منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

مرور 10 سنوات على تأسيس منتديات لمعه

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات الجوال > مسجات - واتس اب
استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

مسجات - واتس اب , مسجات , مسجات جوال , مسجات موبايل , رسائل , رسائل جوال , رسائل موبايل , رسايل , رسايل جوال , رسايل موبايل , مسجات وسائط , رسائل وسائط , sms , mms

مسجات رومنسيه عدد شعر راسك

إنشاء موضوع جديد  رد
 
أدوات الموضوع
قديم 13-01-2009, 09:25 AM رقم المشاركة : 1
معلومات العضو
درب الحب
عضو فضي

الصورة الرمزية درب الحب

إحصائيات العضو
Saudi Arabia

Male







درب الحب غير متواجد حالياً



Mngol مسجات رومنسيه عدد شعر راسك



مسجات رومنسيه عدد شعر راسك ,
سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان



لاتسئل المشتاق عن غايته وين
إسئل حبيبه ليه يشقي حبيبه
ولا تسئل المجروح عن دمعة العين
دامه غريب ولا فزعله نصيبه
ولا تسئل المديون عن سبة الدين
دامه دفن دنياه بأصعب مصيبه

يا أسير المودة في عنابر غرامي
لو تركنا سبيلك مات قلبي من اسبابه
استفزك محبه ليه مدري علامي
بين قلبي وقلبك انسجام ومهابه
تختصمني وانا اللي مايجوز اختصامي
كيف تشكي علي اللي منك يشكي عذابه
كيف تشكي علي اللي منك يشكي عذابه

أحبك كثر ماضاقت من أسباب الفراق صدور
أحبك كثر من سمّي يتيم وخاطره م**ور
أحبك كثر ما تنقال هالكلمة بدون اشعور
أحبك كثر ماضاق المكان بواحد مقهور
أحبك كثر ما طارت تحت شمس الزمان طيور
أحبك



أكثر جروح عشّاق المحبة تشابه
وأنت جرحك بروحي ما أخبر له شبيه
بعض الأحباب يسطي في ضميري غيابه
كل ما راح عني قمت أدور عليه

غرامك يا حب عمري خذاني
وحب غير حبي لك نسيته
بقلبي ما معك بالحب ثاني
أصل حبك بنى بالروح بيته

*

الروح ذكرى وآخر العمر سكرات
يا كيف ابنسى روح فيها نجاتي
مادام بالذكرى تعيش إبتسامات
أستأذنك تبقى إبتسامة حياتي

الصاحب اللي في خيالي مصوّر
لا غاب عن عيني بقا منه صوره
حبه مع الأيام زار وتطوّر
با قصى الضماير قام يبني قصوره
غلاه بعروقي مع الدم فوّر
وشوقه بقلبي زاد حالي خطوره


كتبت إسمك تزيّن لي الحروف
ولا نطقته صار في لسان حلا
صدق أنا أحبك ولكن فيني خوف
خوف نتفارق بعد ذاك الغلا
لا تقابلنا يسكنا ال**وف
ضاعت الكلمات من ياغلا
كانت الكلمات في لساني ألوف
ويوم شفتك ما ذكرت إلا هلا


لا ما يكفيني معك بعض الأوقات
خل التغلي عنك لا صرت غالي
إن كان وقتك من ذهب باشري لحظات
أسمع بها صوتك ويرتاح بالي
إشتقت لك شوق الهوا للمسافات
وأشتاق لك شوق القمر لليالي



قال فيني عيب والله ظلمني
فيني ثمان اعيوب والتاسع الطيب
والعاشر إليا من رفيقي زهمني
أسوق له عمري وأسوق المواجيب
والصاحب اللي بالمراجل هزمني
هذا الذي ها الحين يقرا المكاتيب


وصلت حدي بالغلا كيف ما أغليك
كل الكلام مقصر لا يطولك
من كثر ما أحبك ومن كثر ما أغليك
أحب كل من حبك ومن كان حولك
وأخذ غلا من حبني حيل وأعطيك
حتى أكون بحجم حبك وقولك




حاولت في قلبي أقول بنساك
وأعيش دنيا في حياتي جديده
أثر الغلا ما يعجبه غير دنياك
والقلب غيرك ماسكن في وريده
إشتقت لعيونك وصوتك ونجواك
إشتقت لظروفك لوهي عنيده
حبك شريته كيف ما أقدر أظماك
حبك عرفته كيف ما أحتاح أعيده



