منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

مرور 10 سنوات على تأسيس منتديات لمعه

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات أدبية > قصص - حكايات - روايات
استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

قصص - حكايات - روايات , قصص , روايات , حكايات , قصص قديمة , حكايات قديمة , قصص مرعبة , قصص رعب , قصص عبر , قصص حكم , قصص مثيرة , قصص الاطفال , قصص و حكايات , اجمل القصص , اجمل قصة , احلى حكاية

تخيل تصير معك ايش حتعمل؟؟

إنشاء موضوع جديد  رد
 
أدوات الموضوع
قديم 27-06-2008, 01:07 PM رقم المشاركة : 1
معلومات العضو
إحصائيات العضو
Palestine

Male






مزاجي

شهيدالحب غير متواجد حالياً


افتراضي تخيل تصير معك ايش حتعمل؟؟



تخيل تصير معك ايش حتعمل؟؟ ,
هذي قصته مع من دقة عليه بالصدفه

بصدفه دق عنده الجوال الا رقم غريب عنه مايعرفه رد على الجوال الا بصوت يهمس همس احلى من نسمة الليل

واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشها .

كلمها وهو مو مصدق انها يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس .

قالت: لاوالله مااعرفك واول مره اسمع فيها صوتك .

سالتها من وين جبتي رقم جوالي .

قالت : انا احب اتصل على الارقام المميزه واتعرف عليهم واقابلهم بعد اذا اعجبني اسلوبه .

قال لها : طيب انتي على كذا اكيد بتعرفين شباب واجد مدامك تدقين على الارقام المميزه .

قالت : طبعا اكييييييد في كل مدينه اعرف اثنين او ثلاثه بالكثير .

قالها طيب اكيد انك قابلتيهم كلهم .

قالت:لامو كلهم البعض منهم .

سالها قال لها وين ابوك وين امك وين اخوانك .

قالت :ابوي وامي ميتين من زمان وانا صغيره وماعندي غير اخو واحد وعايش بفرنسا

وزيارة لي قليله وانا عايشه مع خالتي في نفس البيت .

قالها طيب معقوله وكل هالصوت الحلووووو اكيد انك بتكوني حلووووووووه ومااعتقد

بعد اني سمعت صوتك اللي كل همس ورقة وحنان انك مو حلووووووه .

قالت له : انا الله عطاني من الجمال ماله حد .

قال طيب ليه للحين ماانخطبتي :

قالت له: انا تزوجت مرتين وتطلقت الاول تزوجته وعشت معاه في الامارات لانه شغال

هناك وانجبت منه ولد وبعد اربع سنوات تطلقت .

سالتها عن السبب .

قالت له: بسبب الشك الزايد اللي ذبحني فيه كان يقفل علي البيت ويمنع عني جميع

وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه

حاولت كذا مره اتفاهم معاه بس خلااااااص تعبت واقتنعت تماما انه حياتي معاه لازم تنتهي .

وفعلا يوم رجعت للسعوديه وبالتحديد......... تطلقت منه

قال لها طيب والثاني:

قالت الثاني: كنت مجبورة على الزواج منه وكانت حياتي معاه مثل العذاب ماحسيت في يوم

اني مرتاحه معاه وكان هو بدون اهتمام او يهتم بي كنت مجرد دمية في حياة ولا يسال عني ولا

يفكر فيني وبعد اربع سنوان ثانيه انجبت منه ولد وطلقني .

قال لها وبعدين وش صار .

قالت: بعدها حياتي صارت كلها فراغ في فراغ كنت انام واصحى مدري وين اروح مدري

وش اسوي قمت اتعرف على الشباب من كل مدينه كنت اروح مع هذا واسافر لهذا حتى كانوا

يحجزون لي التذاكر وتجي باسمي واروح لأي مكان ابغاه وماكان فيه احد يسالني انتي من وين جايه او وين كنتي غايبه .

قالها لها طيب وعيالك.

قالت عيالي عندهم شغاله هي اللي قايمه بتربيتهم ورعايتهم .

وقتها هي قالت خلاص الحين بقفل معاك بس بكره بتصل عليك في نفس الوقت قال

لها خلاص وتأكدي اني بكون مستني اتصالك هذا على احر من الجمر قالت انشاء الله .

جلس يفكر فيها وعن حياتها وياترى هي حقيقه او بس وحده من البنات اللي يعرفهن تبي

تختبره وجايبه صديقتها تكلمه بس كان فيه احساس او شعور غريب يقوله هذي البنت اكيد

انها صادقه ولا كان ماجاني هالشعور واحساس عمره ماخيبني في شي .

