آآه من أسباب الحزن فيني ,
كثير من البشر يسأل عن اسباب الحزن فيني
وكثير من البشر وده يعرف بدنيتي وش صار

وعلام اللي يقابلني يشوف الدمع في عيني
وانا توي صغير السن حزين وشارد ومنهار



انا بحكي بقول الحين عن اللي صار في سنيني
ولكن قبل لا اتكلم ابيكم تحكمو يا اخيار

تعالو واشهدو ياناس تعالو طالعو فيني
تعالو شاهدوا جسمي غدى ناحل وعقلي طار



انا ماني ترى مدمن ولا ضاعت ملاييني
وربي يابشر حالي سبايب وقتي الغدار

تعالو واسمعوا مني وش اسباب الحزن فيني
وشنهي سبة دموعي وش اللي بدنيتي اسرار



يتيم ايه انا عايش يتيم محد يراعيني
ولحد عني جاء يسأل وحيد جالس بالدار

يتيم مافي بالعالم رحوم جاء يواسيني
يتيم عايش بحسره وضيقه عيشتي امرار



ترى هذا سبب واحد من اسباب الحزن فيني
يكفي يابشر ولا اكمل وافشي الاسرار


ابحكي عن سبب ثاني سبب زاد الحزن فيني
حبيب مت في حبه ولكنّه طلع غدار


انا رغم اليتم حبيت عشقت بكل مافيني
عشقت وكنت له وافي واذا اخطأ اجيب اعذار

انا حبيت لي شخص عشقته عشقي لعيني
وهو حبني واقسم لي برب المصحف الجبار



انا صدقت حلفانه وهقيت انه بيغليني
ومثل ماني احبه موت توقعته يجيني بار

ولكن خيّب ضنوني توقعته بيحميني
توقعته حبيبي يكون ولكن صاربي غدار



اثاري كان يتسلى ووقته يضيعه فيني
وانا اللي أحّسبه يحبني واحسبه حاط لي مقدار

قطع في طعنته اخر عروق الفرحه بسنيني
وزاد الحزن في قلبي وخلاني اعيش بنار



خدعني ونيته ينهي حياتي وده ينهيني
وعجزت اخذ بثاري منه حبيبي كيف اباخذ ثار

ومع غدره وطعناته غرامه ساكن فيني
ولا ظني انا بنساه لو اتعالج بوسط شهار


عرفتو يابشر هالحين ليه الدمع في عيني
عذرتوني على جسمي عذرتو عقلي اللي طار

وامانه يابشر تكفون اذا منكم يلاقيني
لايسألني وش الباقي من اللي بدنيتي اسرار

لاني لو انا بحكي جميع اللي انا فيني
ياناس عقولكم والله بتلحق عقلي اللي طار

يسلموووووووووووو ويعطيكي الف عافية على مجهودك الرائع