في البداية : أعتذر عن التعديل ولكنه لم يكن في المضمون و لكن كان في اللغة فقط ولتوضيح الأسماء لكي يصل مضمون الرسالة للقراء و المسؤولين و الذين يخافون على أمة الإسلام و تدنس الأرض الطاهرة ، أحب بقعة إلى الله عز وجل بمثل هؤولاء الأشخاص.
ثانيا: أحب التأكيد على واقعية هذه الحادثة و أن الخبر إنتشر من ذلك اليوم الأربعاء و أن هذه "لمياء جعفر ثابت"و معاوينيها تعرضوا لكثير من البنات من ضمنهم قريبه لي ، بأخذ جوالها وعندما ذهبت والدتها في اليوم التالي لأخذ جوال إبنتها لم يسمحوا لها بدخول الجامعة من البوابة وإذا أرادت الدخول يجب أن يكون هناك خطاب إستدعاء. فبعد 6 أسابيع تقريبا استلمت الجوال من شؤون الطلاب " هذا بعد الواسطة إلي أشتغلت من يومها و كانت من نائب مدير الجامعة" اتى الجوال و هو في حاله مزريه جدا " الشاشة مكسوره ومليئ بالخدوش و لا يصلح للعمل " الجوال هو Motorolla فئة DG الذهبي. وبعدها أتت حادثة "زارا الفارسي"
أخيرا : أطلب من الله عز و جل ان يحمي أولادنا و بناتنا وأن يحمي هذه الأرض المطهرة من مثل هذه الفئة من الناس و من ثم أطلب من كل من يصل إليه هذا الإيميل من المسؤولين أو من أبنائهم أن ينظروا في حالنا اليوم و لماذا أصبح هكذا و كيف لهذه الفئه التمرد هكذا و أين القانون و إلى من نشتكي بعد الله عز و جل " ألم يسخركم لمساعدة المظلومين و درء الظلم عنا " ثم أن ينظروا في هذه القضية و في حال بناتنا في الجامعات و ليس أن يناقشوا "موضوع سياقة المراة للسيارة" فهناك مواضيع كثير يجب مناقشتها قي هذه الأمة و من أهمها حال شبابنا و بناتنا في الجامعات " فكم من طالب و طالبة مستواهم الدراسي متدني هنا... وإلى ان يتخرجوا من الثانوية ومن ثم يذهبوا إلى الدراسة في الخارج ويتعلموا و يأتوا بأعلى الدرجات ... لماذا هناك هم أفضل و هنا أسوء" و غيره كثير.
أسال الله عز و جل أن يغفر لنا خطايانا ويتوب علينا ..
لا حول ولا قوة إلا بالله
كلكم راع وكلكم مسئول عن رعيته
As Received
كما وصلني
في يوم السبت الموافق 10-6-1429
طبعا انا حتكلم بالعاميه احسلي
المهم
صاحبتي (زارا الفارسي) مريضه كلى
دايما تروح الحمام الله يكرمكم عشان تقضي حاجتها يعني هيا من (اصحاب الحمام) و
في يوم السبت جاها الله يكرمكم اسهال قبل الاختبار وكان الاختبار في الفتره الاولى ، فراحت حمام قريب من القاعة( 207 في مبنى ط)
وهادي الحمامات ما فيها اقفال ، وهيا في الحمام اتصلت ( زارا الفارسي) على صاحبتها تجي تمسكلها الباب لحد ما تخلص ، فجات وحده من العاملات وقالتلهم ''انتا ايش سوي اتنين نفر لحال هنا ، هات بطاقه حق انت ، انا في روح علم"
وطلعت و اشتكت ل لمياء جعفر ثابت " الله يتبصر فيها كيفما يشاء " وحده إداريه في جناح شؤون الطالبات رقم 2 ، فقامت نزلتلهم وقالتلهم انتو منظركم مشبوه هاتوا جوالاتكم وجرتها منهم ، فسمعت انو اللي على جوال "زارا" امها وهيا حرمه اجنبيه " يعني مش سعودية "
فسارت تقلها يا مهجنه يلي مالك اصل وصكت السماعة
وتقول للبنت التانية إلي هيا أنا "يابنتي الله يهديكي ليش تسمعي كلام الاجانب وتسوي حاجات غلط"
وريني جوالك حبيبتي ولمن طلعت الجوال قامت اخدته
فأبوا ( زارا) اتصل على جوال بنتو وردت عليه إلي ما تتسمى "لمياء" وسارت تقله اصلك ماربيت بنتك ومن داه الكلام فاتطاولوا الاتنين على بعض فقامت "لمياء" قالت: (شوفوا بالله ايش قالت) ''مدام قلتي لاهلك وانا قلتلك لا تقولي لاهلك ماراح اعطيكي الجوال'' فراحت حبيبتي "زارا" للدكتوره "شاديه في قسم الانجلش" عشان تساعدها فودتها عند "مها خياط" وكتبوا شكوى على"لمياء"