جاء موعد اتصالها في التالي وكان طبعا منتظر اتصالها وشوي الا جواله يدق عليه الا وهو

من فرحته مادرى وش يقول لها كان متلخبط في كلامه / قالت وش فيك منت على بعضك قال

مدري بس يمكن من فرحتي فيييك ماقدرت اخفي مشاعري وقامت تفضحني ضحكت ضحكه حلووووه

وخفيفه ابتسم معاها وطلب انه يشوفها وافقت واعدها بعد ساعه وراح لها في نفس الموعد وهو جالس

في سيلرة عند السوق الفلاني ينتظرها وكل ماشاف وحده كان يقول هذي لامو هذي وكان يخمن بين

هذي وهذيك وبعد ربع ساعه من وقفتها الا وهذيك البنت اللي جايه ولابسه عبايه على الكتف وحاطه اللثمه

وكلها حلاوة وهيبه وتلفت كل من كان في السوق او مار من الشارع من حلاوة مشيها

ولبسها جات عند السيارة قالت فلان قال ايه فلان اركبي يافلانه قبل لاتشوفنا الهيئه ركبت معاه وهي تضحك وتقول ياخواااااااف .

اخذها معاه وعزمها على العشاء وجلس معاها قال لها ابغى منك تفتحين لي قلبك وتقولين لي عن كل شي

في حياتك اعتبرين ورق ونتي الحبر اكنتبي بي هالورق كل اللي في خاطري وبعدين شقي هالورق علشان يرتاح بالك 0

بدت بالكلام قالت يافلان انا اعاني من قوت الفراغ اللي ذبحني وذبح حياتي معاي مدري وش اسوي تعلمت اشياء وعرفت

اشياء والله في يوم كنت اسمع عنها بس مع الاسف الحين صرت استخدمها طبعا اكيد عرفتوا وش اقصد بالضبط .

كان هو من شدة جمالها وحلاوة اسلوبها يستحي يطالع فيها او عينه تجي بعينها .

عرف انه هالبنت ماضيعها الا الشباب اللي استغلوا وقتها وخاصتا انها مطلقه وحلوووووه وتقدر تروح وتجي وتغيب

بدون مااحد يسال عنها .

طلب منها طلب واحد انها تسمع منه كل كلمه راح يقول لها وتسلمه نفسها .

قالت :اوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح

وانا تعجبني هالاصوات من الشباب وبعدين بعد ماكلمتك ارتحت لك .

الولد ماهو بشين بالعكس وسييييييييم بس ياريت كل الشباب مثله في اخلاقه .

عالعموم هو قاله لها اسمعي يابنت الناس :ترى كل الشباب اللي تعرفتي عليهم يضحكون عليكي وكلهم نصابين

عارفه ليه لانهم يمشون ورى رغباتهم وشهواتهم واهم شي انهم ينبسطون مع بنت وماهم هالبنت هذي مين تكون
او ماتكون صدقيني يافلانه انا لو ابغى اسوي مثلهم والله اقدر والحين واقدر اضحك عليكي واقول انا عندي وما

عندي واغريكي فيني بس بتكلم معاكي بصراحه انتي ترى للحين في عز شبابك والفرصه قدامك انك لحقين نفسك

اللي ضاعت بسبب اشخاص اغروكي باشياء ومثلوا عليك باسم الحب الكذاب عمر احد فيهم قال لكي يافلانه ترى

الطريق هذا اللي انتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا اتكلم

لاني حاسس فيكي انتي طفشتي من الدنيا لانك مانجحتي في حياتك الزوجيه وكنتي تبغي البديل حتى تطلعي من اللي

كنتي فيه بس للاسف كان البديل هو ضياع احلى شي فيكي وهو انك فقدتي احترامك لنفسك ولأولادك ولأهلك

وذاتك وكنتي تمشي مع ناس كلهم يسعون الى تدميرك لانه مافيه احد من هذول اللي ذكرتيهم قال في يوم ابغى اساعد

فلانه لازم اقف معاه واطلعها من الحياة هذي اللي هي قرفانه منها .
قال لها صدقيني واقسم بالله لكي يافلانه انه مااقول هالكلام علشان علشان تكوني لي انا وحدي لاوالله ولاكن والله كل

هالجمال هذا يروح كذا مع ناس ماتستاهله .

انا راح اوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على

كل شي امرنا فيه ديننا الحنيف .

وقتها البنت قامت تبكي هو لاحظ دموعها عرف انها دموع الندم دموع كل لحظه عاشتها غلط .

بعدها فكر في حياتها هذا وشلون يغيرها .

قرر انه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها .

وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها

ويجيبها لمقر الدورة الحاسب الآلي .

وعلمها على النت وعرفها على كل من معاه في المسانجر وطلب منهم انهم يعلمونها كيف تستخدم

النت صح وسجلها معاهم عضوه في المنتدى .

وبعد كذا سالها قال شخبار الفراغ قالت يوووووووه يافلان معاد له طاري .