إن قلت أحطك داخل العين عييت
خايف يحول الرمش بينك وبيني
وإن قلت أحط داخل القلب لك بيت
صعب علي أخفيك عن ناظريني
ودي أشوفك كل ما أصبحت وامسيت
ممساك في قلبي و صبحك بعيني



أجمل زمن في ظل حبك قضيته
وأحلى قصيدة قلتها فيك ولهان
والعين تهوى كل درب مشيته
والرجل تآطى لك شعوب ووديان
حبك هو اللي في الحياة أرتجيته
وعرفت في قربك غلا كلمة إنسان



اجمع إحزانك وهمك والعذاب
وخلها في وسط قلبي خلها
لا تخاف من الملامة والعتاب
دامني راضي سيوفك سلها
فدوتك روحن تحبك ما تهاب
تتجه للموت لو تشر لها
نمشي بشورك ولو شورك خراب
لعنبو روح تعاند خلها






يا أسير المودة في عنابر غرامي
لو تركنا سبيلك مات قلبي من اسبابه
استفزك محبه ليه مدري علامي
بين قلبي وقلبك انسجام ومهابه
تختصمني وانا اللي مايجوز اختصامي
كيف تشكي علي اللي منك يشكي عذابه
كيف تشكي علي اللي منك يشكي عذابه



غربة حبايب وإفراق ناس عزيزين على قلبي
وجهي جنوب والدمع جرح عيني !!
لولا الكفر عا**ت درب المصلين
وصليت صوب الحبايب ركعتيني!!



لازلت بالخاطر ولازلت بالراس
ولازلت أشوفك وين ماحط عيني
أنت الغلا ياسيد الخلق والناس
وأنت السوالف بين نفسي وبيني
شفت المياه شلون تنصب بالكاس
((الكاس عمري وأنت مويه سنيني))



أحبك والفلك دوار.. ولي موعد مع الأقدار..
ولا في يوم ياروحي أبيعك مهما صار وصار..
أنا عشقي الحقيقي لك تحلق في سماه أقمار..
أنا الميزان في قلبي.. يقين أقوى من الأشعار..
وكل السالفه رحله جميله لآخر المشور



تذكرين ..يوم كنا صغار؟وكانت أحلامنا كبيره..؟
كنا نحلم نصير كبار ونبني أكثر من مدينه...
نسأل الحب شلون نصير شطار
والوفا لازم نصافح يدينه...
وقبل مانكبر ونصير كبار..
غاب واحد..وغابت كل المدينه.



قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالإحساس حلت
وقل للخفوق اللي عجز عنه الأطباب
ترى المشاعر من عنى البعد
« ملت » .



تصدق أمنيتي شوفك ولكن إنت ضدي
سرقت من عيني الفرحه
وأنامخبي لك بقلبي
كلام يطول في شرحه
أبي لو شفتك بعيني
وجت إيدك على يديني
ابحكي لك
ابشكي لك
وإذا تسمح اببكي لك
بقولك يابعد عمري ‏
وش كثرأنا مشتاق!!





حبك أجمل من كلام في سوالف ألف ليله
حبك أكبر من خيالي ومن طموحي أو مرامي
المدى قربك وبامشي لو مسافاتي طويله
من مشى قصده عيونك أشهد إنه ما يلامي
من يلوم القلب واللي حبها ماهي قليله
يا بعد كل الحروف ويا بعد كل الأسامي






أحبك أكثر من الحب وربي ماني بكذاب
هواك بداخلي قصه ولكن ما لها أسباب
أنا المجنون في حبك ولا تسأل عن اسبابي





هو من جدك بتلقا لك بدالي
والله ..
ان تبطي وقلبك
في يديني





احب الصدق واعمل به
**بته وكنت انا الخسران
ولو صدقي يخسرني
تشرفني خساراتي





لو زارني افتح له القلب والبيت
احب حبه لو يعذب كياني
لو قالوا انه عايش بحزن
شبيت نار ..
تخلي القلب
مثله يعاني





اشعريني .. بقربك لو مجرد شعور
واتركي لي على اهدابك .. وعد للقمر
الهميني .. وعيشي بين السطور
اكره الغيمه اللي .. مانوت .. بالمطر





تعال اشم الورد في وجنتيك
وارسم بدمع العين صورة خيالك
قبل امتلك خاطرك واحضن يدينك
خلك اناني .. وامتلكني لحالك




ماتت بقلبي الأسئلة
ومابقى الا سؤال
عيا بقلبي لا يموت !


واليوم ودي اسألك ..

( وش ياحبيبي غيّرك ؟ )

من غير ذنب وبلا سبب "" عذبتني ""

و رغم الألم ...


