حآمد زيد
أن أعشق هالانسآن وسآبقآ خآلد المريخي لكن الحيّن مدري وش صآر له
الموهيّم
جبت لكم قصيدة ال حلم
حسآفه كآن ودي أسمعهآ منه ب أمسيه لكن آلله مآكتب


بوقت من البطا،وبليل تتراقص شياطينه
بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه
وانا اللي من تفارقنا وأنا ماغمضت لي عين




غريبة كل حلم يمر برقادي تزورينه
والاغرب كيف أحلم الحلم،وارجع واحلمه بعدين؟




قبل يومين،شفتك بالمنام..وقمت من حينه!
ونمت أمس،ورجع نفس المنام اللي قبل يومين




أنا اللي قبل اسافر شلت قلبي من شرايينه
تركته في يدك مثل الأمانه ،واحفظيها زين




ترى حفظ الأمانه دين..مجبورة تردينه
أجل ، مافيه أحد كد قال لك(حفظ الأمانة دين)؟!




مرد المقفي بيلفي.. ويستوفي ،وتوفينه
بعد ليله ،ثلاثه،أربعه،عشره،شهر، شهرين




إذا انتي ،ماانتي بقد الكلام اللي تقولينه
حرام..استامنك حاجة،وإذا جيت اطلبك تنسين




تخونين،وتبين أرضى.!وأحد يرضى تخونينه!
أنا لاجيت أخونك، مع حبيبة ثانيه،ترضين.؟




من أول مارجعت من السفر ماشفت لك بينه؟
وأنا اللي كنت أحسبك قبل ادوس ارض المطار..تجين




تكونين أنتي أول شخص عيني تحتضن عينه
وكنت أتخيلك من زود فرحة رجعتي..تبكين




وأشوف بدمعتك حكيك..وأعرفه قبل تحكينه
واجيب أحلى من اللي بتحكينه،وأتركك تحكين




تقولين:الوطن نور..وأقول بنورمضوينه
تقولي لي:غديت أحلى،وأقول:عيونك الحلوين




كلام نام بشفاهك..وخفتي لاتصحينه
ذخرتيه لغرام للي ينام...ويترك تصحين




تغانمتي غيابي..لين رجحتي موازينه
تعلم من يدك لمس الكفوف وعلمك تجفين




وليتك لاقيه به شي..فيني ماتلاقينه!
مهو بغرور..لكن خابرك مالك أمل تلقين




تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين




وأنا ماني بنقاص عنه يوم أنك تبدينه
نصيبي..هو نصيبي لو يسددها من الصوبين




قنوع بمظهري ،والسم مايذبح ثعابينه
على قول المثل ماني حلو..لكني ماني شين




إذا أهداك الزهر مره،فأنا اهديتك بساتينه
وإذا ألهاك بفرح ليله، فانا تهت لبكاك سنين




وإذا استضعفتك أملاكه...وشتتك ملايينه
أنا حتى فتات الخبزة أقسمها معك نصين





طموحي ،بس أجي وأظفر بشي تستحقينه
تدينته ،تسلفته،سرقته ،مومهم منين؟




كأني من كثر ماارضى بكل اللي تمنينه
لو انك تطلبين الله ..يعنيني، بقول آمين




أنا ماالعب على الحبلين،وقت الطيش وسنينه
تبين الحين يوم أني كبرت العب على الحبلين؟




ترى عند البدو بالذات عيب اللي تسوينه
حلاتك لاعشقتي..تعشقيني ليوم الدين




غرامٍ نسكن ضلوعه..حشيمه من مجانينه
جفا،يجمع معزتنا...ولاعشق يذل أثنين




كثار اللي تحدوني وقالولي :تحبينه
امانه ...لاتخليني صغير بعينهم تكفين







لاني كل ماقالوا(تخون)..اقول:مسكينه
عليك الله وأمانه..علميهم منهو المسكين




أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين




مثل ماقالواالمكتوب واضح من عناوينه
لو ارحل منك للغربه بسافر من ظلامك وين؟





كفايه..كل حلم يمر برقادي تزورينه
كفاية..من تفارقنا..وأنا ماغمضت لي عين




قبل يومين شفتك بالمنام وقمت من حينه
ونمت أمس،ورجع نفس المنام اللي قبل يومين


للشاعر : حامد زيد

هع هع عندي بجوآآلي بصووته
ينااس حآآمد مره اناس رههيب ترى
ياحبيله بس
بس اللي عندي مو كامله ولا وااضحه
والله من اول نفسي اسمعهااا زززين
يسلمووو واد الرشدشد يآخي تراك فلتته

أخر
عندي مستند خآص
ب أجمل مآكتب حآمد زيد ..
بس تكون من كل قصيده شطر أو شطريّن

هع
عندي شريط له
بس أقصد أبي أشوف أمسيه له أكون حآضر فيهآ
يسلموو على مرورك يآ أناس
هههههههههههههههههههههههههههههههه

وااااااااااو انا والله من عشاق شعره هو وسعد علوش خطرنجيين
يسلموووووووو ولد الراشد

الله يسلمك
سعد لا يعلا عليه
بس أحيان الله يهداه يعميهاا
يسلموو خطرنجيه