أمانة .. لا تعلقني معاك و تنسحب بسكات
أمانة .. كل ما يطري عليك البعد علمني

وأمانة .. لا تعيشني على رجوى زمان فات
إذا هان الذي بيني و بينك حن و أرحمني

وأمانة .. لا توقفني على باب الأمل لحظات
ترى كل شي يهون إلا تروح ولا تكلمني

و تراها كلمة وحده بلا عذر و بلا إثبات
و إذا خفت الزعل منها تراها ما تزعلني

أنا أزعل يوم تنساني وأنا أتبع حلمي اللي مات
وأنا أذكر ما دهى قلبي ما بغى من يذكرني

بداية قصتي كلمة و آخر قصتي أبيات
عذاب ٍكل ما طالت سنينه شفت الموت طاولني

أنا اللي ما وفى حظي سوّا بي الهم واللوعات
أمنّي قلبي الطيب و أشوف الحظ خاينّي

أنا اللي ما أحتمل قلبي فراق اللي يبي .. هيهات
ألا لو يحتمل قلبي لا أجنّب من رحل عنّي

روى خدي من دموعي . . شبع قلبي من النكبات
أظن الظن بأحبابي و ما أسرع ما أختلف ظنّي

ضميت من الهوى ياما . . وتجرعت العنا رشفات
و تنطحت الدهر هالك صويب لاكنّي

أزيف ضحكتي مهما بقى في خاطري ونّات
و أضمد طعنتي مهما ظروف الوقت ذلتني

وترى لو شفتني أضحك وأجامل وأكثر الضحكات
ترى كل السنين اللي مضت لي ما ضحك سنّي

وإليا مني فرحت ب وقت بكيت ف باقي الأوقات
و تبغاني بعد أسكت ! .. وترحل ما تعلمني

ترى ماني بناقص هم و دموع و حزن و آهات
أمانة .. لا تعلقنّي بحبك لا تعلقني

أمانة .. يا آخر أحلامي أمانة .. يا أعذب الترفات
أمانة .. كل ما يطري عليك البعد علمني

خاص مني لمن أراد ان يحجز في بيته الأبدي

منق ول