قال لها خلاص ابشرك يافلانه انا لي صديق في مستشفى الفلاني وكلمته عنك قال

هات لي بس الشهاده الدراسيه وشهاده الكمبيوتر وخبرته انه انتي تدرسين دبلوم حاسب

آلي وهو ضمن لكي الوظيفه من يوم تتخرجين .

فرحت وقامت تبكي وحست انه الحياة فعلا حلووووة .

وطلب منها انها تغير ارقام تلفونات البيت ورقم جوالها وبالفعل غيرته وبعد ماتخرجت

تعينت في المستشفى الفلاني وبراتب معقوووول وزين .

بعدها قال بسألك يافلانه وشلون حياتك اول وحياتك الحين.

قالت وعيونها كلها دموع والله العظيم يافلان لو كان كل الشباب مثلك كان كل بناتنا

بخير وماينخاف عليهم فعلا الحياة حلووووة بس للي عرف يعيشها خاصتا انه في بنات

يمشون في هالطريق ماهو رضى منهم لكن الظروف هي اللي حدتهم على كذا واستغلال

الشباب لهم ولكن من في زمانا هذا يقول او يسوي اللي انت سويته روح ياشيخ الله يسعدك

ويوفقك وين ماتلقي وجهك .

ياريت الكل يقرأ ويفهم معنى هالقصة اللي انا اعتبرها رسالة الى كل ولد وبنت

وانشاء الله عيالنا وبناتنا فيهم الخير والبركه مدام هذا واحد منهم .

لكم من الورد اطيبه








آخر مواضيعي
تزوج شاب علبة بيبسي
بنات جده كلامهم غير
تخيل تصير معك ايش حتعمل؟؟
غازل البنت بحنيه
طريقة صيد بنت / فله = روعه
انت واخت صديقك
اخ يغتصب اخته

رد مع اقتباس
قديم 27-06-2008, 01:38 PM رقم المشاركة : 2
معلومات العضو
هلاليه كيوت
عضو لمعاوي

الصورة الرمزية هلاليه كيوت

إحصائيات العضو
Palestine

Female








مزاجي

هلاليه كيوت غير متواجد حالياً


افتراضي

يسلمووو عالقصه

مسكينه هالبنت

يعطيك العافيه شهيد








رد مع اقتباس
قديم 29-06-2008, 04:29 AM رقم المشاركة : 3
معلومات العضو
احلى غرام
عضو لمعاوي

الصورة الرمزية احلى غرام

إحصائيات العضو
Palestine

Female







مزاجي

احلى غرام غير متواجد حالياً


افتراضي

قصة بالفعل رائعه جدا شهيد

احسنت الاختيار

وان شالله الكل ياخد العبره منها


يعطيك العافيه









رد مع اقتباس
قديم 17-11-2008, 12:13 AM رقم المشاركة : 4
معلومات العضو
إحصائيات العضو
United Arab Emirates

Female






محد شراتي غير متواجد حالياً



افتراضي

قصه رائعه جداااااااا فيها كثير من العبر اللي تنفع الشباب والبنات
مشكوووررررررررررررررر على القصه الحلوة








رد مع اقتباس
قديم 17-11-2008, 12:26 AM رقم المشاركة : 5
معلومات العضو
دينا دريم
عضو خبير

الصورة الرمزية دينا دريم

إحصائيات العضو
Saudi Arabia

Female





مزاجي

دينا دريم غير متواجد حالياً


افتراضي

قصة اكثر من حلوه
شكرا لك








رد مع اقتباس
إنشاء موضوع جديد  رد

تخيل تصير معك ايش حتعمل؟؟


أدوات الموضوع

 

المواضيع المشابهة لـ : تخيل تصير معك ايش حتعمل؟؟
الموضوع كاتب الموضوع المنتدى مشاركات آخر مشاركة
اذا انقطع المكياج .... شوفوا وش بصير بالبنات كاريزما نكت - طرائف - نوادر 31 08-03-2009 02:26 AM
المدارس بعد 20 سنة كيف بدها تصير .. madrid_0 نكت - طرائف - نوادر 1 18-11-2007 02:28 AM
كيف يتعلم طفلك كتم اسرار المنزل آخــر العنقــود الأسرة و الطفل - عالم الأمومة - عالم الطفل 8 14-10-2007 11:42 AM
×?°من لم يتالم ,,,,, لايمكن ان يتعلم ×?° الـسـاحـرهـ المنتدى العام 11 23-09-2007 01:54 AM
من لم يتألم .....لايمكن ان يتعلم!! اسير الحب المنتدى العام 3 28-07-2007 01:50 AM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - عروض كارفور - العاب - منتدى - flash games - عراقي

الساعة الآن: 12:24 PM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.