منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات أدبية > قصص - حكايات - روايات
التسجيل استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

قصص - حكايات - روايات , قصص , روايات , حكايات , قصص قديمة , حكايات قديمة , قصص مرعبة , قصص رعب , قصص عبر , قصص حكم , قصص مثيرة , قصص الاطفال , قصص و حكايات , اجمل القصص , اجمل قصة , احلى حكاية

كان نفسي اتجوزها ( 5 )

إنشاء موضوع جديد  رد
 
أدوات الموضوع
قديم 16-04-2012, 08:51 PM رقم المشاركة : 1
معلومات العضو
فريق العفة
عضو نشيط
إحصائيات العضو
Egypt

Female






فريق العفة غير متواجد حالياً



افتراضي كان نفسي اتجوزها ( 5 )



كان نفسي اتجوزها ( 5 ) ,

ام ياسر نزلت مع اختها و افراد من العيلة علشان يسبقوهم علي القاعة

وياسر لسة جواه زعل ان نهال من نصيب حد تاني

وتليفونه رن

ترررررررن ترررررررررررن

ياسر: الو .. السلام عليكم

عمر: وعليكم السلام .. ايوة يا ياسر .. جاهز تنزل ؟

ياسر: هلبس ونازل اهو .. عشرة بالظبط اجيلك فين؟

عمر: تعلالي عندي سيتي ستارز

ياسر : هلبس بسرعة ومسافة السكة اكون عندك .

------------------------------

ياسر بيلبس بدلته ومش قادر يصدق انه رايح فرح البنت اللي طول عمره بيحبها .. علي واحد غيره !!

قد ايه شعور صعب .. وقاتل ..

بس في حاجة بتفكره .. وتقوله لعله خير

وفي برواز في اوضته عليه الايه الكريمة ( الا بذكر الله تطمئن القلوب ) ؟؟!!

ياااااااااااارب .. انت العالم بالحال

ياسر يبكي غصب عنه !!

يفتكر لما كان والده زمان بيقوله : جري ايه يا ياسر .. الراجل ميعيطش

ياسر (لنفسه) :طيب ليه ميعيطش ؟؟ هو مش بني ادم ؟؟ هو الراجل لازم يكون مبيحسش ولا يكون عنده قلب؟؟

المشكلة مش في الدموع !! المشكلة في اني لو سيبت نفسي لضعفي هيهزمني .. وابقي خسرت نهال .. وخسرت نفسي

ولعلي لو رضيت بقضاء الله .. ابقي كسبت خسارة نهال .. وكسبت نفسي

بسم الله .. توكلت علي الله .. ولا حول ولا قوة الا بالله علي العظيم

اخر حاجة ياسر قالها .. وقفل الباب وراه

---------------------

ياسر في الطريق .. لقي عجلة السيارة الامامية .. فيها حاجة مش طبيعية

راح لأول عجلاتي في سكتة علشان يظبط الضغط بتاع العجلة

العجلاتي كان جمب محل كوافير (للمحجبااااااات فقط) .. ولكن

ياسر لاحظ ان الكوافير كل شوية يدخله راجل .. داخل طالع داخل طالع

ياسر (لنفسه) : ايه قلة الذوق والادب دي .. وازاي اصحاب المحل ده سهل عليهم اوي كدة انهم يكشفوا بنات الناس اللي بتدخل عندهم دي علي الراجل ده؟؟

ياتري يا نهال وانتي في الكوافير .. وكان في راجل غريب بيعمل ماكياجك .. ازاي هانت عليكي نفسك؟؟

هو انتي للدرجة دي مش حاسة ان لما راجل يقرب منك كدة مش حرام ؟؟

ليه شايفة كل حاجة غلط بسيطة اوي كدة .. ومش حاسة انك بتعصي اللي خلقك؟

يااااارب .. انت العالم بالحال .. عدي الليلة دي علي خير

ياسر : كام يا ريس؟

العجلاتي: 3 جنيه يا باشا .. طريق السلامة
----------------
قدام سيتي ستارز

الساعة 10 بالتماااااام

عمر واقف قصاد باب المول .. لابس قميص ابيض سادة .. وبنطلون رمادي غامق !!

