منتديات
صور مسجات برامج كمبيوتر العاب الكترونية - العاب اون لاين مقاطع فيديو
استعادة كلمة المرور - تنشيط العضوية - طلب رقم التنشيط - اتصل بنا - اعلن لدينا

للتواصل مع ادارة الموقع عبر الوتس اب: 0096566869756

.: الوصول السريع لـ أقسام منتديات لمعه :.
الشريعة و الحياة المنتدى العام اخر الأخبار شعر خواطر كلام حب
قصص - حكايات عالم حواء - بيت حواء ازياء - فساتين مكياج - ميك اب مطبخ حواء - اكلات اخبار الرياضة - صور لاعبين
سيارات - صور سيارات صور نكت مقاطع فيديو اخبار الفن - اخبار الفنانين صور فنانين - صور ممثلين
برامج جوال مسجات برامج كمبيوتر العاب كمبيوتر توبيكات هكر - هاكرز
(( ما شاء الله تبارك الله ما شاء الله لا قوة الا بالله - اللهم اني اسالك الهدى والتقى والعفاف والغنى ))

مرور 10 سنوات على تأسيس منتديات لمعه

دستور لمعه أفضل المشاركين الاحصائيات الشاملة مركز التحميل
العودة   منتديات لمعه > منتديات أدبية > قصص - حكايات - روايات
استعادة كلمة المرور تنشيط العضوية طلب رقم التنشيط البحث مشاركات اليوم اجعل كافة المشاركات مقروءة

قصص - حكايات - روايات , قصص , روايات , حكايات , قصص قديمة , حكايات قديمة , قصص مرعبة , قصص رعب , قصص عبر , قصص حكم , قصص مثيرة , قصص الاطفال , قصص و حكايات , اجمل القصص , اجمل قصة , احلى حكاية

...((رابع يوم العرس تقوله احب غيرك)...

إنشاء موضوع جديد  رد
 
أدوات الموضوع
قديم 22-06-2010, 07:59 PM رقم المشاركة : 1
معلومات العضو
إحصائيات العضو
Jordan

Female









مزاجي

رمز الوفاء الابدي غير متواجد حالياً


افتراضي ...((رابع يوم العرس تقوله احب غيرك)...



...((رابع يوم العرس تقوله احب غيرك)... ,
...((رابع يوم العرس تقوله احب غيرك)...


القصه ان في اسرة ناويه تزوج ولدها من بنت حلال.. وتكون البنت على سنع .. هذي الاسرة من الاسر المحافظه .. وقالو للولد يعني انت في بالك بنت معينه ..الولد قال انا مابي الا اللي امي تتنقاها لي .. ولما راحت الام اتدور حق ولدها البنت الي ان شاء الله تكون هي اللي تستقر معاه مثل عاداتهم وتقاليدهم (البدو) لقت الام بنت صديق زوجها.. وقالت حق زوجها شرايك تزوج ولدنا بنت بصديقك فلان.. والله خوش بنت.. كلم صديقه واخطبها له .. قال : صديقي فلان والله والنعم فيه والكل يتمنى انه يناسبه خلاص بكره اروح انا ويا ولدي انكلم الرجال ونخطب بنته....

وصار بكره...

العصر طلع الولد ويا ابوه حق بيت الرجال << ابو البنت >> واخطبو البنت .. وقال ابو البنت تستاهلون كل خير يا بو فلان ... ووافق ابو البنت وقال خلوني اشاور بنتي بالاول.. وراح يكلم البنت قالت البنت خلوني افكر ؟؟؟؟

والبنت مو قصدها تفكر.. البنت على قولة هالشباب مرتبطه .. يعني بالمعنى الصحيح تحب من غير رضى اهلها .. فراحت البنت وكلمت حبيبها الي مرتبطه فيه ...

قالت :: فلان ترا جاني ولد صديق ابوي ويبي يخطبني شسوي ..

قال:: احم احم

قالت :: شفيك.. الولد بخطبني تعال

قال :: وين اجي

قالت :: تعال البيت اخطبني قبل اروح مع الولد

قال :: ترا صوتك صوتك يقطع !!!!

قالت :: فلان فلاااااااااااااااااااااااااااا اااااااااان اف.

جك طوط طوط طوط طوط طوط

قالت :: سكره الحقير ..

على فكرة كلمة حقير كلمه حلوة عند الي يحبون قصدي << المرتبطين >>

فراحة البنت تفكر شتسوي شتسوي.. ولما جاها ابوها قال: يا بنتي هذا ولد راعي صلاة وراعي دين .. ابوه صديقي من 25 سنه.. ماشفت منه اي شي شين .. تزوجي ولده يابوك والله يسرج ان شاء الله.. حتى لو تشوفين منه اي شي... اكلم ابوه عنه.. هذا ابوه غالي والله غالي.. قالت: ياوبي انا موافقه عليه علشانك وهي في بالهاصديقهاالي سكر التلفون بوجها....