تصدق ..








*/\/ اشتقت لك /\/*







تدري وش كثر أحبكّ ؟
كثر البشر..
كثر النجوم..
كثر الزهر..

تدري وش كثر شوقي ؟
شوق الجفاف لقطرة مطر..
شوق البرد لحرقة جمر..

تدري وش تكون لي ؟
انت الحياة..
وانت العمر..
انت القمر..
وشمس الظهر..

خوفي لوغبت أغيب
ويختفي بليلي البدر..






لا تنبهر ما جاك من حبي قليل
أنت تستاهل وانا طبعي كريم
يابديل آية صاغها الرب العظيم
لو يشوفك فاقد العقل الهبيل
صار مامثله بهالدنيا حكيم
يكفي انك صرت للشمس البديل
والقمر في غيبتك يصبح يتيم






مقدر أحبك أكثر من حدود الغلا
يكفي إني أحبك باللي أقدر عليه
كيف أحبك و قلبي بالغرام امتلا
وش تبي منه أكثر وأنت كل شي فيه






أحبك حب من عندك الى أبعد حدود الكون
أحبك و مابعد شفتك و تعيش بداخلي صورة
أصوّرها حسب فكري و أزيّنها لحن وافنون
أموت أحيا بحر حبك أخوض الموج و بحوره





"أنساك" كلمة مالها أية وجود بمرجعي
والقلب لامنه نوى غيرك حبيبي بمنعه
تنتابني ذكراك بين "لاوعي" و"اللاوعي"
ماكنك الا بحر حلمي والمشاعر اشرعة





الا انت بالذات ما ودي تكلمني
او تكتب رسالة او تشرح ظروفك
يكفيك يا نور عيني بس تعلمني
وين انت؟وانا ارخص الغالي على شوفك





اثلجت صدري باتصالك
واطفيت نار الشوق يا ذوق
كلمة > "حبيبي كيف حالك" <
بي حلقت يا سيدي فوق





أشره على اللي في فؤادي مكانه
لا شك اذا أبطى وصوته فقدته
شرهة غلا..
شرهة عتب..
أو ميانه..
أختر وش الي يعجبك لو كتبته
بس المهم تدري وصالك
أمانه
وإنت الذي هم الأمانه حملته !!





خذ من ضلوعي:
ما يليق بمقامك
ماشوف غيرك
غالي في ضلوعي

خذ قلبي :
ولعته بدنيا غرامك
عبر بفرحة
شوفتك بالدموعي

تسري بي الذكرى
لماضي كلامك
لابد وإن طال الزمن
من ® رجوعي ®





انا المجنون في حبك
وعلى حبك انا مفطور
ولقيت الصمت يحكمني
اذا جا للهوى طاري
يبان العشق في عيني
واحسبه داخلي مغمور
ويفضحني مع العالم
ولا ينفع به انكاري





والله لزعل كل هالناس "وارضيك"
وامشي معك لو حالوا الناس "دونك"
يامن ملكت القلب بالروح "لفديك"
انا معك لا تفكر اني "بخونك"
بعت البشر وفي زحمت الناس "شاريك"
وكرهت ناس(ن) بالزمن "يكرهونك"





سرى بي هاجس الذكرى على متن الخيال وهام
يرد الذهن لأيام تعدتني لياليها
أضم الطيف بعيوني واعانق ساري الأنسام
و أردد نغمه الماضي على قلبي وأغنيها
" يا ليل الغريب اللي سهر ما نام "
تذكرله على بعد المسافه عين يغليها




لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..

..

أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!

لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..

الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!

من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!

المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها

حقيقه صفحتىبيضا
ولاعمرىجرحت انسان
اساير وقتي القاسىبظلم وغيظ عدواني
ولا أذكر شكيت الحال لأي انسان مهما كان
أخفىقصة الحرمان عن القاصي وعن الدانى
أجامل وابتسم للناس وانا كلىشقىوأحزان
اقاوم دمعي ولكن عيوني حيل تفضحني

أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام!

