سلااامييين ونتفه

يا هلا ومرحبا ............

عندي مشكله نقدر نقول عنها انها مشكله اغلب البنات والاولاد

ألا وهي مشكلة ( صب القهوة .. وما ادراك ماصب القهوه ) :

قبل لا اطرح المشكله واظهر الحقائق والخفايا واكشف الاوراق

خلوني اسألكم سؤال : ليش لاجونا ضيوف لازم نشربهم قهوه ؟ ::

ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ وكل واحد يصب لنفسه ؟

ليش وليش ولمازا هزا يحدس ؟؟؟؟؟ :
يعني تجيني امي وتقول : بعد المغرب بيجونا حريم .

اقولها : ماني طالعه لهم مالي نفس . :

تقووول : تراهم مهب ميتين عليتس بس مين اللي بيصب القهوه ؟

يوووووووه صارت عندي حالة نفسيه من صب القهوة

لاني اذا باصب القهوة لازم اول البس وطبعا عشان البس قبلها ابلللط ساعة

قدام دولابي اختار خلقنّه من بين خلاقيني .. بعدين استشور شوشتي

هذا غير المكياج يووووووووووه مشوااااااااااااااااااااااااااا اااار { 2}

شي ثاني وهو اني ادخل على الحريم وانا ماسكه القهوه مدري احط القهوه

على الطاوله وادور اسلم !!!!!!

والا ادور اصب القهوة واسلم بنفس الوقت !!!!

والا ادخل اسلم بعدين اروح اجيب القهوة !!!!!

بعدين انا مدري اصب بالدوووور من اليمين والا اروح لاكبر وحدة !!

سألت امي هالسؤال وقلت بكل غباء : يمه اصب بالدور والا لاكبر وحدة ؟؟

وصدف ان مر أخوي وقال : صبي بالدور تدرين ليش !! عشان الحريم

كلهم صغار مايكبرون خخخخخخخخخخخ :

قلتله : يعني عادي محد يقول هالبنت هبله ؟؟؟

>>>>>>>>> هالسؤال يدل على الهباله الملازمه للعقل

قال اخوي : لا .. انتي ما ينشره عليك لانك هبله ؟؟
خخخخخخخ ياحبيله اخوي يستخف دمه >>>> يهزئها وتضحكله

نرجع لموضوعنا



صب القهوة شي مهب زين ات از نت نااااااايس

لاني اصير اطامر بين الحريم ومايمديني اخلص الا فيه وحدة خلصت فنجالها

وتأشرلي امي .. صبيلها .. يعني من جد عذاااااااااااااااااااااااااااب

هذا غير لامني صبيت لوحدة واقولها : سمي . تقول : لا مابي

اقول بيني وبين نفسي : هاهاها تحسبيني بأترجاك .. شربتيها والا عساك هاهاها

بس يجي صوت امي ويحطم علي متعتي واحلااامي

: ( وش بك ماتقهويتي ؟ طيب اخر فنجال .. . )

ياربييييييه .. وتجلس امي تحايل فيها وانا واقفه آكل هواء

( وجعن يوجعك ان شالله .. مدي ايدك خوذي الفنجال والا قسمن عزمن لا اصبها عليك )

V
V

هذا انا اقوله بيني وبين نفسي

والشي اللي يقهر بعد انه لاصارت وحدة تسولف

بنص السالفه تأشرلي اختي ( وحدة خلصت فنجالها قومي صبي قهوة )

اقوم انا أأشرلها بعد ( ليش ياعمتي !! وراه ماتصبينلها انتي ؟؟ )

ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

مايضرها لو صبرت شوي .. خلاص بتموت اذا ماصبينالها على طول

لا نكون نشتغل خدم عند ابوها وانا مدري

عاد كله كوم واذا جوكم ضيوف فاضين كووووووووووووووووم

يجلسون يعزمون على بعض والله ان تاخذينه انتي لا والله انتي

طيب وانا اللي واقفه محد فكر فيني . والا عشان اصب القهوة صرت صفر على الشمال

اصابعي مولعه من الحرررارررة وهم جالسين يعزمزن على بعض

وقتها يجيني شعور اني ودي اصب القهوه على روسهم واقول لا انتي ولا انتي

محد بيشرب قهوة .. خلالالالالالالالالالالالالالال الاص

والا لاجت وحدة تميلح وتقوم تمسك الدله وتحاول تفتحها وتناظرني

يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال

واروح لمها واقول : ( هاتي عنك ) . تقول : ( لاه عادي ) ..

