قصيده قالها عاشق لزوج معشوقته ليله الزواج ,
على الله ناوي تدخل بها الليلة .. معذبتي

ترى لولا الظروف اللي عطتك وحدّت محاكيك
قسم بالله ما تدخل عليها لو على رقبتي

ولكنّ النصيب أقوى ولا ادري ويش أسوي فيك
نعم .. صارت معزبتك .. ولا صارت معزّبتي

كذا شاءت بنا الأقدار تحرمني لجل تعطيك
كذا لازم عشان تفوز إنت .. أخسر بتجربتي

تراها غاليه جدا .. وتكفى .. والله يخليك
تدللها .. تدلعها .. تنسّيها مصاحبتي

أنا من كثر ما اغليها أحس إني بديت اغليك
ولا تسأل بأيّة حق ولا ّ وش مناسبتي

لأنك لو بتسألني بتسمع شيء ما يرضيك
لذا يا خوي لا تسأل ولا تسمع لأجوبتي

أبيك تحطها في داخل عيونك وبين أيديك
وهي دلوعه اعتادت على كثرة مداعبتي

فداعبها شوي شوي حتى تشتهي طاريك
وشاغبها إلين تقول لك: بطّل مشاغبتي

وإذا هي مالها خلقك..ولا تضحك ولا تسلّيك
تحمّلها واسألها: يا عمري ليه عصّبتي


وخذ بالك اسمع انّك يوم تضربها وهي تشكيك
ما يحتاج أوري لك بفن الضرب موهبتي

صحيح انك بتملكها ومعك الصك بالتمليك
وأنا عارف حدود الله ومن حقك معاقبتي

ولكن قلّها المجنون وصّاني وهو يعنيك
يقول انّه بينتظرك ولو شيّب وشيّبتي



وأنا مجنونها اللي ما نساها وأنت ما يمديك
تغطّي ذكرياتي في هواها.. وربع تجربتي

أحس أني تماديت بكلامي.. والغضب حاديك
ولو انّك في مكاني ما تفكّر في محاسبتي

كفاك أني تركت الليلة اشغالي عشان اجيك
دخلت القاعة برجلي ولا ادري ويش عاقبتي

وأنا ما جيت أخرب عرسك ألليله ولا أ أ ذيك
أنا جيتك عشان أخاطبك واسمع مخاطبتي

توصّى..وانتبه..واحرص عليها والله يهنّيك
ترى كل الكلام اللي طلع من ضيقي وكبتي

ولكن ما قدرت أني أقوله وآنت ما يخفيك
أخاف أني إذا قلته تقوم وتقطع رقبتي

منقوووووووووووووول لعيونكم

الله عليك

صح لسانك


مبدع

مميز


تسلم ايدك


الله يعطيك العافيه



احترامي


ومشكووووووووووووور

رااااااااااائع

شكرا على مروركم