السلام عليكم

يا شباب يا بنات يا ناس يا عالم ... شاللي صاير بهالدنيا .. ؟

واحنا لي متى جذي ؟؟
يعني لا من بنات ولا من شباب كل من صار أي شي ؟؟

اوكي فراره بالمجمعات قلنا ميخالف ..

نطلع نستانس اوكي وياكم ...

بس اللي قاعدين نشوفه وساكتين عنه ليش ؟؟

بنت تلبس لي قصير لي ركبها وله فخذها ووحده ثانيه متحجبه ومترصره ؟؟

ايي ليش سترو على روحكم شوي انتو البنات يعني شوي لبسو لبس يستر عليكم يعني شنو مطلعه جسمها ومترصره ايي شنو يعني شوفوني انا حلوه وله انا مزيونه ؟؟ وتقول حق الشباب لا تلحقوني وله قطيييعه صبي تحرش فيني وصبي تمادى علي .. ؟؟

يعني اللي يشوف لبسج وستايلج تبينه يقول عنج والله انتي خوش بنت ؟؟؟

وين البنت اللي قبل ووين البنت اللي تعرف تستر على نفسها .. ؟؟

اذا حسبالج انه يعني عادي وانه انتي مافيج شي اوكي ما قلنا شي بس كلام الناس ما يخلص وسمعة اهلج تروح بسبتج ..؟؟

ما تدرين انج لما تطلعين بهالشكل وكل صبي يشوفج انتي تأثمين وتاخذين اثم وسيئات .. حسبيها وانتي داشه المجمع جم صبي يشوفج وانتي لابسه هالقصير أو هالضيج ..

وردي بيتكم وعلى كل صبي شافج حتى لو نفس الصبي حسبي اثم أو سيئه وشوفي جم سيئه أو اثم اخذتي ...

ستري على نفسج .. ستري على حالج .. ترا الحجاب يخلي البنت مرتبه

وهالايام ما ينعرف من البنت والولد ... ؟؟

كلهم نفس الطقه وكلهم نفس الشي
الهدوم كلها صارت وحده ؟؟

قبل الصبي عييب عليه يلبس سلسله وهالسوالف والحين كل من قام يلبس وعادي والتيشيرت الوردي ..؟؟
يعني لي هالدرجه وصلت فيكم الحاله ...

ليش يا ناس ؟؟

اوكي خلونا من هالشي ...

الحين واحد طول وعرض تقوله قوم صل يقولك صلاة المغرب أو العصر جم ركعه ؟؟ وله شلون اتوضى ترى نسيت الوضوء ؟؟

وله يسمع الاذان قاعد يأذن واهوا مشغل اغاني وتقوله طف الاغاني اذان يا حبيبي يقول رووح زيين انا بادي قبله ؟؟

ترا حسابك عند ربك ياخي استح شوي واحترم دينك واسلامك بدال لا تقول هالكلام .. ويعني شوفوني انا قوي وبايعها بهالدنيا وخربان وفاسد ...

مادري ليش الواحد يفتخر لمن يشوف نفسه فاسد وخربان ويشرب خمر .. ويزني ويكلم بنات وايد ..

هذا مو فخر هذا تخلف منك انت ومرض فيك .. وعلاجه انك تبطل من هالسوالف ...

ترا والله هذا مرض يعني الواحد ما قام يحترم لا الناس اللي حوالينه ولا دينه واسلامه ولا يحترم البنات ويقعد يفضح فلانه وعلنتانه ..

يا حبايبي لا تنسون انه فوقكم رب يحاسبكم .. وما يطوفه أي شي .

اوكي مو عاجبكم ندش بكلام الدين والاحاديث وما تحبون تقرون جذي خلاص شوفوها من ناحية الدنيا .
.
يعني ما عندك غيره لمن تشوف بنت من بنات بلادك تلبس جذي وجذي وفلان يفضحها وعلنتان يسوي فيها جذي وانت تسنانس وتقول تولي وتذلف ؟؟ ليش اهيا مو بنت بلادك .. باجر الخبر يوصل برا ويقولون اي شوفو

بنات الكويت أو بنات الخليج أو بنات العرب أو بنات أي دوله شلون رايحين فيها شوفو شلون فاضحينهم واللي فاضحها مستانس ؟؟

ياخي هالشي بيرد لك وبيصير فيك ان ما صار فيك بالدنيا بيصير فيك شي بالآخره والله اللي راح يخليك تندم على كل خطوه خطيتها ...

والله ياريت يكون في احد حاس بكلامي وحاس باللي قاعده اقوله ....

والسموحه واسفه عالطواله ...

واسفه اذا كلامي ضايق احد .. بس منقهره على بلادي واللي قاعده اشوفه من البنات والصبيان ...

الله يهدي الجميع انشالله .. وانشالله تتغير الاحوال وتصير احسن من جذي ...

إللي بعض يقول متدينه الحبيبه والله مو متدينه وايد بس اي شي إللي نشوفه
يخلي الواحد يقول اكثر من جذي

مع السلامه

(منقوول)

جزاك الله خير
والله انك صادقه في كل كلمه قلتيها
بس الله يهدي شبابنا وبناتنا
يسلموووووو ساحره
نقل رائع
لاتحرمينا من جديدك ولامن ابداعك

اميين انشالله تضحك

نورت الموضووع ...يسلمووو عالمرور

سحرحر
كلامك سليَم
وكل كلمه قلتيها بمكانه
ولله الحمد حنا بالمملكه
بنعآني شوي لكَن
رحمه من غيرنا من الدول العربيه الاخرى
لان العباء شي ألزامي عندنا
ويمكن نشوف عبآيه مفتوحه وعبايه مثلا
تشوفين الاسم والرقم عليها و . و . و .ألخ
لكن الحل الوحيد ل هالشي
هم الاهل
اذا الاب والام قالُ لها كذا مايصير عيب حرام .. ألخ
البنت بتعقل
لكن لو شآفت ال لامبالاه بتسوي الي تبي
ويسلموو ع موضوعك الروعه
وحركآت الصوره الرمزيه بس الاولى احلا < ملقوف

يسلموو رشوود عالمرور اول شي

وثاني شي كلامك صح انه لو الاهل اهم الي داروا بالهم عالبنت وهم الشاب <<عشان محد يزعل

على قولتك الكل ممكن يعقل.... وفي اهل يحاولون مع اولادهم بس بدون فايده

وعالصوره الرمزيه اذا تحب الاولى ماعليه نرجعها لووووووووووول