مريض بالمستشفى كل ما يطلع حد من عنده يضحك ((قصة طريفة وواقعية))





جلس ذلك الرجل على السرير الابيض ... في احدى المستشفيات في بلدنا الحبيبه ...
وكان كل جسمه شاش ورجلينه كلها جبس
وما تسمع الا تآآآآوهاااااااته
مغير يون من الاوجاع اللي فيه
عاد انا قلت يمكن انه مسوي حادث قوي
او انه محترق او او او ... الخ

المهم جت الساعه 4 العصر
وبدا وقت الزياره

انا استغربت من شي غريييييييب مره
كل من جاء يزور هالشخص يطلع من عنده ميت من الضحك

انا جاني الفضول وقلت وش السالفه
وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه

انتهى وقت الزياره
وانقز له على طول
واتشافا له واقوله الحمد لله على السلامه
عسى ماشر ومن هالكلام
وانا كل همي اعرف ليش يضحكون:

المهم قلت له: انا اشوف اللي يجونك ما يرحون من عندك الا و ضحكهم واصل اخر المستشفى ... قال لي : هههههههههه ليش عاد أنت حاسدنا على الضحكه ... قلت له : لا يا أخوي مهوب كذاك السالفه والله لو عندك مليون كان يمكن أحسدك! ... بس اضحكوا عادي خذوا راحتكم بس بغيت اعرف السر يعني ... اذا ما عندك مانع ... قال لي : طيب ولا يهمك ... انت مثل ما تشوفني مكسر ومربط بالشاش ...
قلت له : أيوه والله ... الله يشفيك...

قال لي : يا طويل العمر انا ساكن في شقه في الدور الثاني ... وعندي بلكونه مامن زينها ... واذا نمت فتحت باب البلكونه .. وطفيت النور ... وتسدحت على السرير ...
ويوم نمت على السرير ... وغصت في اعماق اعماق نومي ... حلمت اني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي .. فلان بن فلانه باص النار ... فلان بن فلانه باص الجنه .. وهكذا
فلان بن فلانه ...هه هذا اسمي ... وقلبي يدق و يدق... رووح باص الجنه .... اووووووووووووه الحمد لله ارتحت
ومشيت ادور على الباص اللي مكتوب عليه الى الجنه ... وحصلته ودخلت فيه ... مشينا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا)
وهذا وحنا مع اللوحات .. والله ونتعدى الجنه ... قلت يمكن السواق يعرف مكان لباب ثاني ....
شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا رجال وش السالفه .. المشكله الناس ساكتين وما حد قلق في الباص الا انا .....قلت بدخل عالسواق وشفته معطيني ظهره ... إيه إإإيه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..... قلت له : ويش انا من اهل الجنه .. وليش توديني النار يا وجه النحس!!!....
والتفت لي ... طلع هو ابليس !!! .. الله يلعنك ... انا من اهل الجنه .. يا ملعون لا توديني النار .. انا من اهل الجنه .... والله العظيم اني من اهل الجنه ... تو من شوي قايلين اسمي ... وقف يا ملعون .. وقف يا ملعون ... وهذا انا
أصورخ... وهو بانواع الضحكات الشريره هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاها . .. قلت له يا ملعون وقف !!! أبي انزل !!! ... قال : والله الباص هذا مبرمج على انه ما يوقف الا في النار ... تبي تنزل أقفز منه .... وركضت على الباب وفتحته ... وهوووووووووووووووووووووووووووو ووووووووووووو وووب






ولا وعيت الا في المستشفى ... قافز من البلكونه ... في الحوش !!!!


القصة صحيحه ... وحصلت لواحد كان منوم في مستشفى المجمعه العام




دخليكم لاحد يحلم الجنه والنار لااا تسون عمليات انتحاريه خخخخخ

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه

ههههههههههههههههههههههههههههههههه ههههههههههههههههههههههههههههههههه

هذا لو ما يحلم طول عمره احسن

ههههههههههههههههههههههههههههههههه ههههههههههههههههههههههههههههههههه
الله يكفينا شر النار
يسلمووو

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه

دمعوا عيونها من الضحك

مسكين

الله يكفينا شر النار