منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

مرور 10 سنوات على تأسيس منتديات لمعه

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات عالم حواء > عالم حواء العام - بيت حواء - اسرار البنات
استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

عالم حواء العام - بيت حواء - اسرار البنات , عالم المرأه , عالم المرأة , عالم حواء , نساء , نسائيات , مواضيع نسائية , مواضيع نسائيه , مواضيع بنات , اسرار بنات , بنات , بنوتات

نصيحة عروس في ليلة زفافها

إنشاء موضوع جديد  رد
 
أدوات الموضوع
قديم 23-07-2007, 09:06 AM رقم المشاركة : 1
معلومات العضو
اسير الحب
₪ مشرف سابق ₪

الصورة الرمزية اسير الحب

إحصائيات العضو
Palestine

Male






اسير الحب غير متواجد حالياً



New نصيحة عروس في ليلة زفافها



نصيحة عروس في ليلة زفافها ,
السلام عليكم و رحمة الله و بركااته .........
اوال شي ..الف مبروك على الخطووبة ..و الله يتمم لكن على خير ...
اخواتي ..

انا في يوم من الايام كنت مكانكن ..كان فيني حفووز مب في حد..ابا اخم كل الي في السوق ..وخاصة قمصان النوم!! كأن مرة الحيين العرس بس حق الاستعراض و التلبيييييس و الي بالي بالكن! و انا متأكدة 90 % من الي بيعرسن هذا تفكيرهن ...صح؟ لا يا بنات ..العرس حياة..عشرة..تغاضي..ضرايب مراضااة ..الخ ..
المهم ..ما بطلع عن محور الحديث....بس بغيت انبه لهالنقطة لانه معظم مواضيع العرايس عن المكياج و الفستان و الزهااب ...صدقوني هذا 60% من العرس او الحياة الزوجية ..

يوم العرس:

قومي الضحى ..على رواااااء..تريقي عدل و صلي الظهر و تغدي عدل..سيري الفندق..استرخي شوي ..اذا عندج حد من خواتج خليهاا تسويلج مساج ..الخ..اهم شي تكونين رااايقة لانج لاحقة على الارتبااك!! صلي العصر و تسبحي عدل و عقب السبوح طبعاا ترطيب البشرة و تعطيرها بالكريمات المعطرة ..شعرج لا تسويبه شي.. نشفيه بدون سشوار و لفيه بالفووطة اذا تبين ..البسي ملابسج الداخليه و خليج بالرووب..

الحين خلصتي اللي عليج؟ باقي اتيي لج الكوافيرة..في وقت انتظارج لها ..يلسي اقري الاذكار و اقري قرآن ..اذكري الله ليين ايونج لانه بعدين ماشي وقت..طبعاا خلج على وضوء..هذا اهم شيء..

يعني اذا وعدتج مالت الشعر او المكياج الساعة 6 و نص مثلا؟؟؟ تدخلين تتوضين و عقب تطلعينلهاا..لااااااااا تتمكيجين او تسوين شعرج الا و انتي على وضوء ..مش حصلاااانة؟ لااااااااع مايجوز ..توظي و عقب سوي شغلج ..الصلاااااااااااة ثمّ الصلاااااااااة ثمّّّّّ الصلاااة

عقب المكياج و الشعر و الفستان..دور التصوير...نصيحة ؟ خلي عندج 1 او 2 او بالكثير 3 من اهلج بس..لا تكااوشينهم عندج..انا ما قدرت اتصوور مثل الناس لانه حجرتي واايد كان فيهاا بناات..و المستحى مأثر علي ..الحركاات الي كانت تطلبها المصوورة كنت استحي اسويهن <<اوني يعني

بالنسبة للتصوير مع الزوج هذا شي راجعلكم ..

ماتفرق .. الي يقوولج لااااا خليه اول واحد يشووفج ..و الي يقوولج لاااااااااااا خليه يتحرقص و يشووفج في قاعة العرس و هالسوالف الأرعة..المهم الأمر راجعلج في النهااية بيجابلج 24 ساعة ههههههههه

قبل لا تنزلين للمعازيم اقري على عمرج آيات التحصين..و سمي بسم الله و اقري و انتي تمشين عالكوشة ..ياويلي خخخخخ لأن قلبج نبضاته راح تضاعف كح كح من كثر الخوف..
نجي حق عقب العرس و الزيطة و الزنبليطة ..بتنزفون؟ وين؟ اذا في بيت اهلج وصّي حد من اهلج يجهزلكم عشاء (سندويتشات صغار..فواكه صغيرة مثل الفراولة و الكرز و السنطرة.....الخ) ..
صدقوني ركزوا على الاشيااء الصغيرة لانكن بتستحن تاكلن ههههههههههه ه..العصااير..انتوا و ذووقكم..