عمر واقف سرحان .. بيفكر في صاحبه الوحيد .. وهلكااان من الشغل طول اليوم

وتيجي بنات بتضحك وتهزر بصوت عالي .. قاعدين يزقوا في بعض في الشارع

وقدام الناس .. وعمر مش مركز معاهم

واحدة منهم حبت تهزر مع صاحبتها .. راحت زقاها علي عمر

كعب جزمتها داس علي رجل عمر

عمر (صرخة مكتوومة ) : اوووووووووووو ..

البنت : سوغي سوغي سوغي .. صدقني مش اقصد

عمر : ولا يهمك يا فندم

البنت : ولا يهمني ازاي .. اقلع الجذمة لا تكون وغمت

عمر : وغمت؟؟ !

البنت : معلش اصلي لدغة في الغة (الرة ) حاول تتغجم بقي

عمر (محاولا ابعاد نظره عن زينتها المبالغ فيها ) : اه .. ولا يهمك يا فندم

البنت : بجد شوفها .. علشان لو محتاجة اوديك لدكتوغ

عمر : يا فندم خلاص .. ميهمكيش .. بسيطة

البنت : انت مش بتبصلي ليه ؟؟ انت بتحتقغني؟؟

عمر : العفو يا فندم .. هو انا صدر مني كلام يقول كدة؟

البنت : ماهو يمكن انا وحشة ولحاجة

عمر .. في حالة ذهووووووول : العفو يا فندم .. علشان معطلكيش بس

البنت : طيب قولي اني مش وحشة بس وانا اسيبك .. اصلي بحب كلمات الاطغاء (الاطراء) موووت .. بتطغي الجو

ضحكات متعالية من صديقاتها الفتيات .. ووجه عمر يحمررررررر من شده خجله

بيييب بييييب (كلاكس سيارة ياسر ) كان بينادي علي عمر

عمر : ياسغ (ياسر).. اتأخغت (اتأخرت) لييييييييه؟؟

عمر يمشي مسرعا الي سيارة ياسر

ياسر : معلش والله السكة كانت زحمة .. وبعدين دول 5 دقايق

عمر : انا كنت بتعاكس يا ياسر .. الحمد لله انك جيت

ياسر : ههههههههههههههه الله يفرحك يا اخي .. ضحكتني وانا مليش نفس .. معلش الشباب الملتزم اللي في حالة دايما تجيله البلاوي دي لحد عنده

عمر : ايوة يا ياسر بس انا اتخضيت .. ايه البنات دي .. ده انا اتكسفت !!

ياسر : بنات ناقصة رباية .. متزعلش انت .. وبعدين ايه لبس المدرسة اللي انت لابسه ده؟

عمر : ملحقتش اغير هدومي .

ياسر : انا كنت عايز احكيلك حاجة

عمر : خير؟

ياسر : امي عايزة تخطبلي يا سيدي .. بنت عمتي

عمر : طيب كويس .. وبنت عمتك مالها؟

ياسر : ملهاش بس انا عمري ما شوفتها.. ولا اعرفها ولا اعرف اخواتها

عمر : اومال عمتك ازاي يعني ؟؟ هم مكانوش عايشين مع عمتك؟

ياسر : لأ يابني .. دول بنات عمتي صفية .. اللي كانت في السعودية .. والاتصالات كانت مقطوعة من وانا في ابتدائي .. من ايام بابا الله يرحمه

عمر : ااااااه .. افتكرتها .. كنت حكيتلي عليها قبل كدة .. طيب وايه رجع الاتصالات تاني ؟؟

ياسر : ماهي مكانتش مقطوعة اوي كدة يعني .. لما كانت عمتي بتنزل اجازات كانت بتتصل بماما علي الارضي .. وانا علطول برة البيت

عمر : يعني عمرك ما كنت بتكلمها تقريبا .. لا هي ولا عيالها

ياسر : الله ينور عليييك .. شفت بقي الورطة دي

عمر : ورطة ليه يابني عادي .. انسي انها بنت عمتك .. كأنه جواز صالونات عادي

ياسر : يابني انا ملييش نفس للجواز اصلا .. اي واحدة هاخدها هظلمها معايا .. انا لسة بفكر في نهال

عمر : والله يا ياسر اسمع كلامي .. مفيش واحدة هتحبها اكتر من اللي اتخلقت من روحك .. وروحك اتخلقت من روحها .. مهما كنت متخيل ان في واحدة تانية هتحبها اكتر منها .. دي تهيؤات ... خد مني انا .. انا بحبلك الخير

ياسر : علي العموم انا استخارت ربنا .. وشوفت كل خير الحمد لله .. وانا وافقت اشوفها بس علشان خاطر ماما