إن غبت عني تظلم الداروالحي
وإن غاب غيرك ماعسرني غيابه
أنابدونك زهرة مالهاري بين الهشيم
وتستغيث بسحابة
مصفرة الأوراق مقطوعة الفي
يبكي لهاسيح القصيم وجباله
النارتكوي ضامري بالغلا كي
الفكر مشتت وفاقدصوابه

تزعل علي وانا الذي منك زعلان
وارضيك لوحقي عليك اشتكيلك
احيان اجي ضدك واجي بصفك احيان
تطيح من عيني وقلبي يشيلك
ان غبت عنك ردني الشوق ولهان
وان غبت عني ما ادور بديلك


خيط الأمل يبقى أمل لو كان خيط العنكبوت
واللي عرف درب الغلا ماكل شيئ يزعله
إن كان يحيك الوله فأنا على وصلك أموت
لعيون باكر يومنا شوق ومحاذير ووله


إبي أعرف بقلبك وش مكاني
وأبي أسمع احبك لو دقايق
تكلمي ياحياتي بس ثواني
وزيل الشك من قلبي حقيقه
تكلمي وابعدي الهوجاس عني
وبعلا صوتك رددي الحقيقه
ترى يازين ماجاني كفاني
عذاب الصمت من يقدر يطيقه


كم من حبيب عن حبيبه تخلى..
هذا نسى حبه وهذا مفارق..
ولا انت حبك بالضماير تولاّ..
وأخذ على قلبي عهود ووثايق..
وأستبشر الخاطر بحبك وهلاّ..
بشرى السجين بيوم فك الغلايق..
سوالف من سمعها مايملاّ.
ينسى العنا والهم لو كان ضايق..

ترمي الكلام
تظن قلبي
بيجهلك..
اصعب كلام
اللي جروحه "ماتروح"
دايم افكر كيف "اوصلك"
وانت تفكر كيف تهديني "الجروح"


كلمةأحبك غاليه بين الأحباب.
لاقالها خلي أحس بغلاها.
أعطش لها دايم وأدور لها أسباب.
أبيه ينطقهايردد صداهاكن العسل من شفته فوقها ذاب.
زود على كلمة أحبك حلاها
ياليتني وياه في صفحة كتاب.
قصة غرام وكل عاشق قراها

أشره عليك وتحسب أني مجافيك
وأغيب عنك وتحسب أنه تغلي
مهوجفا ياصاحبي يوم ماجيك
مالي بغيرك يابعد كل من لي
لاوالذي سواك محد يساويك
غلاك ماخلى لغيرك محلي
أن غبت بالوجدان روحي تناديك
وأن جيتني كل المشاعرتهلي


لاتشتري من حاولويخسرونك
ولاتخسرالي فكر
بيوم يشريك
مافيه اجمل من صديق
يصونك
ولافيه اقسامن قريب
يعاديك
اكبر خطانسيان من
يذكرونك
اجمل امل حب جديد
يناديك
اكبر قهر لاصار ناس
يبونك
وانته تبيهم بس حظك
لعب فيك

مايصير انساك لا مايصير
وفي خفوقي لك محبة
واحترام
قبلك الدنيا مثل حلم صغير
وعقبك الدنيا غرام في
غرام
انت مثل النور في عين الضرير
لا لمحتك مابقى حولي
ظلام
فيك عمري فيك روحي والمصير
فيك كل ايام عمري والسلام

حبك اللي تدعي هو حب ذاتك
ومن يحب الذات مايخلص لغيره
غرني فيك ظاهر صفاتك
غلطتي ياللأسف كانت كبيره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

ياشوق خبرني
عن اللي أنا أغليه ..
عن واحد روحي
بحبه شغوفه ..
أغليه انا من بد
الخلايق وأفديه ..
أحس للفرحة طعم
يوم اشوفه ..
يطلب عيوني ..
يطلب القلب ..
وأعطيه
أرهن حياتي بين
ضمة "كفوفة"


حاولت ..
في قلبي وأنا أقول أبنساك
وأعيش ..
دنيا في حياتي جديدة
أثر ..
الغلا ماتعجبه غير دنياك
والقلب..
غيرك ماسكن في وريده
اشتقت ..
لعيونك وصوتك ونجواك
واشتقت ..
لضروفك ولو هي عنبدة


أعزك كثر ماهلت عيون اليتيم دموع
أعزك كثر ماذقت الطعون وقلة الراحه
أعزك كثر شكوى الفقير وضايقات الجوع
أعزك كثر مابحر الغرام يضيع سباحه
أعزك كثر مايصعب على الشفه تحب الكوع
أعزك كثر مايفرك نديم الهم مسباحه

لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

دام الأماني ماتجي لي على كيف..
ليه أجرح نظرتك بان**اري.
الصبر ظالم والزمن سطوته سيف
ولاباقي عمر يشيل انتظاري..!


