كنت أظن إنك وفي مخلص حنون
ما حسبت حساب غدرك أو جفاك


كنت وحدك ساكن بوسط العيون
لا وربي ما سكن عيني سواك


كنت أبادلك المحبه والشجون
وقلبي بيدينه مفاتيحه عطاك


كنت في دنياي أجمل ما يكون
كنت دايم أرتجي وأطلب رضاك


ليش كل هذا التجافي يا فتون
بعت من حبك وبعيونه شراك


كنت ما أزعلك وكلهم يزعلون
كنت أنا بالنسبه لجروحك دواك


يا حسافه كيف عشرتنا تهون
كيف تنسى اللي دقيقه ما نساك


كنت أنا وياك صحرى مع مزون
لو عطشت القلب من دمعه رواك


وصرت أنا العطشان أطلب منك عون
ليش تحرمني في عزالضيم ماك


قلبك بكيفه يخون والا يصون
هذا عمرك وإنته أدرى بمستواك


بس جاوب كل منهم يسألون
أحسن أسكت تدري الكذب يعداك


القهر إنك على قلبي تمون
لو طلبت إحساس قلبي قلت هاك


والقهر إني أحبك وبجنون
يا حسافه ضاعت أيامي معاك


ليش خيبت بمحبتنا الظنون
ليش ما بادلت من حبك هواك


ليش كنت تحلف بحبي ما تخون
وإني في عينك أنا أجمل ملاك


كنت أظن إنه العواذل يكذبون
كان قلبي وكل إحساسي فداك


ما هقيتك يوم يالغالي تخون
ليت كل الناس خانوني معاك

رووووووووووووووووووووووووووعة يااااذوق يعطيك الف الف الف عافية ياسكركر

واااااااااااااو بصراحه رووووووووووعه

عليك ذوق يهبل

يعطيك العااااافيه

صح لسااااااااانك يا ابو الشباب

هالصورة الرمزيه مع الشعر مسويه حركاااااااااات خطيره<<خخخخ

كلمااااااااات رائعه

الاروع توآجدك يآسكررره
يسلمووو
ولاتحرمينآ من مرورك