ماي القلب
ي ماي القلب إسقيني عطش أروي به اللهفه
ضلوعي حيل ظميانه تبي تشرب من أنفاسك
حبيبي والصبر يبكي وعيّا ينطر الصدفه
لأن الصبر يا كلي تعب في كونه متماسك
مطر يهطل بأشواقي على صحرا من الرهفه
يبلل سنديان الحب بقطراته على يباسك
وهذي روحي تعزف لك نشيد الحب والعفه
يردد بعدها نبضك إلامن دقت أجراسك
حبيبي عطني أتلذذ أبي من عشقنا رشفه
تغرقني بحنيني لك تضيعني بأعراسك
أحبك يا بعد كلي كثر جرحي، كثر نزفه
أحبك كلمه تتمايل على سطوري وبأقواسك
أحبك غنوه غناها فؤادي والصدى خلفه
وقال أرجوك لا تنسى تخط اسمي بكراسك
أنا ناي ٍ يدور له عن إذن ٍ تطرب لعزفه
أنا الميته عطش وأسقي كؤوسي لجل جلاسك
أنا أتلو شعري وآسبح بحمد الله وبلطفه
وأتعوذ من الغربه قبل لا يغلب نعاسك
يا صورة استوائيه بها الأعشاب ملتفه
على لون الظلام اللي يعاند فيه نبراسك
رجولة هالبروق تبان من أقدامك إلى النسفه
وأنا من هالسحب فيني أنوثه تكتسح باسك
حبيبي رتل أشواقك بلا أي خوف أو رجفه
وأنا بشرح معانيها لأهلي .. ناسي وناسك
بنتيمم بطعم الطهر والمشموم والقرفه
وبنصلي صلاة الحب أنا وانتا ورى الناسك
بوقظ كل حواسي لك بصحيها بكل خفه
ياصوت الموج بالمحار عساني فدوه لراسك
حبيبي مد لي يدّك وهاك القلب خذ نصفه
وعطني نصفه الثاني عشان آعيش هوجاسك
أنا أتعاطى دوى حبك بلا معاين ولا وصفه
وأشرب كاسي المليان بدمعي من بعد كاسك
حبيبي بسكر بشوقي وأخلي حبي لك حرفه
عساني فدوه لقلبك وعينك .. ضحكة ألماسك
للشاعره البحرينيه عزيزة القلب::: امل المرزوق
أهلا و سهلا بك أخي الكريم في منتديات لمعه ,, للتسجيل اضغط هنا !!
23-07-2007, 10:34 AM
ماي القلب
المواضيع المتشابهه