أبيك تدري صوتك العذب لاغاب,,
أحس نفسي تن**ر من غيابه..
أدمنت صوتك وان تثيقلت كذاب..
من يعشقك لاغبت يفقد صوابه..
علمتني ان الوفا طبع الأحباب
ورسمت عمري وردتين وسحابه

تعرف
وش العذاب
على أصوله..؟
العذاب
انك تحب
انسان مايعرف
غلاتك؟؟
العذاب انك
تحب انسان
يتجاهل حدودك!!
العذاب انك
تعذب كل
قلب يشوف
قلبك..!
العذاب تعيش
بعالمك
من دون حب!!
العذاب يموت
قلبك ولا احد
يعرف بموته..!

ناد الحبيب الي توده وتغليه..
مادمت حي ودام عينك تشوفه..
لوصد يشفع له حلو ماضيه
وحقه عليك إنك تقدر ظروفه..
بإختصار
شخص عطاني وده أبد
مانيب ناسيه..
ومن شرى ودي..
أنا دايم الدوم شاريه..

مقدار حبي عالم فيه ربي..
ولا الموازين لغرامي ظلومه..!
لا.. لاتقارن حب أمك بحبي..
أخاف من عينك تطيح الأمومه!!

كيف الفرح لامن بدا يظهر
على غيمة حزن؟
وكيف الأمل والتشاؤم يتفق..؟
وكيف القمر والشمس في وقت واحد
تجتمع..
كيف انت وكيف أنا؟؟
وكيف الطريق يضمنا؟
بس المهم إني اقول:
حبك أمل
حبك فرح
حبك وسام أتقلده
وهذا الأهم..


أنا الغلا وأكثر من الناس مغليك..
أنا الوفاء رغم الجفاء جيت شاريك..
أنا السهر لاغبت عيني تراعيك..
وأنا الذي لاضاق صدرك يسليك..
ابختصرها وأعترف جيت هاويك..
أنا غرامك بس في صورة انسان يغليك

في غيابك صار لي شي كثير..
قصتي قصه وكيف ابدا بها..
طال ليل كان بعيوني قصير
وكل ذكرى دق فكري بابها..
وصفي أصبح بعد غيبتكم خطير..
والليالي ماحسبت حسابها
ياوداد النفس ياحبي الكبير
يامناة الروح وأغلى أحبابها

تقول الناس عينك وش بلاها
على خدك تنثر كل ماها..؟؟
صحيح الناس مايدرون عني
ولاحسوا دموعي وش وراها..؟
ولايدرون ليش أسهر لحالي..
ولايدرون حالي وش براها
ولاعاشوا دقيقه في عذابي..
لأن النار تحرق من وطاها..!

قلي من الي يحمل الهم عني..
لاغبت لحظه عن عيوني وقفيت..
ليه العناد وليه كل التجني..؟
أنا أشهد إنك في حياتي تماديت..
إن كان قصدك بالغلا تمتحني..
انت الوحيد بداخل القلب لك بيت..

في خاطري شي ودي أقوله..
مدري تصدقني أو تقول كذاب..
قلبي يحسك دايم الدوم حوله..
مع كل دقه يذكرك يا أغلى الأحباب..
تدري عليك الروح بالحيل توله..
وتدري بعد طيفك عن العين ماغاب..

وا عذاب الحشا من غيبة
أحبابه
يزيد جرحه مع الأيام
تعذيبه
والوجد ناره بوسط الجوف
شبابه
حرق خفوقي وشبت بي
لواهيبه
مدري على الله متى بيرد
وأهنابه
وأفرح بشوفه وأرحبه
وأهليبه

تقولي مغرور
إيه والله من حقي أنغر
أنتي تحبيني
وأنا شفت حالي
لا الحب قاصرني
ولا الشوق قصر
كل ما وحشتيني
لقيتك في بالي
معذور لو قلبي
في حبك تكبر
ما عاد في نبضه
ودمه يبالي


تعبت ادورك في قلبي وفي صدري
سنتين ولا كن في قلبك لهن طاري
ياقلبي اللي ولاهو قابلن عذري
ويسنيني ياللي ولاهي قابله اعذاري
لاقلت : الايام راحت قالي : بدري
وان قلت : الايام تركض قال : انا داري
مايسمع الصوت منهو مادرى بأمري
ولو ارفع الصوت واهيجن وانشد اشعاري
اللي خذاني واخذ روحي وهو يدري
مع مر الايام تغير وانكر اسراري

انت عمري لوفقدتك
مابقى لعمري وجود
وين أروح بكل حبي
وانت لاوطانه امان
ما لحبك يا عيوني في
طرف عيني جحود
لونسيتك ما بقالي
في هل عالم مكان
لوبرق شوقك ينادي
جاوبه شوقي رعود
انت كل الناس عندي
يا بعد كل الزمان

