أستاذ صابر

كان عندنا أستاذ فى الثانوى
زى السكر
لما بيشرح..كنا بنفرح
وأما يكسل.. ولا يعسل.. ولا يريح كنا بنزعل
كنا بنتبهدل من غيره
علشان عمره مفكر يهمل
كنا بنتلملم حواليه
نقعد جنبه.. نقعد تحته.. فوق على كتفه..
نقعد زم ما نقعد حتى إنشله فوق رجليه
وكأننا جعانين وهنرضع
نعمل حلقة ونفضل نسمع
وكأن البيه مطرب لعلع
وأما يدوس فى الشرح ويفتح
وأما يمخمخ
كنا نخاف منه ليتنحنح
و النحنحة تقطع تركيزه
ويرجع تانى يلم معيزه
ويقول ميزو
فاهم ياابنى...اشرح تانى
منى...سمعانى.. حد متابع ..ولا نبطل
***
لسه لحد الليلة أنا سامع صوته فى ودنى
زى ماأكون قاعد ع الدكة ومستنيه علشان يشرحلى
ياه على الدنيا
بالسرعادى الأيام تجرى
بالسرعادى الوقت اتسرب من بين ايدنا
لما قعدنا نفكر فيه أناوأنته
فاكر يومها...آه من اليوم ده
لما قعد ينصحنا يوميها لحد ما دوخنا
روحت ساعتها آيله فى سرى
يا با ارحمنا.. مطش الأهلى هيخلص لخص الديك أدن
عمرى ما كنت اتصور أبدا
إن كلامه دا كان بيشكل...مستقبلنا
***
ولا اليوم ده
فاكر يومها قعدنا نخطط
إيه هنجبلوا هديه فى فرحه
ومين هيروحله
ومين هينقط
حتى يوميها قعدت احلفلك
إني ضرورى فى فرحه هزغرط
بس خسارة وألف خسارة
فرحه اتشخبط
ياه على الدنيا...
كل ما افكر..
إن الشاب ده راح من الدنيا..
كده وفى ثانيه..
بتعب أكتر
يوم ما سمعنا الخبر الشئوم وأمته الدفنة
كلنا دخنا..
أولى وتانية وتالتة..
وحتى الناظر سبنا يوميها..
سبنا نعيط..
نصرخ بأعلىصوتنا نصوت..
ونقول متنا..
بعد ما فاتنا..
بعد ما سبنا..
وسابنا لمين ومفيش فى حيا تنا
حد يخاف من قلبه علينا
يخلص لينا
زى ما كان هو معلمنا
ياه على الدنيا
مات أستاذنا
مات منقذنا
مات وسايبلى وصية بخطه
لازم تبقى..
لازم تقوى..
لازم تعلى...
لا زم تسعى تملى إن إنته...
تبقى الأول ...فوق على القمة.
وأنا من هنا ببعته رسالة
وبقوله رسالتك راح تكمل
نام واطمن
كنت اتمنى تكون ويايا ثانية بثانية
بس المؤمن.. لا زم يرضى ولازم يصبر
نام واطمن
النور هيعم وهينور
وهنحصد ثمرتنا بإيدنا وزى ما كنت إنته إحنا هنبقى
وهيفضل إسمك دا ما بينا
وسيرتك تفضل ذكرى لجيلنا
أجمل ذكرى لأجمل عمر
نام واطمن
لو مات صابر... كلنا صابر
إحنا على السكة للآخر
سنين عزيمتنا عل الآخر
صابرين والصبر ملوش آخر
حاسين كام إحساس والمجمل
إن إحنا مسيرنا...راح نوصل




ارجو ان اري ردودكوا علي الموضوع

بجد الشعر جميل جدااااااااا يا سلام عليكي