اقطعي واخسي تراني ماترجاك هاتي الدله اقووول

بس تبين تصيرين سنعه قدام الحريم ..

وععععع الللللللله لا يعيده من موقف شعووور شين

شي ثاني لا مننا قلنا (( تفضلوا العشااااء ))

آآآآآآه و آآآآآه ثم آآآآآه مدري وش يصير فيهن !!!:

والله العظيم ترانا قلنا تفضلوا للعشاء !!!

يقعدون يسولفون ولااااااااا على بالهم وكل وحدة تحط بجيبها مو بس حجر

الا اثقااااااااااال وجبااااااااال وتلال وبحوووووووور

وعلى بال مايمشون او بالاحرى يتسحبون من الغرفه الى المقلط

يااااااااي طيب اذا ماتبون تتعشون وش مجلسكم لوقت العشاء ؟؟ :
((( سؤال مههههم يطرح نفسه )))

عاد انا جتني فكرة اننا نقولهم قبل لا يجهز العشا بنص ساعة

تفضلوا للعشاء >>>>> يازينك ساكته

والا مايقومون الا لما اروح عند وحدة وحدة واقولها تفضلي

ماباقي الا ابوووس رجلينهن واترجاهن تكفون تفضلوا للعشاء

مير ودي اترجاهم واقولهم لا عاد تجون لمنا انا مااحب العزايم اللي ببيتنا

اكرررررررره العزايم اللي ببيتنااااااااااااااااا ::

اكرهااااااكرهااااااكرهاااااااا ا

من جد معاناه ولا وش رايكم ؟

هههههههههههههههههههههههههههههههههههه
هههههههههههههههههههههههههههههههههههه

ايه والله جبتيها على الجرح
يالله يوم امي تقولي صبي القهوه
واحتااس
دايم امي تقولي تمسكين الدله باليسار وتصبين اليمين
وانا العكس
وياليت تاخذييني وتقولي ابيك بكلمه راس <<وووين حنا
تقوولي بوجه المره
وانا مع الفشيله اضحك
تجي تقول المر <<يعننك حليله
ياحبيلها دايم تضحك
واكوون في ذاك الموقف دلخه بمعنى اوم الكلمه
ولا اذاا الاكسسورات <<يعني الحلى والشكولاته واللزي منه
اول شي اسوي اني مؤدبه من بعيد اقولها تفضيلي
والحرمه مددهره بالسواليف والله موب لمي
اشوي والزقها بحلقها واقولها اتفضللللي
همن تطالع بالاكل <<وتقول للي جنبها وشرايك اكل <<اشك عندها تحريك واسطه مع اللي جنبها الطيبه مو لله
تقوم اللي جنبها يافرحتها احد سالها تطالع بخشتي
تشووف يحمس للاكل ولالا
همن تقولها اي شي << لا تعرفين تجاوبين
والله يوم اني انقهر انتظرها تمد يدها وارووح خخخخ

عاد متعقده منهم انا المهم رحت عزيمه ذاك يومن
ويوم تضايفني اقولها شكرن <<على اساس اني باخذ يعني
جت اللي جنبي قالت ورااه؟ تراه زين
والله طعمه للان بفمي
وامي اخذت منه شووي واطلعه من فمها

<<تحس قرقت واجد ولا
بس طلعتي ما كبت في البطين الايمن
يسلمووووووووووووووووووو تاتي

هههههههههههههههههههههههههههههههههههههههههههههههههه هههههههههههههههههههههههههههههههه الله يرجك وانا اقوول ايش عندك يوم اجيكي تصبي قهوه ودك تصبيها بحلقي ومن بعدها اشرق وزززحمه وانتي يعننك طيبه تقولي ويه بسم الله عليكي عشاان يقولو ياحليلهم يحبو بعض واحنا ماعندك ماعد امي غاليه خخخخخخخخخخ

امي غاليه << هههههههههههههههههههههههههههه
ههههههههههههههههههههههههههههههه

لا والله ياويختي مو قصه ذوق بس بتدرب عليك
بس ماش ماتهيئين وجهك يحمس لنثر القهوه عليتس

ههههههههههههههههههههههههههه وى وى يابنات وكيف تبغو تصيرو ستات بيوت وانتو ماتعرفو تصبو قهوة اخى عليكم ههههههههههههههه

لاالحمدلله ماعانى من المشكلة دى الى فى حالة وحدة يوم الدلة نفسها خربانة هههههههههههههه>>>>> حجة الدلة مو صب القهوة