نادني لاضاقت الدنيا عليك
نادني وأبشر بفزعاتي معك
لاتحسب اللي ذبحته بيديك
وقت ماتنخاه يقسى ويمنعك


تفضل ترى بالقلب دارك
ومنزالك
على ماتجي نفسي تجي
وانت راعيها
ترفق بقلب صرت تلعب به
لحالك
يقول القصايد وانت بعده
تغنيها
أحبك واحب أسمك
ورقمك وجوالك
وأحب الديار اللي
رجولك مشت فيها


((شلون أعيش)) اللي بقالي بلياك
لامن غدينا كل واحد بوادي..!
أعلنت حبك لين:
((كل تمناك))
غلطه وغيري من خطاي أستفادي
حلوه (عذاريبك).. وحلوه مزاياك..
حتى بيوم فراقنا كنت :
" هادي"..!


بين المحال وبين تحقيق الامال
مثل الذي بالضبط بيني وبينك
بين الشقا والجرح والدمع والحال
عشره متينه وثقتها سنينك
عزفت في روحي من الوجد موال
روح" تلاعبها بنامل يدينك

انا مقدر على الفرقا ولكن الزمن غدار...
بعيد عن بعضنا و المسافه بينك و بيني...
دموعي حرقت خدي واشوفك قاسي جبار...
غرامك مالك قلبي و ضاقت به شراييني...
جريح و حالتي صعبه طبيب العلم في أحتار...

ابي اكتب قصيدة حب ابي تفهم معانيها
اريدك بين هالعالم تفاخر يوم تقراها
ابيك لحرفها تطرب ابي غيرك يغنيها
ابي لامن سالك انسان من اللي فيك سواها
تقول اللي سكن قلبي وروحه لي مهديها . .

أنارفيق الجرح من صغر سني
والجرح له في داخلي ألف عنوان
ياسيدي هم البشرصار مني
واصحبت تمثال لهموم إنسان
كل الوجيه تشابهت حد ظني
ماعدت أمي**ين صادق وخوان
ياصاحبي لاتنشد الجرح عني
كل السوالف كذب صمت وحرمان

بنسااك ياجارح القلب
بنساك
وانسى حبيب كان بالأمس
يغليك
برحل عسى الأيام فيني
توريك
كلي أسف من ماضي كنت
وياك
خسارة إني كنت في يوم
هاويك



يفز قلبي كل ما مر
طاريه
فزه يتيم شاف من تشبه
أمه
تذكر أمه يوم كانت تناديه
وحس بجفاها يوم عيت
تضمه
مرت سنه من موتها من
يراعيه
والدمع ما قدر كفوف تلمه
أبوه مات من الحزن من
يواسيه
في هالزمن يا نامن منهو
يلمه

تبتعد عني وأنا أحبك وأبيك
راجي قربك عسى حلمى قريب
ماتعرف أني أود أني أجيك
مايهم الموت دونك يالحبيب
أعرف أني بالمحبة مهتويك
والعذاب أغليه لوأنه صعيب
طحت في حبك ولازلت أرتجيك
من عذابي عشت بفراقك غريب

عرفت فيك حلو اللقى
وعرفت فيك مر الفراق
الله يصبرني عليك
مال الحياة دونك مذاق
ماعاد لي منك هروب
ضاقت علي كل الدروب
يااحلى بشرفي ناظري حبك تملك خاطري
آن الأوان جيت اعترف ولأجل تعرف إني
أغليك

طال ليلي وأتحرى لي رفيق
واحديضحك معي وأضحك معه.
صاحب لاصاروسط القلب ضيق
بالسوالف والمزايح وسعه.
وإن حكى بإسلوبه العذب الرقيق
يسرق من الصدرقلب يسمعه.
وإن سهى خلى المشاعرتستفيق
وإن صحى ماضاع مني جمعه


خذني معك لاتخليني وحيد
تبرى جروح في حشايا عميقه
خايف من الزمن ياخذك
لبعيد
تنسى هوى روح بودك غريقه
خذني معك لأي درب تريد
مسأل أنا وش نهايه طريقه
مقوى الجفالوكان قلبي حديد
فرقا عشير بالملا من يطيقه

من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها


كنت جالس أنا والبحر والليل ونجومه
نسامر بعضنا والكل يحكي بهمومه
ولما جاء دوري بالحكي فجأه؟؟
هاج البحر وهات أمواجه
وضاق الليل واختفت نجومه
والقمر تخبى تحت سحابه
كلهم يقولون..
يكفي كلام عنه وعن أشواقه

طلبتك يالغرام الي جعل وسك الجسد روحين
وقلب ينبض بحبك ونبضاته ينادونك
إذا مريت في بالك تذكر يالغلا شيئين:
محب عاش لعيونك..
ومات لخاطر عيونك..!

