--------------------------------------------------------------------------------


تماسيح جات فضايحكم..هع

أنا ماراح اطولها لان موضوعكم طويل

تماسيح تسندووا بكلم الصبايا..

جبت الموضوع هذا خصوصي عشان تتعرفون على حياتهم

والعيشه اللي عايشينها ياحرام.. أخليكم مع الموضوع


نبذة عن التمساح العزابية :-

التعريف : هي المرحلة العمرية اللي يكون فيها الشاب منبوذ من جميع فئات المجتمع

* * * * * *

مواصفات العزابي :-

- مسكين

- مطفر

- جائع

- مديون من جميع الناس : الهندي راعي البقالة، مغسلة الملابس، راعي المطعم لو يشوفه يقلبه دجاج شواية

- مضطهد :

- مريض

- الملابس000الله لا يوريك

- الريحة0000لاتسألون عن هذي

* * * * * *

شقة العزابي :-

- الصالة ( تلفزيون - أربع طفايات زقاير وإذا مافيه طفايات فيه علب ببسي - ثلاث روس معسل - ترمس شاهي - 16 كاسة شاي أكثرها أسبوع ما غسلت - 22 جريدة ومجلة - خمس دفاتر لتدوين ذكرياته )

- غرفة النوم : مرتبة نوم ( يحلموون بالسرير ) - فنايل مرمية - ثياب وسخة - مسجل -200 شريط 75% جلسات - أكياس مطاعم ( شاورما + هارديز + كنتاكي ....... الخ)

- المطبخ : ستة أو سبعة أكياس بخاري - 22 علبة تونة - كورن فليكس >> هذا بالغلط أكيد أحد جايبه له خخخخخخخخ - أكياس ليبتون << نص المطبخ ليبتون

* * * * * *

مشاكل العزاب :-

أكثر كلمة يسمعها العزوبي هنا هي (( ممنووووووووووع )) :

- إحتفالات العيد (( ممنووووووووووع )) مافيه احتفالات يعني طول السنة نفس
الوضع وإذا تبي تحتفل رح للبحر أو البر لحالك والا طق براسك أكبر جدار

- دخول الملاهي (( ممنووووووووووع )) طيب ليه يعني هم اللي بيكسرون الصحن الدوار .. والا حاطينه للعوايل بس

- دخول الأسواق (( ممنووووووووووع )) وهذي مره مقهورين منها الشباب

ليييييييه يعني يقولون حنا اللي نبي نكسر المحلات والا نبي نقضي البضاعه عن العوايل

يقولون أنكم مزعجين داخل السوق ------ فيه رجال أمن داخل السوق وأي واحد يحاول يزعج يطردونه برا ----- يعني حلها سهل

* * * * * *

العزوبي والقطة :-

- القطة ( بفتح القاف ) و ( تشديد الطاء ) وهذا مصطلح في معجم العزوبيين يعني رسوم الاشتراك , وهي كلمه تسبب الحساسية للشاب العزابي وهناك أنواع متعددة من القطة منها:

- قطة الشقة ( وهذ غالباً ماتكون قاصمة للظهر ) يعني يبيع عفشه عشان يكمل المبلغ

- قطة الأكل ( وهذي لايسمح لك بتناول أي طعام أوشراب إلا بعد دفع قطتك فيها

(-(-( كل حياة العزوبيين قائمه أساساً على القطه )-)-)

أكل - شرب - نوم - ملابس - كتب - طواقي - شمغ - حتى السراوييل

* * * * * *

العزوبي والسفر :-

السنة فيها 365 يوم لا يعيش العزابي مبسوط فيها سوى 20 يوم

بالعربي يعني 345 يوم وهو يجمع الريال فوق الريال عشان إذا جاء الصيف يقدر يسافر للخارج

عاد العزوبي هنا منقطع مايشوف الا الديّانه ( بالشدة المنفتحة ) والا الدكاترة اللي مضطهدينه

والا مديره في الشغل , ولو يكح جنب عايلة قالوا له أنت تغازل بناتنا وهو مايدري عن شي أسمه حنااااااااان.

ههههههههههههههههههههه

هلاليه
من جد باديه الحرب عليهم

بتشوفيهم لما يدخلون الموضوع ايش بيصيرلهم
7
7


<<< ياويلي

تحياتي لك

فراولة

ههههههههههههههههههههه

ياحليلك خوفتيني

يسلمووووو عالمرور

اقتباس مواصفات العزابي :- - مسكين - مطفر - جائع - مديون من جميع الناس : الهندي راعي البقالة، مغسلة الملابس، راعي المطعم لو يشوفه يقلبه دجاج شواية - مضطهد : - مريض

انتي تعرفيني شي؟؟

هلالية اكيد انا غير وبرا الكلام هذا صح؟؟

ههههههههههههههه

شفت شلون تبي تهرب من فضايحكم هههههههههه

يسلموو عالمرور