عمر : طب يا بختك .. انا مش لاقي واحدة اديها ثقتي اصلا من اللي بشوفه في الشارع بقيت خايف اخطب والله

ياسر : ربنا يرزقك اللي تستحملك .. وتستحمل طيبتك المبالغ فيها دي يا عمر .. ربنا يعلم اني بحبك في الله اوي

عمر : ربنا يحبك .. بس قولي هي اسمها ايه وسنها كام وشهادتها ايه وبتشتغل ولا لأ .. احكي احكي

ياسر : والله ما اعرف حاجة غير انها اسمها اعتدال والوسطانية في اخواتها وعندها اخت اكبر واخت اصغر.. بكل اسف

عمر : هي اختها الكبيرة متجوزة ؟

ياسر : لأ .. بس امي اختارتلي دي .. علشان عنيها خضرة ههههههههههههههه

عمر : طيب وليه الاختيار من النص ده يعني هههههههه .. والله شكلها هيطلع لانسيز .. يابني البنت لدينها واخلاقها .. مش لون عنيها ايه

ياسر : عارف والله يا عمر يا اخوية .. بس انا استخارت وربنا يقدم الخير .

عمر : بس تعرف اسمها جامد .. يااااااااااااه .. فاكر ابلة اعتدال ناظرة المدرسة اللي كانت بتمدنا في الطابور كل يوم الصبح علشان مش بنحلق شعرنا

ياسر : انا بفكر اقلب بيك العربية .. او اعمل بيك اي حادثة .. حرام عليك يا اخي .. هو انا ناقص قفلة من الموضوع!!

عمر : ههههههههههههههههههههه ده بس علشان لازم احط بصمتي انهاردة

ياسر ( بضحك ) : يا تحفة ... اهو خلاص وصلنا

-----------------

يركن ياسر علي جنب .. وينزل وامام باب القاعة

ياسر : بص يا عمر .. انا هروح اسلم علي نهال .. وربنا يعدي اليوم ده علي خير .. وانت روح دور علي عمتي

عمر : اوك

ياسر : تعالي هنا .. هو انت تعرف عمتي اصلا؟؟

عمر : لأ طبعا

ياسر : اومال كنت هتدور ازاي .. هو اي حاجة اقولك عليها تعملها كدة من غير ما تفكر؟

عمر : لأ طبعا يا ذكي انا كنت هدور علي والدتك وهي اكيد هتقولي فين عمتك

ياسر : لأ روح لماما متسيبهاش واقفة لوحدها .. اكيد خالتي مش مركزة معاها دلوقتي .
________________
منقول من صفحتنا في الفيس بوك
أنا هكون يوسف وانتي هتكوني مريم ومش هنحب الا ازواجنا
يتبع <<








آخر مواضيعي
بكاء الرجال
كلمة حلوة منك
كما قالت أمى
المحبطون
قل ولا تقل
أنا عفيف
الثبات بعد رمضان

رد مع اقتباس
قديم 07-05-2016, 05:28 AM رقم المشاركة : 2
معلومات العضو
mhand
عضو
إحصائيات العضو
Morocco

Male






mhand غير متواجد حالياً



افتراضي

روووووووووووووووووووووعة








رد مع اقتباس
إنشاء موضوع جديد  رد

كان نفسي اتجوزها ( 5 )


أدوات الموضوع

 

المواضيع المشابهة لـ : كان نفسي اتجوزها ( 5 )
الموضوع كاتب الموضوع المنتدى مشاركات آخر مشاركة
كان نفسي اتجوزها ( 3 ) فريق العفة قصص - حكايات - روايات 6 27-04-2016 02:29 PM
كان نفسي اتجوزها ( 2 ) فريق العفة قصص - حكايات - روايات 2 28-03-2012 01:31 PM
كان نفسي اتجوزها ( 1 ) فريق العفة قصص - حكايات - روايات 1 27-03-2012 12:41 AM
يا ساااام نفسى ابقى هكر فى الخير والله نفسى ابقى مثلك الحوت الجانح الحماية من هكر - هاكرز - اختراق 5 03-06-2010 02:05 PM
مع نفسى wessa.semsema خواطر - نثر - عذب الكلام 4 22-04-2009 12:37 PM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - شات - العاب - منتدى - flash games - عراقي

الساعة الآن: 04:57 PM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.