يامن سكنت أجمل زوايا كياني
ياما على نفسي عشانه تحاملت
مرات أحس انك شخص ثاني
ومرات احس انك حبيبي ولازلت
عشان ماضيك الجميل وعشاني
حاول تشيل من الوفا ربع ماشلت!!

أمانة الله عليك ان غبت عن عيني
لايصير قلبك مثل قلب الزمن جافي
مع كل دمعة تذكر عشرة سنيني
ومع كل بسمة تذكر قلبي الغافي
تقول ان الهم
"يوم انك تخليني"
وأقولك :
"ترى"
الهم زايل مادمت لي وافي

عزّاه ياقلب ظروفه تحداه
مامر به يوم من الهم سالي
وعزّاه ياقلب فقد كل قواه
وزادت عليه الحمل سود الليالي
على حبيب مابقى غير ذكراه
الي بنومي شفت زوله قبالي
وفزيت من نومي أبي القرب وياه
وجدت نفسي في فراشي لحالي




المشكله ما هو بقصدي جفاها
المشكله قلبي تعود عليها
راحت وقلبي راح يمشي وراها
من دون ما أشعر كل ما ابعد أجيها
حبيبتي لو كان تعرف غلاها
أحبها يا ناس وأموت فيها
المشكله بالضبط ما هو خطاها
خطا الخفوق اللي تعود عليها



أنت العزيز اللي على العز مرباك
وأنت القصيد اللي على القاف موزون
وأنت الوفي يوم الوفا من سجاياك
وانت الغلا يوم الغلا فيك مجنون



* وحشتني *
كثر ما ضمت مياه
البحر شواطيها

* وحشتني *
كثر ساعاتي دقايقها
وثوانيها

* بختصار *
ترى الدنيا بلا شوفك يتم الحزن
يطويها مثل غيمه أنت تمطر
على الدنيا وتحييها



سلامة رماحك اللي جرحها غالي
طعنتني غاضب لين أنكسر رمحك
ياليت لي ذنب وألقى علقمك حالي
وياليت بك عدل وأرضى في الهوى ذبحك
يا سيدي وأن نويت تزيد غربالي
قلي وأنا أبعد ظلامي عن سنا صبحك



أكتبيني حب
وبكتبك نجمه
بعيده فوق
أرسميني قلب
وبرسمك
ورده ريحها ذوق
مع كل الألم
أحبك
مع كل الأمل
أحبك
مع كل الوجود
أحبك
أحبك .. أحبك .. أحبك



حاولت ألعب لعبتك
وأظهر بصورة ملاك
وألبس ثوب الثعالب
حتى أوصل مستواك
أنا مو سيء أبد
لكن أسلوبك جبرني
ألبس الآف الوجوه
حتى أخدع من خدعني
واذا انت أذكى مني
منك أتعلم ذكاء
أضحك وأبكي كذب
وألعب أدوار الدهاء



ودي أرحل وأمتطي بعد المسافه
وآصل المقصود لو خان الزمان
وأعشق التجديف لو جاني كلافه
وأجعل من الخوف في ليلي أمان
وأسقي العطشان في صحرا جفافه
واتعنا له لو بأقصى مكان



حبيبي والوفا كفه يجيب الغيم جلاسه
حبيبي والشفق يبكي لعيون تامر وتنهيه
فديت ارض بها مآطى خطاوي كنها الماسه
فديت أول وفا وآخر حبيب دنيتي تفديه



عاهدت نفسي ياهوى البال
منساك
وأنت بكيفك لو تناسيت
مسموووح



أطوي الظلماء وعيت تنطوي
وأشتهيت الشوف بعيون الضرير
مثل طير طاح بيدين بدوي
يلعن الطيحه ولا يقوى المطير
كل يوم أقول باكر تستوي
وخاب ظني بالزمان وبالمصير
من شرب من كف غيره ماروي
لعنبو كف على المده قصير



قلبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه



ياقلب لا تشقى وراء كل مزيون
مالك على الخلايق مقاله
لا تشتكي يا قلب للناس يدرون
والناس عن شكواك مالك وماله
ياقلب وشبك دايم الدوم محزون
خلك بفالك وأترك اللي بفاله
الحب يا هل الحب راعيه مجنون
ينسى أبوه ثم عمه وخاله



