آسف انا في جيتي لك تسرعت ظنيت الاقي فيك شيٍ فقدته
كنت احسبك مجروح مثلي تولعت جربت فرقى شخص قلبك وهبته
كنت احسبك من مر جرحك تجرعت حبيت فيك احساس طفلٍ لمحته
لو...قلت...اه بوسط روحي توجعت ولو شفت دمعاتك شعوري سكبته
ولو تطلب اعيوني ابد ما تمنعت واعطيك قلبي لو بعد ما طلبته
وصلت بك..... اعلى مكان وتربعت وفي قلب غيري ياالغضي ما وصلته
واصبر على صدك واشوفك تدلعت واعطيك ود وما اظنك حسبته
اذهلتني بطباعك اللي ...تطبعت حتى قصيدي فيك ابد ما فهمته
لو كان غاياتك حروفي فانا بعت منك الشعور اللي بنفسي كتبته
خل القصايد تنفعك يوم ودعت وافرح بجرح الشاعر الي جرحته
وأرجوك من صدك تراني تشبعت خلك مع اللي عاجبك او عجبته
يكفي قهر في جيتي لك تواضعت تركت غيرك لجل عينك وبعته
ياليتني عن حب مثلك... ترفعت ياليت قلبي قبل اعرفك دفنته
لكن ابعد دامني ماتولعت الله يرحم حبنا اللي ذبحته
انا شريت الود والحين انا بعت وانا عطيتك قلبي اللي قهرته
في يوم جيتك اطلبك ود واقنعت نفسي بانك شخص عادي عرفته
كمل حياتك مثل ما انا توقعت تبقى اسير الماضي الي فرضته
ولا يحزنك اني جبان وتراجعت حولك بدالي الف شخصٍ عجبته
اما انا لا يمكن اخضع ولا طعت يحرم على اعطيك قلبٍ خذلته
باريّحك من شوفتي يوم قاطعت اسلوبك اللي بة تجامل كرهته
غلطان يا المقفي انا ماتتبعت غيري يتابع خطوتي ما تبعته
ما ينحني راسي لو اني تقطعت وما هو بنا من لا رميتة لقطته
وان كان غرك حكي عذالي وطعت الله يعلم كيف قلبي سكنته
اللي ملا قلبك علي وتسمعت خله يعوض شخص مثلي خسرته
انا بما فية الكفاية تولعت واللي بقى من قلب فيني حرقته
وان شفتني صدفة بعينك تطلعت ذكرتني با نسان غالي فقدته
باول لقا سلمتة احساسي وضعت غلطت حياتي يوم قلبي سلبته
واستسمحك في البعد كاني تراجعت ما عاد ابلقى فيك شي نزفته
طبعك مثل غيرك وطبعي كما كنت احب شخص ولا تركته......تركته

يكفي قهر في جيتي لك تواضعت تركت غيرك لجل عينك وبعته
ياليتني عن حب مثلك... ترفعت ياليت قلبي قبل اعرفك دفنته







وآآآآآآآآآ آآآآآآآآآآو رووووووووووووووعه
يسلممممممممممممممموووو تضحك

ولكموووووووووووو بنت ..
الاروع مرورك

يسلمووووووووووووووو تضحك على الموضووع



*_*

ولكموووووووو مجنوووونووه
لاتحرمنا من مرورك