يوم حس انه تمكن من قلبي
بدء يثقل ويتغلى علي
يتجاهلني وكنه مايعرفني
أسلوبه وطبعه قاهرني
مع الاغراب وش حلاته
ومعاي الله يصبرني
أبي اعرف ليه متغير علي
وش الغلط اللي سويته
من شان يعاملني كذا
وانا اللي أفنيت عمري معه
مايوم كذبت عليه ودوم الصراحه عنواني
حطيته فوق راسي وسميته تاج روحي
واليوم يوم عرف أني مااستغني عنه
خذلني باأسلوبه وتعامله معي
علقني بحبه وعذبني باايامي
وين قلبك وين حنانك ياقاسي
حس فيني وعطني قلبك وعقلك
حسسني انك تحبني وبادلني شعوري
تراني الوحيد اللي أحبك حب جنوني
وربعك اللي تعرفهم أتحداهم يحبونك مثلي
علاقتهم ضحك ومصلحه ولاشبعوا منك بيطنشونك
وبتصير خسران من الجهتين خسرت قلبي وحبي
وخسرت قلبك يوم فتحته لرواعي المصلحه
قلي وش يفيدك الحين الاسف والندم
خلهم الحين ينفعونك خلهم يردون لك قلبك
يوم خسرت كل ناسك علشانهم
وقلبي مايقبلك تسكن فيه يوم نكرته
له كرامه تفوق مستواك
روح دور لك قلب تسكنه
بس أنصحك لاتتأخر بالايجار
تراهم بيطردونك
لانك خسرت قلب كنت تملكه وهو قلبي
والحين أنت تملك قلب بالايجار !!!
!
شرايكم ؟؟
أهلا و سهلا بك أخي الكريم في منتديات لمعه ,, للتسجيل اضغط هنا !!
01-07-2008, 12:56 AM
روح دور لك قلب تسكنه
