عرس عرااااااابجه
صبحكم / مساكم الله بالخير 
ما راح أطول عليكم وأبي اقول لكم وش صار في ليلة عرس مناحي
المواصفاات
الاسم /مناحي
العمر / منولد في سنة الطفره
الشكل / قزم ودب واقرع و وجهه كله خدوود وماافيه عيون
باختصار يحووم التسبد
الولد مناحي داااشر 24 ساعه مشاكل وتفحيط وخرابيط
المهم ابوه قرر انه يزووجه يمكن يعقل الولد !!!!
ويقووم يخطب له ابوه بنت عمه طريفه!!!
عاد طريفه خبله مثله
المهم يووم جاء العرس ولا مناحي طاالع مع اخوياه للثمامه يطعسوون
وابوه يدق عليه
الاب: الووو مناحي وينك؟
مناحي: هلا والله طالع مع الشبااب للثمامه
الاب: جعل تطلع روحك بلا تعال اليوم عرسك !!!
مناحي : طيب العرس في اليل يمديني اعوود المغرب
الاب: اقوول امش جعلي امشي العصى على ظهرك
مناحي : طيب خلااص جاي
ويقفل التلفوون
المهم ويجي مناحي ويلبسوونه الخبل ناوي يرووح بقميص نوم
المهم ويمسكونه اخوانه ويلبسوونه ويودونه للقصر
وطبعاً مناحي ما يدري وش السالفه يبي يخلص بسرعه عشان يلحق على العياال في الاستراحه يلعب بلوت
ويدخلون القصر ويجلسونه في المنصه وهو يقوول ابي ارووح اجلس عند القهوجيه ابي اتكي معهم واشرب شاهي
ويلقطه اخوه ويجلسه على الكرسي
ويجوونه الناس يسلموون
المعازيم : مبرووك منك المال ومنها العيال
مناحي : هلا ايه طيب يكون خير والله ما عندي ولا فلس
المهم ويدخلوونه على الحريم
يوم دخل
وهو الي يفتح كشرته
ويناظر في ذا البني
المهم يووم طقوو الطقااقاات الا وهو يطمر ويرقص سامري
ويسحبه ابوه ويقوول اركد لا تفشلنا
المهم ويجلسه على الكوشه
وتجي وحده ترقص عنده وهو الي يضحك عليها ويقوول اوووووه ما تعرفين ترقصين يا الدبه
وانواع التهزيئ المشكله الي ترقص امه مسيكينه تبي تفرح به ما درت انه ما يستاهل
المهم ويقوومن البني يرقصن عنده وهو يناظر يقوول عاشو هزي ورا ورا
الا وابوه يكمخه على جبهته
مناحي :طيب خلااص ابنطم
المهم يووم خلصوو وهو ياخذ العرووس ويركبوون السياره
المهم ما درا الا تقوم طريفه وتقول مابغينا نطلع اقول ما عندك شريط كسرات ( شعبي)
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له
طريفه : مناحي ابسالك سؤال؟
مناحي: اسالي !!!!!
طريفه: انت الحين تعرف تفحط ؟؟؟
مناحي: اكيد انا احسن وااحد يفحط ( مسوي فنان عندها وهو ما عندك احد)
طريفه: والله ورني ابي اشوفك تفحط
( مناحي توهق)
مناحي : خليها بعدين مووب اليوم ( يبي يصرف)
طريفه: افا شكلك ما تعرف هههههههههههاي
مناحي : اوريك من اللي مايعرف
وهو اللي يلف هذيك الفه وطراااااخ في الماصوره على طوول
والحين طريفه ومناحي في الشميسي ماكلين هوا
عاد طريفه تقول لمناحي لعنبوا بليسك تقول لي اعرف افحط وانت ما عندك ما
عند جدتي
ويقولها اقول خلي عنك الفلسفه تراها حظ بس والا تشوفين انشالله عقب ما نطلع
أهلا و سهلا بك أخي الكريم في منتديات لمعه ,, للتسجيل اضغط هنا !!
28-04-2007, 08:58 PM
عـرس عـرابجـه .. ومنـاحي يـازينـه ... لولوولولوولييش < زغروطـه هع هع
< أنثبر بس 
