حابه اتكلم في موضوع ازعجني كثير واللي ازعجني اكثر ليست القنوات الفضائيه اللي تعرضه ولا الناس اللي تبيع الوهم وبتعبيراصح المشعوذين اللي يبيعون الوهم.. اللي يزعج ويقهر في نفس الوقت الناس اللي تتجاوب مع هذا الوهم والسخريه الواضحه من عقليات بعض الاشخاص الضعيفه..... استهزاء في اشخاص ضعفاء يمكن لضروفهم الخاصه اضطروا لتصديق هذي الخزعبلات ولنقص في ايمانهم وهذا اللي شجع هذه الفضائيات للانتشار بشكل كبير ومخيف من دون رادع لمثل هذي القنوات
سبحان الله كاننا لم نكتفي بهؤلاء المشعوذين الذين يمارسون شعوذتهم في الخفاء بيننا حتى اصبح هذا العمل محلل ومباح وتحت ظل المعالجه في القران
اخواني ماشاهدته وشاهده الكثير غيري لشي مخزي ومحزن بنفس الوقت

تخيل عزيزي طاوله يجلس حولها فتاة متبرجه الماكياج كيلوين وأمراءه تتصنع الوقار والحكمه وواثقة من نفسها وفي ماتفعل بالورقه والقلم اللي بيدها تتصل او يتصل عليها الاشخاص المرضى انا اسميهم مرضى لانه ليس هناك انسان واعي يتصرف او يصدق ما يقولون
ترحب فيه المذيعه وتقدم له السيده فلانه وتطلب منه اسمه واسم والدته وعمره وتقول له عن ماذا تريد ان تسأل واحيانا يتصل شخص ويطلب معرفة نصيب او امور ثانيه عن شخص ثاني من أقربائه

وتبدأ هنا السيده بالكتابه في الورقه ارقام ومربعات وتقول له انت عندك تابعه قويه وان رزقتك زينه وان راح تزيد رزقتك في خلال شهرين جايك عمل زين بس علشان التابعه اقرأ سورة البقره ست مرات وسورة ياسين ست مرات
وتتصل أمراءه تسأل عن ابنها البالغ عمره 17 سنه اللي يعاني من الحظ النحس وتقول لها اكتبي سورة مريم ست مرات وسورة البقرة ست مرات على شكل دائري واكتبي اسم ولدك في النص وحطيها في ماي وخليه يشرب منها واهم مساكين مقتنعين بهذا الكلام ويتجاوبون معها

وسيده ثانيه اقصد مشعوذه ثانيه تحب لبس الفرو مادري ليش

عندها اناء طويل زجاجي فيه ماء لما يتصل عليها شخص وتسأل عن عمره واسمه واسم امه تحط ايدها على الوعاء الزجاجي وتقرا طلاسم معينه وتقوله انت عندك مشاكل وتقوله كلام كثير وتنصحه في بعض الاشياء
فعلا شي محزن
ومشعوذ اخر يقول لفتاة امج ساحرتها وحده خشمها طويل ووجها محفر ردت عليه الفتاة وقالت هاي نعرفها قال لها لاتذكرين اسمها احنا عالهوا

فعلا شي يضحك

اخواني هذي الامور ليست بجديده علينا في مجتمعنا وموجوده من قدم التاريخ ولكنها كانت تمارس في الخفاء
والمصيبه انها الان تمارس في العلن وعلى الفضائيات حتى الشخص الغير مؤمن في هذي الخرافات يشده هالموضوع ويشوف تجاوب الناس لها والكم الهائل من المسجات اللي توصل لمثل هذي الفضائيات الرخيصه

اين المشكله اخواني هل في الفضائيات والمسؤولين عنها لعرض مثل هذي البرامج المصيبه ان القناة هذي مخصصه لمثل هذي الامور فقط لاتعرض غيرها
او في الاشخاص اللي يصدقون مثل هذي الامور ناس تفكيرهم محدود وايمانهم ضعيف ام المشكله في الاعلام ورجال الدين واللجان الدعوية اللي ماتوعي الناس على خطورة مثل هذي القنوات واللي واقفه مكتوفة الايدي لاتحرك ساكنه ..
الشيخ محمد العوضي كتب موضوع عن احدى هذه القنوات وانتقدها ولم يلاقي موضوعه تجاوب من احد
انا اطرح هذا الموضوع هنا ليس لمجرد رأي فيه بل ماهو الحل كيف تكون توعية الناس بخطر مثل هذي القنوات ومدا حرمت مشاهدة مثل هذي القنوات وما هو حكم الشرع في من يشاهد هذه القنوات هل هو حرام ام لا حتى لو من باب المشاهده فقط

طرحت هذا الموضوع للنقاش
اتمنى الاقي تجاوب من الاعضاء

بالفعل انا شفت هالقناه .. والله أستفزززتني بجد
قمت ولغيتها من الرسيفر .. وفي ناس صدق متخلفين ..ياخذون كلامها بجد
لاحول ولاقوة الا بالله
اللهم لا شمااته
يعطيك العافيه
:
:
•:*¨`*:•. : .•:*¨`*:•.
::: بدوري :::
0..................0
*-:¦:-*
:
:
:

ولد الراشد < والنعم والله والنعم ..
حتى انا شفتها بس ما مسحتها ابغى اشوف كيف يفكرو العالم دي..
او لفين يبغو يوصلو.. من جد تخلف
كتير يقولو صح وكتير يقولو لا كدب .. احترررررنا

ع العموووم مشكوره ياعسسل ع الموضوع مره جييييد ومن جد نحتاج احد يقول ايش هرجه هدول النااس .!

يسلمووووووووو فراشة

وانا كمان شفت هااي القناة

بس ما منحكي غير الله يهدي

واللهم ثبت علينا العقل والدين يارب العالمين

يسلموووووولى على ردكم والاقتراحات ويلى فعلتو عين العقل يا رشو والله انا اصلا مو داخل مزاجى يلى بيعملووو واحترامي للكل بس سمعت فتوى انو مايجوز احد يتفرج عليهم ومرررررة ثانكس للكل.