هذي مذكره وحده بنوته جاتني وحبيت اوريها لكم ان شاء الله تعجبكم
أنا بنت جداوية .. و مرة طفشانة
نفسي أروح مكان .. بس لسه حيرانة
طفشت من التكرار .. أبغى شي ما قد صار
فكرت أروح جافا .. لقيتها خلاص سخافة
قلت أروح على فيرتقوا .. بس شوية و حفتقوا
و الكراسي صارت حارة .. دايما عليها مارة
و من أروما كمان طفشت .. كأني هناك عشت
لوست سيتي برضوا .. حفظت طولوا و عرضوا
مش معقول اليوم يضيع .. نفسي أروح مكان فظيع
مني عارفة ايش صارلي .. ما أبغى جيلاتو و لا هارلي
صح التحلية حماس .. بس طفشت والله خلاص
ما أبغى ناندوز و لا باقيت .. خلاص منهم أنا مليت
بفكر أروح بارنيز .. و لا أمر على أبل بيز
بس رحتهم كفاية .. أبغى أغير الحكاية
لارويا و دريم شخمطهم .. عن جد خلاص ما حأرحلهم
و زي جوفريز ما حلاقي .. و داماس و ماجيك و الباقي
لكن أبغى حماس و جنان .. ما يكون عدا عليها زمان
كاندل روج أو الجون .. ما حروحهم مهما يكون
كلهم رحتهم مية مرة .. نفسهم يطلعوني بره
أما رانديفو فتاك .. بس مزاجي مو هناك
و تيتانيوم يجي منه .. بس دوبي كنت عنده
كده مرة ما ينفع .. مني عارفه فين اطلع
قلت توارن و لا تشيليز .. و لا أي شي ما يكون غلظ
فكرت في ريفيرا كثير .. بس برضوا مو تغيير
وهافانا انا هريتها .. كأني خلاص اشتريتها
حتى سنسز قَرفني .. كل اللي هناك عرفني
وستار بكس ارتحتلوا .. بس مالي نفس أروح له
بس بطلت من الكافيهات .. قلت البحر لو حكايات
شكلها زي كل مرة .. ما راح أروح غير الدرة
ارض السعادة و لا شمس .. كلها كنت فيها أمس
طفشت حتى من النخيل .. أروح له ثاني مستحيل
رحت القمر و رحت الغوص .. و لو أعدد راح أحوس
ترى عن جد ما أبغى أكرر .. انا اليوم لازم أغير
طيب شوبينغ بأي مول ... بس و الله مش معقول
فكرت أروح الشلال .. بس برضوا نفس الحال
آيس لاند أو جنغل لاند .. كمان حيكون يوم أنعاد
دحين بفكر لسه .. يمكن أروح اشتري بسه
قلت أفكر أروح فيفا ... بس بسسهم مرة نحيفة
ولا واحة الحيوان .. أنا قرفت من دا المكان
أحسن ادخل عالماسنجر .. لكن مرة يطفش أكتر
طيب دانس عالأغاني .. لأ الفكرة مش عاجباني
قلت أكتبلي قصيدة .. يمكن أعمل حاجة جديدة
بس جاتني أحلى فكرة ... اني أنام و استنى بكرة
يمكن بكرة ربنا يحلها .. و لمن أصحى أقوم أفلها
شايفين البنوتات الحلوين الافي جدة يارب يخليهم
تحياتي
اجبر الخواطر
منقول
أهلا و سهلا بك أخي الكريم في منتديات لمعه ,, للتسجيل اضغط هنا !!
13-08-2008, 03:24 AM
تعالى ياغير مسجلشوف مذكرة بنت جداويه
المواضيع المتشابهه