الصباحية ..؟ قومي من النوم قبله ...عشان ما يشووف الكشة ..ويخترع ويخاف الحبيب

تسبحي و تلبسي و تأكدي انه ريووقكم (فطوركم) جاهز..ويكون شي خفيف .. و حطوا الريوق على ترولي ..اسهل و ارقى ..انثرو عليها ورد جوري و بتلاات ... تجرينهاا لين السرير ..توعينه شوي شوي ..تسولفين وياه شوية ..جان بيتسبح و عقب ..تريقينه ..
في حركة حلوة سويتها في صباحيتيه..قدمتله بوكس فيه هداايا ..استاانس ..ممكن تسوين نفس الشي <<غشووا مني هههههههههه ..
شهر العسل ..

مدري اذا تعرفون هالشيء..و هو شي متداول من بيننا كشعب اماراتي عربي.. "الشخص ما تعرفه عدل غير في السفر) بغض النظر انه شهر عسل و رومانسي و شهر حب و و و ..؟
حاولي تتقربين منه في شهر العسل ..تفهمينه..و تخلينه يفهمج..بتستحين يوم يومين 3..بس بعدين خلااص...بتكون بينكم عشرة..فلازم تخلينه يعرفج و يعرف شو تحبين و شو ماتحبين...لا تقولين لااا بااسسسسسسكت دامني في شهر العسل ...لا..بكل هداوة و رمانسية ..تعرفوا على بعض و شاركوا بعض احاسيسكم..مب ااذا بدر منه تصرف ما عجبج تسكتين؟ لا تحملي ..صارحيه و قوليله بطريقة حلوة ترا اناا ما احب جيه يا زوجي العزيز..<<<عاشت الفصحى...

ليش اقولكن جيه؟ لانه جيه بدااية مسك زمام الامور....

على سبيل المثال..؟

اغلب شي يستحن منه العرايس في شهر العسل طلب الفلوس ......!!! معاكن حق و انا مريت في نفس الظروف..
حد من الرياايل من نفسه يعطي عرووسه ..و حد؟ يستانس انها ما فجت حلجهاا و قالت اباا فلوس هههههههههههههه..

اوكي في شهر العسل استحيتي تاخذين منه..بترجعين البلاد ..و بعدين؟ بعد ما بتطلبينه ؟
عوديه من شهر العسل انه هوه مسؤول عنج ..ترا بعض الرياايل يستغل هالشيء و يطنش مع الوقت ..

خاصة في شهر العسل تبين تشترين هدايا..هوالمسؤول ..
شخصياا ..؟ سكت يوم يومين 3 4 ..ياربي!! واايد اشيااء تمن في خااطرية ..! شو اسوي؟
سرتله و قلتله يا فلان ؟ ابا اخذ كم من هدية بسيطة حق الي فازعوا في عرسنااااااا..و ما سكرنا الموضوع ليييين ماا تكلمنا في موضوع المصروف الشهري و كم احتااج و كم البيت يحتاج ..من هني مسكت زمام امورنا المادية ..و لله الحمد؟ مصروفي الشهري يوصلني كل راس شهر ..

موضوع ثاني ..؟
الطلعاات ..و الربيعات ..و الاهل ..
حاولي تلمحين له انج حاطة فبالج انج تتواصلين مع ربيعاتج و ما تقاطعين اهلج و انج مثلا" مرة في الاسبوع تخصصينه حق الشوبينج او النادي ..
اقولج ليش؟ لانه في فترة شهر العسل الزوج يااخذ و يعطي و ممكن تقنعينه اذا قال لااا...
و فعلا نصيحتي لج كعرروس؟ رتبي حياتج (لج+الحياتج الزوجية+اهلج+ربعج+طلعتج) ..لا تحكرين عمرج بحياة زوجية و بس!! تحكمين على نفسج بالعزلة بهالطريقة..
و حطي شي في بالج ..(الرياال على ما تعودينه ) ..!
تواصلي مع ربعج بالتلفون و تلاقوا من وقت لين وقت ..ترا يوم من الايام بتحتاجين لهم اذا لااا سمح الله حسيتي بالوحدة .. و عوديه انه اهلج و اهله زيارتهم شي اسااسي في الاسبووع


الشكل...موضوع اللبس ..و تغيير اللوك ..و المكيااااااج<<الف خط تحتهاا

اذا انتي من النوع الي متجدد في اللووك
البسي حق رايلج ماا لذ و طاب من اللبس<<حشى خبزة مب عروس خخخخخ

المهم ..البسي و تعدلي و تمكيجي..و شعرج اذا انتي من النوع الي يصبغ و هاي لايت و جيه؟ اصبغيه قبل العرس .. اقولج ليش؟

عشان يتعوود على شكلج و ما يمنعج او يتطنز عليج اذا سويتي هالشي عقب فترة من العرس ..!
و وايد حريم اعرفهن ممنوووووووع عليهن هالسوالف ..ليش؟؟ لانه الريال ما تعواد يشووفهن بهالشكل ... فمن شهر العسل..خليه يعرف و يتعود على هالجاانب ..


