تدرين وش الفرق بينك وبيني
اني وفيت الحب وأنتي غدرتيه
صنت العهد وياك طول السنيني
ويا للأسف عهدك كذبتي وخنتيه
حبك ربا بأحشاي مثل الجنيني
وحبي طفل مغدور بيدك ذبحتيه
اذكرك لا غبتي بشوق وحنيني
وذكري يبس بشفاك حتى نسيتيه
درب الوفا دربي كما تخبريني
ودرب الخيانة دربك اللي مشيتيه
أنا شريتك بالبهيض الثميني
وأنتي شريتي في غرامي وبعتيه
يا بنت صدي وأرحلي وأتركيني
روحي لغيري خلك اللي بغيتيه
ما أقولك حني علي وأرحميني
ولا أطلبك تحيين عشق قتلتيه
اقسي علي جوري علي واظلميني
قلبي عساك الموت كانك رحمتيه
لا يدخل بقلبك حنين وتجيني
خلك علي أقسى من اللي كرهتيه
وإن قلت لك كافي بعد عذبيني
صبي عذابك فوق غدرك وزيديه
ما ودي أنسى طعنتك ذكريني
ابغى أذوق المر واذكر لياليه
يا خاينه اقسي علي علميني
وشلون أنا أقسى والزمن كيف اجاريه
وشلون أنا أكسر حاجز العطف فيني
واضحك على احساسي بعقلي وانسيه
عشان لا جارت عليك السنيني
وخانك هذاك اللي وفيتي وصنتيه
وصحى ضميرك بعد ما هو دفيني
وحفرتي الماضي بعد ما دفنتيه
وذكرتي اللي بالوفا لك يديني
وجيتي تبين ايدك تلامس اياديه
والله لأقسى مثل قسوتك فيني
ولا يرحمك قلب جريح ظلمتيه
ما أبغاك لو أنك ندمت وتبيني
وبجرحك جرح طول عمرك تداويه
بعذبك واسقيك كأس سخيني
كاس شربته منك ودي تذوقيه
سم تصوغه لين روحك تبيني
موتي عساك الموت بأسرع خطاويه
يرفض هواك اليوم قلبي وعيني
ويرفضك حب جاك وأنتي رفضتيه
حتى خيالك بالكرى لو يجيني
باحرم عيوني من منامي واجافيه
وأقول لك رجعت ثاري وديني
ولا تزعلي يابنت حقك واخذتيه
هذا عهد نفسي وهذا يميني
إن الوفا عهدي لمن هو يوفيه
والله ما ينزل لقاعي جبيني
إلا لرب الخلق راسي أوطيه

عاااااش امير الاحساس على الحكي المفعم بالاحساس

الله الله
كلام رائع
ثاااانكس على الكلام الحلوة داة
ولا تحريمنا من جديدك

إبـدااااااااااااااااااع يأميـر

اسسسستمـر في إبداااعـكـ

مششششششششششكـور

وتسسسسلم اناملكـ

تسلم امير فعلان امير الاحساس