صباح الخير\مساء الخير

كيف حالكم؟؟شخباركم؟؟

من زمااان ما سدحتلكم موضوع من تأليفي<<اووخس يا طه حسين

طيب اكيد كل واحد قد جاع<<يمديكم على المقدمه((ياخي ليش الاحراجات)) ما اعرف اكتب مقدمه دايم اتوهق فيها حتى مره طلبني دكتور علم نفس (النمو)اني اكتب بحث عن الطفل ونمو اسنانه عاد كانت المقدمه تشكي وربي تسدحو اللي قروها كنت كاتب((اول كان عندي اسنان لبنيه بعدين طلعتلي الدائمه<<قل قسم )) عاد إستحيت على وجهي وغيرتها<<اقول ما كانكم تحمستو و ما كاني غيرت السالف خخخخخ

المهم نطب بكرش الموضوع<<الله يقرفك

مره كنت راجع من المدرسه وانوااااع الجوع احس ان بطني لزقت بظهري من الجوع وانا بالطريق وقفت عند مكدانلد واخذتلي همبرقر اول ما جيت احط اللقمه يدق جوالي<<ياحول من ؟؟ الوالده

الوووو

الوالده:بسرررررعه ودني المستشفى

انا:خير ان شاء الله وش فيه؟؟

الوالده:بسررعه ولاده والبنت ولادتها متعسره <<طبعا انا انواع التناحه

انا: من البنت ؟؟!!

الوالده:تعال وانت ساكت

واروح داعس ((طبعا للحين ما اكلت لقمه من الروعه))وأخذ الوالده واوديها المستشفى زلبتني وراحت وادق عليها اقولها وين مخليتني وش اسوي الحين انا واسمع عندها ناس تزاعق وتصارخ وانا جتني ام الركب والله مساكين الحريم((الحمد الله ولدة خالتي توم على المغرب))عاد قلت خلاص زودتوها ابي اكل واركب السياره وعيوني عالهمبرقر واطمر ذيك الطمره<<اخس يالسندريلا<<فاهم غلط خخخخخخخخخخخ

وامسك الهمبرقر والقاه بااااااااارد قلت خلاص معليش اكل من اكل البيت((يارب اوصل بسرعه)) دخلت البيت والجوع يطلع من عيوني وحسيت اني باكل اي شي قدامي لا وإضافه الى ذلك النوم ذابحنييي ابي اناااام قلت يا ولد نام خفافي وبعدين قم وكل زي ما تبي رحت لافراد الاسره الموقره وقلت لهم لا جاء العشى قوموني واروح الغرفه وانام نوومه رهييييييبه وطبعا انا مثل اي شاب سعودي نومي مررره خفيف يعني تحط جنبي نووي احتمال اقوم خخخخخخ
وانا نايم في امان الله شوي واسمع ناس تزاعق وتصارخ <<ياحوول وراي وراي خخخخخخخ

انا قمت مفجوع وش فيه؟؟واناظر كل العائله الموقره بالغرفه حتى الشغاله((ما بقى الا السواق))انا انواع التناحه واناظر ياربيييه ليش ذي تبكي وذي منخرعه قلت وش فيكم ما بقى احد موب بالغرفه((فجأه الولده تسمي علي<<حسيت اني خرفت بهاللحظه خخخخخخ))

قلت لهم يا هوووووووه احد يفهمني((قالولي شف المخده واناظر ولا كلها دم كني ذابح ذبيحه واستوعبت ان خشمي كان ينزف وانا نايم ولا حسيت((معذور من صكت هالشمس))يقولون جينا نصحيك ما ترد انفجعنا نهزك ماترد ونشوف الدمان على المخده قلنا الولد ماات<<هع هع اهلي مره يحبوني<<مناك بس...

واشوي واهلي يقولون لي ارتاح ويجيبون لي الاكل((عاد انا القلوووب تطلع من عيوني وفكي طاح وسعابيلي تتمطط<<وش هالوصف))لا ويقولون لي وش مشتهي وانا انواع الطلبات اقولهم ابي تبوله وكبسه وشربه<<ما انعطى وجه
المهم جابولي شربه وتخب علي بعد خخخخخخخخخخخ واكلت لين ما قلت آمييييييين


****ما يستفاد من القصه****

1_دايم اصقع نفسك بكس على خشمك قبل لا تنام عشان يحنون عليك اهلك

2_لا تكتب قصه مامنها فائده<<تكفى يالفائده االلي عندك

3_لا ترد ابد على الجوال وانت في حالت جووع



منقووول<<اي منقول يالتنح صدق ما عنك سالفه الشغله تقليد بس<<ما يذب ابد خخخخخخخخخخخخخ<<اقول يعني انت اللي ما تنقل<<اقول لا تنفخ

تراها قسم السالفه صدق صارت لي<<اللي يسمعك يقول مغامر انت ووجهك

وسلاام اتمنى اشوف ردودكم<<يا ناس على الادب<<لا يكثر

ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه
قل قسم صارتلي
والله ياني ضحكت ياخي انت خطرنجي عليك اسلوب ليش ما تالف قصه مثل قصه مها ام فل فل
بس ماقلت وش سميتم التوم

ههههههههههههههههههههههههههه
ههههههههههههههههههههههههههه

لا التوأم خطرنجيه وكيّوت

لا مآبدي ألف

تعرفون متواضع هههههههههههههههههه