الكمال..و هالشي يمكن حد منكن يعاشيني فيه ..و اناا ماا علياا .بقوولكن و انتن براحتكن ..

لا تعوودن رياييلكن على انه يشووفكن 24 ساعة بمكيااج ..حتى لو جحاال..و لو تعوودنه انكن دووم ملسااات مافيكن شعر..انا مااقلت لا تتعدلن ولا قلت تمن مشعرات؟؟؟ قصدي مفهوم لا تعووددددددنه <<<يعني لا تخلونه يتعواد عليكن انكن بيرفكككككت 100%..اقولكن انا ليش..

بتيكن اياام بتتعبن..او نفسيتكن بتكوون مش ولا بد!! او ممكن تمررن بظروف صحية او نفسية او ماادية حتى..صدقوني اااااااجلاا ام عااجلاا رايلج بيشووفج بيشووفج في كل الاحوال ..!! و اذا كنتي معوودتنه دووم على انج تكونين بيرفكت و مرة وحدة طحتي ولا تعدلتي ؟ بيقوول (اااااااااااااااااع..شوو هذاا الويه و شوو هالشعر) ...!!

شخصياا .. عودت ريلي بالتدريج على شكلي .. مثلاا ..اوال يوم عرس بمكياج كامل ...ثاني يووم بمكياج خفيف..قبل الرقاد ماشي مكياج بس يكون بقايا جحال .. الي عقبه ماشي حجال و هكذاا ..و الشعر اللهم لك الحمد من عقب الاشعة الضوئية افتكيت من الشعر ..بس يطلعن كم من شعره ..مااهتم!!..حتى اقوول ((شووف الشعر كيف طلع مع اني مسوية اشعة ضووئية )) اصاارحه ..اخليه يشووف و يشاركني..مافيها شي..

ريلي شافني بجحال ساايح..............من غير مكياج...........بكشتي ههههههههههههههه ....بوايهي الاصفر اياام الحمال و الوحاام ...و انا اتويع من الطلق و اناا ازحر ....اصيح اضحك مستانسة مفرفرشة مضاايقة كككككككككل الاحوال ...!! هذاا نصي الثاني ..لازم يعرف كل جوانبيه ..
فنصيحتيه ..لا تعودين ريلج على الكمال في كل شيء ..و عوديه على طبيعتج

المشاكل..انتي و ريلج ..توكم متزوجين ..حياة يديدة و شخص يديد و اطباع يديدة..شي يعجبج و شي ماتحبينه و شي و شي ..
بتصير بينكم مشادة كلامية او حتى سوء فهم او ضرايب ..((الصحون في الصيااني تدااق) .مابالج الزوج و الزوجة...؟
هالاشيااء هي اللي تخليكم تفهمون بعض ..نصيحة لج يا عزيزتي العروس..خذي الامر بهدااوة ..و في نفس اللحظة عالجي الامر ..لا تقولين (هالمرة بسكت و اذا عادهاا بتكلم))!! لانه بيعيدهاا .. اي نقطة سلبيه تشوفينهاا في رايلج على طوول قولي (حبيبي انا شي في خاطرية و ابا اقوله....) فيه احلى عن جيه؟
و عنه هوه اذا شفتيه عصب عليج او ما عجبه شي فيج تناقشي معاه و امتصي غضبه بكلمة حلوة ..و خذي كلامة باقتناع تااام ..مب تقوولينله ان شااء الله و منااك انتي لا مقتنعة ولا شي..؟ النقاش و التفاهم و التواصل الفكري اسااااااااااااااااس الحياة الزوجية... فلا تهملين هالنقطة ..من البداية تأكدي انه في بينكم حوار و نقاش محترم..و أهم شيء أنه يكون محترم بدون صيحة و صريخ..لانه اذا تلاشى الاحترام؟ تلاشت حياتج الزوجيه
...المسؤوولية ...........