وكتبوا الكتاب على البنت.. وجا الولد وتزوجوا ...

وفي يوم الدخله.. قعد الزوج مع البنت يسولفون مع بعض مثل مايصير مع اي زوجين جدد.. وكل واحد يقول للثاني اهم شي له.. بس الغريب ان الزوج لاحظ ان الزوجه مو وياه بالسالفه.....

قال :: يافلانه شفيك ؟؟؟

قالت :: اليوم انا تعبانه...

قال :: ان شاء الله ما تشوفين شر يالغاليه...

وما ادراك ما معنى كلمة غاليه من قلب والله نظيف

وفي اليوم الثاني نفس الشي يجي يسولف.. البنت تتهرب.. وباليوم الثالث.. يجي يسولف..البنت تتهرب.. وفي اليوم الرابع.. يجي يسولف.. تتهرب .. الصراحه طفح الكيل بالولد ..وراح للبنت...

قال :: يابنت الحلال.. انت فيك شي

قالت :: اف شفيك انت

شقالت قالت اف.. هذي العن كلمة تقال للزوج في اول ايامه يارب تبعدني انا ويا كل ولد تظيف عن هالكلمه يارب العالمين

قال:: شتقولين

قالت :: شفيك انت اذيتني شتبي...

قال :: واهو متعجب انا شبي انا زوجك على سنة الله ورسوله صلى الله عليه يابنت الحلال

قالت :: تدري انا ماحبك انا احبك غيرك!!!!!!!!!!!!!!!!!!!!!!!!!! !!!!!!!!!!!!!!! !!!!!

مو غريبه ان يتعجب لانه اكبر اختبار بعد فقد غالي مثل الام ولا الاب والاخوان وسكت

فرد :: قال انتي تحبين غيري

قالت :: اي والله اني احب غيرك

قال:: يابنت الحلال انتي ابوك رجال كبير وانا ولد ناس وتزوجتك على الحلال بس ممكن طلب

قالت :: اطلب

قال :: انتي امك ويا ابوك كبار وانا لو اطلقك راح يقولون بنتنا فيها شي خلك عندي ثلاث شهور وراح اطلقك علشان ما يشكون فيك اهلك ويا اهل الناس والله مو علشانك علشان ابوك انا اعرف ابوك من انولدت مثل ابوي مابيه ينصدم فيك مطلقه من اول ايامك...

قالت :: بس اتطلقني

قال ::: والله لطلقك بس خلك عندي بدون لا اجيك علشان شيبات ابوك

قالت :: انا موافقه ..

قال :: فلانه ممكن طلبين صغار

قالت :: اطلب

قال:: اول شي الولد صديقك لا اشوفك تكلمينه عندي ولا من وراي هذا وعد بيني وبينك خليه بحاله لانك في ذمتي وانا محترمك ليلحين علشان ابوك وانتي تدرين والطلب الثاني ابيك لاقعدنا ويا امي ويا ابوي كأنه مابينا شي خلك طبيعيه مابيهم يدرون انك تحبين وحتى عند اهلك اعتبريني اخوك لا تنحرجين مني زين يافلانه

قالت :: صديقي ما اكلمه و ****لله اوعدك مابين اي شي

هذا الحديث دار بين زوجين في رابع يوم من زواجهم الحمدلله والشكر على النعمه لي وللي يقرون هالرساله و****لله مانشوف مثل هالاختبارات يارب وبعدين مع مر الايام الولد ويا زوجته يقعدون عند اهلهم وطبيعيين ويسولفون وكأنه مافي اي شي ولما يروحون الدار البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر

الشهر الثاني

قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانو محددين يومين بالاسبوع الجمعه ويا الاثنين لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا ....

يطالعها واهي تطالعه

يبتسم ويقول ::

والله على راااسي يا عمي

الزوجه تعجبت بكل صراحه بس اهي في بالها الطلاق بالحقيقه

الشهر الثالث

البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه وانا محسوده فيه من الناس ليش ما اعدل علاقتي معاه احسن من الي ماخذني عن حب عفوااا


تقول البنت ليش ما اعدل علاقتي فيه والله ولد ناس محترمين امه ولا الف ام وين احصل ام ابرك من هالام الي عنده وابوه كافي صديق ابوي حتى ابوي يقول هذا صديقي من 25 سنه ماغلط علي ولا قال شي ليش انا اروح حق الي جايني بالحرام واخلي هالولد ولد الناس بالحلال يقعد....

خططت البنت انها تتكشخ وتتزين علشان هالولد الطيب ولما جا الولد من الدوانيه بالليل شاف ان البنت متكشخه علشانه

قال:: ماشالله شنو هالزين...