ماهو بكيفي أعلن الحرب وياك
لو قام عقلي قام قلبي يصده
والله أحبك صدق وش فيك وش جاك
أبغى المحبه بس من غير شده
ولا جاك غيري لا تحبه ليا جاك
تكفى طلبتك ألعن أبو جد جده



وشهو يعني لو نقص عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده يهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان



لك في خفوقي ألف مرسى للإبحار
شد الشراع وشيل مرسى السفينه
أبحر عساك تكون للروح بحار
أمواج قلبي في يمينك رهينه
لجلك كتبت أهواك بأصداف وأحجار
وفاض البحر للبر وأعلن حنينه



وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني ومابقى للصبر عون
رح لها ياحبي يمكن قلبها يصبح رحوم



أنت ياشيخ البهاء سيدي وعمي
تنثر أيامي عبث وتلمها
أنت همي ول يامحلاك همي
آه ياملح السنين وهمها
وإن خذتك مني عين ماتسمي
ألعن الدنيا وأبوها وأمها





ثلاث حروف تأسرني وتاسرني بمعروفك
ملكت الروح في طهرك وصرت الليل ومراحه
نقشت الشين شوق العين وحرف الواو بوصوفك
وتوجته بحرف القاف عذاب القلب والراحه










آخر مواضيعي
توصيات للفتيات..... الكل يدخل
مسجات رومنسيه عدد شعر راسك
قصه حقيقيه لشاب خطف الموت حبيبته ~~
يالليل قل للصبح اني تمنيت ~~
قلت ما أحبه وأنا مجنون فيه
تدري حبيبي وش ودي أسوي
تهنئه بعيد الاضحى لكل الاعضاء

رد مع اقتباس
قديم 14-01-2009, 12:10 AM رقم المشاركة : 2
معلومات العضو
فراشة جدة
₪ شخصية هامة ₪

الصورة الرمزية فراشة جدة

إحصائيات العضو
Saudi Arabia

Female





مزاجي

فراشة جدة غير متواجد حالياً


افتراضي

مشاء الله تبارك الله من جد اسم على مسمي على عدد شعرات راسنا هههههههههههههههه ,,,


يلي قريتهاا نايس وحلوة ماقدرت اكمل الباقي ههههههه ,, يسلمووو اناملك ويعطيك العافية ,,








رد مع اقتباس
قديم 14-01-2009, 08:47 PM رقم المشاركة : 3
معلومات العضو
الرومنسي7
عضو جديد
إحصائيات العضو
United Kingdom

Male





مزاجي

الرومنسي7 غير متواجد حالياً


افتراضي

يسلمو فراشة جدة تقبرين عالمسجات الحلوة
كتير نايس وعبرة مشكورة جهودك








رد مع اقتباس
قديم 15-01-2009, 12:41 AM رقم المشاركة : 4
معلومات العضو
خليك فاكرني
عضو نشيط
إحصائيات العضو
Palestine

Male





مزاجي

خليك فاكرني غير متواجد حالياً


افتراضي

شكرا لك اخي الكريم على هذا المشاركة








رد مع اقتباس
قديم 15-01-2009, 10:48 AM رقم المشاركة : 5
معلومات العضو
درب الحب
عضو فضي

الصورة الرمزية درب الحب

إحصائيات العضو
Saudi Arabia

Male







درب الحب غير متواجد حالياً



افتراضي

فراشة جده يسلمووووووووو على المرور العطر








رد مع اقتباس
إنشاء موضوع جديد  رد

مسجات رومنسيه عدد شعر راسك


أدوات الموضوع

 

المواضيع المشابهة لـ : مسجات رومنسيه عدد شعر راسك
الموضوع كاتب الموضوع المنتدى مشاركات آخر مشاركة
عد من 1 لي 7 وخلي العضو يبوس راسك... قتيلة الشوق مسابقات - العاب - ألغاز 602 23-08-2010 03:21 PM
ريح راسك من هم الفايروسات aramnet برامج كمبيوتر - برامج انترنت - برامج حماية 1 08-07-2009 06:09 AM
مسجات و رسائل جوال قصائد شعريه رومنسيه أحنـ قلبـ مسجات - واتس اب 6 01-05-2009 07:14 PM
أبوس راسك يازمن تريد الشوق تلقاني خواطر - نثر - عذب الكلام 4 21-01-2009 07:09 PM
دارين حدشيتي - راسك على راسي أحنـ قلبـ منتدى المحذوفات 6 29-01-2008 01:19 PM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - عروض كارفور - العاب - منتدى - flash games - عراقي

الساعة الآن: 02:23 PM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.