عودي ريلج انه مسؤول عن زوجة و بيت ...يعني مثلا؟
وايد حريم يشتكن..."ريااييلنا ما يصرفون ..رياييلنا ما يقعدوون معاناا..ريااييلناا شاطرين يتأمرون و مناك ما يعرفون شي عن بيتم و رياايلنا دوم مع ربعهم و ما يعبروون ولا يقعدون في بيتم ...." ..طيب ليش تشتكين و انتي السبب يا الزووجة ؟
انته ياا حبيبي متزوج..انا زوجتك من حقي اني ايلس معاك..من حقي اطلع معاك..و بيتك له حرمة و احترام..لازم تقعد فيه تشوف شوفيه يحتاج شي ما يحتاج ..! كذب من قال البيت مسؤولية الزوجة فقط! هذا اكبر خطاأ..و انا اسميها دكتااتورية!! الحياة الزوجية و عش الزوجية عبارة عن مشاركة و تعاون ..عيل باجر اذا يبتي عيال.. ريلج ما بيتدخل؟؟!!!! ..

اخر شي .. اااااااااااااااااااااه تعبت ...

اخر شي يا حبيبااتي ..و نصيحة اخيرة ..و ادري اغلبكن بيقوول لاا و ليش ..بس مثل ما قتلكن هاي نصاايحي من تجربتيه و في النهاية شي راجعلكن ..

الحمل ...................!

لا تحملين لين ما تعرفين رايلج 100% ..على الاقل 4-6 شهور ....غيرج ياا حبيبتي حملت و توهجت و عقب عرفت رايلهاا انه خالي من المسؤولية ..و النتيجة؟ طلاق و الضحية منو؟ الطفل ..



ففكري في هالنقطة ...حتى لو قالج ريلج ابا بيبي على طوول ..لا تستوين ملقووفة؟ كل شيء بالعقل ..!


منقول








آخر مواضيعي
صعب ... صعب .. صعب. !!!
رساله من فتاه خدعها الشات...؟؟؟
لكل حرف حكمة ...!!!
وعدتك ..!!!!
خليط البحر
أجمل دمعه
شمعة آمل في ظلام اليأس

رد مع اقتباس
قديم 23-07-2007, 09:43 AM رقم المشاركة : 2
معلومات العضو
اصيلة الاحساس
عضو لمعاوي

الصورة الرمزية اصيلة الاحساس

إحصائيات العضو
Saudi Arabia

Female





مزاجي

اصيلة الاحساس غير متواجد حالياً


افتراضي


يالله بصراحه شيء صعبه
جلوه النصائح








رد مع اقتباس
قديم 23-07-2007, 03:27 PM رقم المشاركة : 3
معلومات العضو
asb1
عضو
إحصائيات العضو
Egypt

Female






asb1 غير متواجد حالياً



افتراضي

نصائح جميلة لأى بنت
شكرا لك ويارب التنفيذ








رد مع اقتباس
قديم 24-07-2007, 07:38 AM رقم المشاركة : 4
معلومات العضو
آخــر العنقــود
₪ شخصية هامة ₪

الصورة الرمزية آخــر العنقــود

إحصائيات العضو
Saudi Arabia






مزاجي

آخــر العنقــود غير متواجد حالياً


افتراضي

ههههههههههههههههه
عله اسلوب
بس وربي نصآيح جدا مفيده ويبيلها مخمخه
واختي قريب زوآجهآ يبيلي اقريهآ
يعطيك العآفيه
يسلمووووووووووووو








رد مع اقتباس
قديم 24-07-2007, 06:04 PM رقم المشاركة : 5
معلومات العضو
OveR_DoOoOoZ
عضو لمعاوي

الصورة الرمزية OveR_DoOoOoZ

إحصائيات العضو
Netherlands

Male









مزاجي

OveR_DoOoOoZ غير متواجد حالياً


افتراضي

يسلمووو اسوري

<< وش دخلك انت اصلا على هالموضوع








رد مع اقتباس
إنشاء موضوع جديد  رد

نصيحة عروس في ليلة زفافها


أدوات الموضوع

 

المواضيع المشابهة لـ : نصيحة عروس في ليلة زفافها
الموضوع كاتب الموضوع المنتدى مشاركات آخر مشاركة
رساله اب لابنته ليله زفافها(مؤثره) اصيلة الاحساس قصص - حكايات - روايات 7 14-08-2009 04:55 PM
فتاة يوم زفافها >> أدخلو وشوفوا ايش الي حصل cute girl قصص - حكايات - روايات 4 13-08-2009 10:16 PM
رساله من عروس الى عريسها ابو فايز الأسرة و الطفل - عالم الأمومة - عالم الطفل 15 12-08-2009 11:35 AM
عروس تزف في تابوت سراب المنتدى العام 16 19-11-2007 05:36 PM
‍‍‍‍‍‍‍‍وصية ام معاصرة لابنتها قبل زفافها اسير الحب الأسرة و الطفل - عالم الأمومة - عالم الطفل 1 25-07-2007 09:20 PM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - عروض كارفور - العاب - منتدى - flash games - عراقي

الساعة الآن: 10:52 AM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.