قالت :: والله عيونك الحلوة

قال :: ماتوقعتك انك كذا

قالت::توقع من اليوم ورايح انا راح اكون لك احلى بنت

قال :: ****لله تكونين احلى بنت بالدنيا يا رب

ودخل دورة المياة وراح يغسل وطلع لين اهي قدامه قال مافي عشاء قالت اي فيه والله انا مزهجته العشا لك وجابت العشا تعشى وراح ينام بدار القعده !!!!!!!!!!!

قالت :: والله يمكن مو راضي علي ليلحين بس والله يا جمالي هذا ما يخليه والله لخدرة وكل يوم تسوي كذا فيه تروح تكشخ وتقعد تنطره لي يجي بليل واهو على لسانه ماشالله عليك مزيونه حيل مافي عشاء......

قبل الشهر الرابع بأسبوع

راحت البنت واهي مستغربه تقول شفيه صارلي اكثر من 15 يوم اتكشخ والبس احلى شي بس الولد ما يعطيني وجه شفيه اهو لايكون يحب بس قالت ليش ما قوله...

قالت :: يا فلان انت فيك شي

قال :: ليش

قالت:: لا بس اشوفك منت طبيعي والله

قال :: شتشوفين يعني

قالت :: انا والله حبيتك بس انت مدري شفيك

قال :: انتي تذكرين شقلتي رابع يوم العرس

قالت :: اي والله بس الحين خلاص انا لك

قال :: قلتي انك تحبين واحد ثاني

قالت :: اي بس الحين انت الكل بالكل

قال :: يا بنت الحلال ما بقى على الشهر الثالث الا ايام والله انا مواعدك اخر الشهر الثالث يصير

قالت :: يعني انت حبيتني

قال :: انا ما اخذتك الا لاني حبيتك مو لك لابوك ويا امك والله

قالت :: تكفى لا تطلقنى

قال:: يصير خير

وراااااااااح ينام بدار الاستقبال واهي راحت دار النوم بروحها تفكر وتقول يارب يارب يارب انه ما يطلقني ابن الحلا هذاوقعدت تتذكر حياتها مع الولد الي صك التلفون في وجها وتذكر حياة صديقاتها الي طيحوها بالعلاقات على قولتهم<< الارتباط >> وتقول بعد الله لايوفق كل من يحب من غير رضى الاهل والله اني عشت العن ايام عمري هالاسبوع يا رب مايطلقني...

ومن بكره طلبت منه يوديها مطعم وراحو مطعم واكلو منه احلى الطبخات والوجبات وافترو بالخليج وراحو شارع الحب وراحو السينما وراحو كل شي حلو يطري على زوجين ليش لانه اهو يقول هالبنت اهي زوجتي الحين لازم امتعها لانها على ذمتي , بس اهي تقول اهو والله جذاب وطيب واحسن من هذاك الخايس ولما راحو البيت قعدو بالصاله وشافو التلفزيون واهم مندمجين ...

قال :: تصبحين على خير ****لله

قالت :: وين

قال :: بنام والله

قالت:: زين نام بدارك

قال :: ****لله بكره




على اخر الشهر الثالث
يعني بعد 89 يوم

كان يوم الاثنين الساعه 10.30 الصبح قعد الولد ووياه زوجتة.......

قال::: يالله يا فلانه يالله

قالت :: يالله وين...

قال :: اليوم الاثنين انروح لاهلك

قالت :: يالله

وراحو حق بيت اهلها ولما صفط عند بيت اهلها قال يا فلانه انا والله حبيتك بس اسلوبك مو شي يعني ترضين تجرحين رجال بكل بساطه قالت شفيك قال انا بس بقولك انتي والله غاليه بس انا ما امن عيالي في بنت تقول حق زوجها انا احب غيرك قالت قبل مو الحين قال لا والله لا اهي قبل ولا هي الحين انا رجال وعندي مشاعر والمثل يقول الي ينقرص مرة ما ينقرص مرتين قالت شفيك, قال انا وعدتك بس ثلاث شهور وبعدين انتطلق قالت لا لا لا يا فلان والله حبيتك لا تطلقني قال والله اني حبيتك اكثر من حبك لي بس هذي الدنيا لازم اخليك وعيشي مع واحد ثاني اطيب ****لله مني, قالت والله مطيب منك شي ابيك انت, قال انا ماني عايش معاك انتي قلتي احب غيرك وهالكلمه قاعده في قلبي لين اموت الرجال ما لانجرح لا تعتبرينه مثل المراة الرجال عزيز نفس قالت شفيك انت اليوم انزل عند ابوي, قال سلمي على ابوك, قالت انزل بس ربع ساعه واطلع

ق ا ل ::

انت طالق طالق طالق.

