شو يعني شعبية ؟؟؟ ههههههههه
يمكن عنا بسوريا .....شو ما بعرف
اذا مو طبخ ... زيت وزعتر كل ولاد المدارس سندويش زيت وزعتر
اذا طبخ :
آكلات رخيصة لاصحاب الدخل المحدود بياكلوها كل يوم والتاني : مجدرة - برغل ببندورة
في اكلة بسموها اكلة النسوان : حراء باصبعه
واذا جمعة بنوتات او رفقات بيعملو كم شغلة خفيفة : اولون التبولة ومعها جيليه بالفواكه ممكن كيك وبيتزا هيك يعني
طبعا اكلات سورية على الفطور : الفول المتبل ... والتسئية (فتة) والفول كتير الو انماط للتتبيل وشو بعرفني
طبعا الفتوش شغلة اساسية ع الصفرة : الصفرة بكسر الصاد وتسكين الفاء معناها المائدة
والمتبل
وشو كمان في اكلات هيك قديمة بيبيعوها الباعة الجوالين بس ما بعرف شو اسمها
اتذكرت في اكلة بالشتا اسمها حبوب هي مو للغدا هي هيك أكلة مستقلة للتسلاية والضيافة
وفي اكلة بضيفوها وقت الولادة بس الناس تجي تبارك يعني... اسمها كراوية وبحطو نص الزبدية مكسرات والنص التاني كراوية
يعني عم اكتب جملة وبعدين اسرح بخيالي لأني نسيانة الأكل الله وكيلكون
وطبعا بتعرفو من الاكلات بسوريا المحاشي والكبة بانواعها والشاكرية والششبرك والفريكة و .......
يلا بكفي هيك
مع السلامة
أهلا و سهلا بك أخي الكريم في منتديات لمعه ,, للتسجيل اضغط هنا !!
25-08-2008, 07:15 AM
المواضيع المتشابهه