وكمان ابوها راح جامعة الاولاد واشتكى عليها
المهم باختصار ماخلوا احد ماراحولوا عشان يشتكوا عليها
وفي المعمعه هادي "أبو زارا" كلم "هيفاء فدا" وسوت نفسها الإنسانه الطيبه
وقالتلوا انت زي اخويا ومن داه الكلام
في يوم الثلاثاء "ابو زارا" وصل "زارا" الجامعه (وهيا ماعندها اختبار) وقالها "ماتخرجي منها الا وانت جايبه الجوالين" ( جوالها و جوالي معاها )
راحت "للمياء" (محور الشر والحسد) وكان معاها "نجلاء الاحمدي"
اخدوها وسكوا عليها الباب بالمفتاح والمفتاح على الباب
وقالولها نعطيكي الجوال بس بشرط
تكتبي اعتراف بخط يدك انوا انا مالي صلاح
وانو انت ممسوكه متلبسه طبعا "زارا" مارضيت
فجرتها من يدها
بالقوه الين ما "زارا" خافت وفكت الباب بسرعة وشردت وهاديكا مالحقت غير شنطتها و جرتها وكان فيها بطاقتها وفلوس وجوال امها وعبايتها
وقالتها لمياء انا ماراح اسييييييييبك
انا ماراح اسييييييبك
جا يوم الأربعاء وعلى اساس انو "زارا" جاتهم يوم الثلاثاء وقالتلهم انو هدا يوم الثلاثاء اخر يوم عندها في الإختبارات علشان يعطوها الجوالات
لكن حصل إلي حصل و شردت منهم و ما أعطوها الجوالات ، و ماكان أحد يعرف إنو عندها إختبار يوم الأربعاء إلا "هيفاء فدا" لانها عامله نفسها البنت الطيبه و وثقوا فيها
فلمن دخلت الاختبار في قاعه 207 الفتره الاولى وخلصت الاختبار وكالعاده تبى تروح الحمام
"الله يكرمكم" شافت الحمام انو فيه بنات بيزبطوا شعورهم ، فما أتصلت على احد إنو يستناها عند الباب و
دخلت الحمام اللي ماله قفل وحطت عصير (كاديه ازرق) وشنطتها قريب من الباب عشان لو احد مر يعرف انو في احد في الحمام
وكان الحمام عربي وفجاءه وهيا بتقضي حاجتها دخلت عليها حرمه "تكرونيه" ماهي متينه بس كلها قعوووووور ومن "التكارنه" اللي يلبسوا طرح وسارت تضرب فيها وتضرب
ولمن شافت انو "زارا" شافت وجهها قامت مسكت الطرحه بفهما عشان تحاول تغطيه
و"زارا" كانت تزعق وترفز و تحاول تخلص نفسها والبنات اللي في الحمام زعقوا وخرجوا والعامله الهنديه تطالع وتبكي بس لمن "زارا" كانت ترفز جات رجلها على العصير و أنكسرت "قارورة الكاديه" فشافت "التكرونيه" القزاز واخدت قزازه وسارت تحاول تقطع عرق في رقبة "زارا" و "زارا" بتصارع فجات شرطات على وجهها وصدرها ورقبتها وبعدين لمن ماقدرت راحت على يدها تبغى تموتها و "زارا" بتصارع مالقت عرق قامت سارت تغرز القزازاه بااقوى ماعندها بين فخوضها طبعا تعرفوا قوة "التكارنه" كيف
المهم شردت بنت الحرام وبعدها "زارا" انفجعت وسكت الباب وسارت حاطه رجلها عليه لاتجي تاني عشان تقتلها
فلمن ابوها عرف ، راح ارسل رساله ل "صالح المبعوث" رئيس الشوؤن للطلاب وكان واقف معاه من البداية ، لمن مارد عليه قام اتصل على الشرطه وجابهم معاه ، و أخدوا البنت
و لمن راحوا مستشفى الزاهر و عدو الاجراح طلعت 56 جرح
وطبعا صوروها وراحت فتحتلهم محضر في شرطه جرول
ومازالت القصه في تطور
ولو سار اي شي جديد راح اكتبوا وانشرو
ماراح اسكت لانه هدا اقل شي اسويه لصاحبتي
منقول من الأيميل
أدعولي بس اني اتخرج من الجامعه
أهلا و سهلا بك أخي الكريم في منتديات لمعه ,, للتسجيل اضغط هنا !!
25-06-2008, 11:24 AM
جريمة قتل تحدث في حمامات جامعة أم القرى
المواضيع المتشابهه
