ساعتها و كل أما أبا عبد الله يشوف الرسول يستحى منه

و الرسول كل أما يشوفه يقوله

أبا عبد الله ايه أخبار الجمل بتاعك؟؟
لسه بيشرد؟؟ :D:D


شوفوا الأسلوب يا شباب ^_^


فأبا عبد الله من كتر أما استحى من الرسول و إن الرسول فهمه

فمش بقى قادر من كتر الإحراج

فقرر أبا عبد الله يهجر المسجد النبوى و تعجل المسير إلى المدينة علشان الرسول مش يشوفه

فأبا عبد الله مضى عليه فترة فشق عليه ذلك

يعنى تعب من كتر التفكير فى الموضوع و من بعده عن الصلاة فى المسجد النبوى

فأنتهز الفرصة و قال إنه هيروح و المسجد فاضى بحيث إنه مش يقابل الرسول تانى فيتحرج منه

و بالفعل ..أبا عبد الله
شاف المسجد لقاه فاضى..فدخل يصلى



فالرسول ساعتها كان خارج من بيت السيدة عائشة
مع العلم إن جدار بيت السيدة عائشة هو نفسه جدار المسجد


فشافه بيصلى


فصلى الرسول ركعتان خفيفتان


فأبا عبد الله قال انه هيطول فى الصلاة لعل الرسول يدعه :D:D

يعنى بمعنى أبسط .. قال إنه هيفضل يطول فى الصلاة بتاعته يمكن الرسول يزهق و يمشى من غير ما يكلمه فى موضوع الجمل اللى بيشرد

واخدين بالكوا من الإستحياء؟؟


فالرسول فاهم طبعا انه بيتهرب منه


فقاله..أبا عبد الله طول زى أما إنت عايز و برضه قاعدلك قاعدلك هههههههههه


وهنا بقى إستحى أبا عبد الله..و قال فى نفسه و الله لأعتذرن من رسول الله

" أصل الرسول صلى الله عليه و سلم .. بمفهومنا دلوقتى ..أفشه "


وبالفعل أبا عبد الله سلم و خلص صلاة


فلقى الرسول بيقوله..ها..إيه أخبار جملك؟ههههههههههههه


فأبا عبد الله قال : يا رسول الله لم يشرد لى جمل منذ أن أسلمت

يعنى بشكل أبسط : )

من ساعة أما دخلت الإسلام و أنا مش شرد لى جمل خالص يا رسول الله

فصلى الله عليه و سلم
وضع يده عليه و قاله رحمك الله رحمك الله رحمك الله


و من ساعتها أبا عبد الله ما كررهاش :D:D

فيه أدب كده ؟ : )

و فيه خجل كده ؟ : )

و الله موقف رهيب جدا يا شباب : )

صحيح إحنا الرسول مش عايش معانا

بس مع ذلك ممكن كل حد مننا يعمل زى أبا عبد الله : )

يعمل إيه يعنى يا فدوى ؟

يستحى يا شباب

يستحى من ربه : )

أما يغلط فى حاجة.. يبقى مكسوف كده من ربنا

و بيعترف لربنا بغلطه بكل إستحياء

ياااااااااه أد إيه صفة إستحياء العبد قدام ربه حلوة أوى : )

ربنا يرزقنى أنا و إنتوا بيها : )



و بكده أول حدوتة خلصت ^^


ندخل على الموقف التانى بقى : )



دلوقتى طبعا لو لقينا راجل بيفتح لبنت باب العربية

هنقول ع طوووووووووووول يا إما مصاحبين بعض ..يا إما مخطوبين


إنما متجوزين؟؟؟؟؟؟؟؟

إنت بتحلم يا حلمى :D:D


طيب شوفوا كده الرسول فى الموقف ده...عوضا عن العربية طبعا هيبقى الجمل

بصوا معايا : )



كانت السيدة صفية زوجة الرسول صلى الله عليه و سلم

لما يكونوا مغادرين للرحال و عايزة تركب الجمل

يقوم الرسول صلى الله عليه و آله و صحبه و سلم ينزل على الأرض

و " إتخيلوا معايا نزول الرسول " : )

و بعدين يضع ركبته زى مسند كده بالظبط

و بعدها تضع السيدة صفية رجلها ع ركبته علشان تعرف تركب الجمل

إيه ده ؟؟

فيه جمال كده ؟

فى زوج كده ؟

أعزك الله يا رسول الله.. بتنزل فى الأرض لزوجتك !

فى الوقت اللى " بعض " الأزواج بيتصارعوا فيه على لقب سى السيد مع أمينة !

و قبل أما أمشى

أحب أقول لبعض الشباب حاجة

الرسول صلى الله عليه و سلم كان بيدلع السيدة عائشة و بيقولها يا عائش : )

أو يا حميراء لإنها كانت بيضاء و فيه شوية حمرة : )

فعيب عليك إنت بقى

أما يفهموك إنك لو ناديت زوجتك بإسم دلعها

يبقى أنت هتفقد هيبتك و هتبقى عودتها عليك !

إنت متجوز علشان تبنى أسرة

مش علشان تربى المدام !!

هى جاية من بيتها متربية على فكرة : )

فنبطل بقى شغل هتفقد هيبتك و الكلام ده : )

علاقة الزواج مبنية على أساس مودة و رحمة و إحترام

مش خوف الطالب من المستر

أشكو إليك يارب : )

و السلام عليكم : )

بقلم:

فدوى إبراهيم : )


منقول من على صفحتنا على الفيس بوك
أنا هكون يوسف وانتي هتكوني مريم ومش هنحب الا ازواجنا








آخر مواضيعي
بكاء الرجال
كلمة حلوة منك
كما قالت أمى
المحبطون
قل ولا تقل
أنا عفيف
الثبات بعد رمضان

رد مع اقتباس
إنشاء موضوع جديد  رد

لو كان بيننا


أدوات الموضوع

 

المواضيع المشابهة لـ : لو كان بيننا
الموضوع كاتب الموضوع المنتدى مشاركات آخر مشاركة
في شيء بيننا انكسر ) الودااااااع ( بقايا انسانه خواطر - نثر - عذب الكلام 4 27-05-2011 02:24 PM
نسيت انت ما بيننا ابوزهره شعر - قصائد - همس القوافي 1 10-06-2010 04:28 PM
لو كان بيننا الحبيب ;; [ مؤثرة جدا ] mayara882 الشريعة و الحياة 2 31-12-2009 02:44 PM
لو كان بيننا سلمان الزهراني الشريعة و الحياة 0 24-06-2009 11:14 AM
ما الفرق بيننا و بينهم ؟ أنين المنتدى العام 8 29-01-2009 11:55 PM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - عروض كارفور - العاب - منتدى - flash games - عراقي

الساعة الآن: 09:57 PM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.