انزلي الله يوفقك ان شاء الله .. فكيني من شوفت ابوك ويا امك .. انزلي مابيه يقول ليش طلقت بنتي وانت ادرى .... قعدت تصيح بالسيارة.. قال فظحتيني انزلي خلاص.. وهذي ورقة الطلاق مابيني وبينك الا كل خير ما عمري سبيتك ولا طقيتك ولا غلطت عليك ولا على اهلك سلمي عليهم ولا تقولين انك قلتيلي احب ترا ما يدري عنها ****لله غيري انا وانتي وعلام الغيب

ونزلت البنت لي بيت اهلها وهي مخدرة من الصدمه.. وبشرت اهلها في طلاقها اللي هي تتحمل كل
ما فيه لانها اهانت ولد عزيز نفس في رابع يوم من زواجهم.
م ن ق و و و و ل
* تحيااااااااااااااااااااااتي








آخر مواضيعي
رآح تعرف في النهآية محد يعوض مكآني
إذاخسرت من تحب
وافترقنا
حوار عاشقين
قصة 30 يوم حب
الم الفراق
حروف اجتمعت لتكتب عن الفراق

رد مع اقتباس
قديم 22-06-2010, 10:57 PM رقم المشاركة : 2
معلومات العضو
إحصائيات العضو
Oman

Female








مزاجي

الفراشة الزرقاء فطووووم غير متواجد حالياً


افتراضي

يسلموووووووووووووووووووووووووووووووو








رد مع اقتباس
قديم 23-06-2010, 05:17 PM رقم المشاركة : 3
معلومات العضو
إحصائيات العضو
Saudi Arabia

Female









مزاجي

رزان المزيونة غير متواجد حالياً


افتراضي

مشكورة وايد حلوة القصة








رد مع اقتباس
قديم 23-06-2010, 10:27 PM رقم المشاركة : 4
معلومات العضو
المارد السعودي
!! ادارة المنتدى !!

الصورة الرمزية المارد السعودي

إحصائيات العضو
Saudi Arabia

Male









مزاجي

المارد السعودي غير متواجد حالياً


افتراضي

لا حول ولا قوة الا بالله








رد مع اقتباس
قديم 24-06-2010, 05:56 PM رقم المشاركة : 5
معلومات العضو
إحصائيات العضو
Jordan

Female









مزاجي

رمز الوفاء الابدي غير متواجد حالياً


افتراضي

اقتباس
المشاركة الأصلية كتبت بواسطة الفراشة الزرقاء فطووووم
يسلموووووووووووووووووووووووووووووووو

هلا وغلا فطووووم








رد مع اقتباس
إنشاء موضوع جديد  رد

...((رابع يوم العرس تقوله احب غيرك)...


أدوات الموضوع

 

المواضيع المشابهة لـ : ...((رابع يوم العرس تقوله احب غيرك)...
الموضوع كاتب الموضوع المنتدى مشاركات آخر مشاركة
رابع طلقه / أرسل رسائل مجانا طلقة مدفع مسجات - واتس اب 2 15-12-2009 07:38 PM
هل تعي حقا ما تقوله الشوق الفاضح كلام حب - غزل - رومانسي - حرية تعبير القلوب 2 22-09-2009 11:48 AM
اجمل ما تقوله لحبيبتك khlifa_soft كلام حب - غزل - رومانسي - حرية تعبير القلوب 3 20-07-2009 07:19 PM
ما تقوله الجنه و النار emymoon الشريعة و الحياة 1 02-05-2009 07:48 PM
رابع يوم العرس تقوله احب غيرك.. احلى غرام قصص - حكايات - روايات 5 17-07-2008 04:37 PM

منتديات لمعه منتديات لمعة منتديات إسلامية منتديات عامة منتديات أدبية منتديات عالم حواء
منتديات شبابية منتديات ترفيهية منتديات فنية منتديات الجوال منتديات برامج نت منتديات تطوير

دردشة - منتديات - عروض كارفور - العاب - منتدى - flash games - عراقي

الساعة الآن: 01:21 PM



Powered by vBulletin® Version 3.6.8, Copyright ©2000 - 2009, Jelsoft Enterprises Ltd

.: منتديات لمعه منتديات عربية خليجية سعودية كويتية تحترم كافة الطوائف و الأديان :.
.: يمنع نشر أي مواد سياسية أو فاسدة أخلاقيا أو انتهاك لأي حقوق فكرية أو أدبية , حيث إن كل ما ينشر في منتديات لمعه هو ملك لأصحابه :.
.: المقالات أو المشاركات أو الآراء المنشورة في شبكة منتديات لمعه بأسماء أصحابها أو بأسماء مستعارة لا تمثل بالضرورة الرأي الرسمي لشبكة موقع لمعه بل تمثل وجهة نظر كاتبها :.