*إهداء لكل طفشان حس بنفس الإحساس*
انا بنت جداوية ومررة طفشانة نفسي اروح مكان.. بس لسه حيرانة


طفشت انا من التكرار ... ابغى شي ماقد صار
فكرت أروح جافا ... لقيتها خلاص سخافة
قلت ممكن على فيرتيغوا ... بس شوية وحفتقوا
الكراسي صارت حارة ! ... دايماً عليها مارة
ومن اروما طفشت ... كأني هناكََ عشت
حتى lost city برضوا ... حفظت طولوا من عرضو
مو معقول اليوم يضيع ... نفسي اروح مكان فظيييع
مني عارفة ايش صارلي ... ماابى جيلاتو ولا هارلي
صح التحلية مرة حماس ... بس والله طفشت خلاص
مابغى ناندوز ولا باقيت ... خلاص منهم انا احوليت
بفكر أروح بارنيز ... ولا أعدي على أبل بيز
بس رحتهم كفاية ... أبغى أغير الحكاية
لارويا , دريم شخمطهم ... عن جد خلاص محرحلهم
وزي جوفريز محلاقي ... وداماس وماجيك والباقي
لكن ابغى حماس وجنان ... مايكون عدا عليا زمان
candle roge أو الجون .... محروحهم مهما يكون
كلهم رحتهم مية مرة ... نفسهم يطلعوني برة!!
أما رانديفو فتاك ... بس مزاجي مو هناك
و تيتانيوم يجي منو ... بس دوبي كنت عندو
كدة مررة ماينفع ... ماني عارفه فين اطلع ؟
قلت توارن ولا تشيليز ... ولا أي شي مايكون غلز
ولا بابلز بس يللا ... لكن منو طفشت والله
فكرت في ريفيرا كتير ... بس برضوا مو تغيير
وهافانا انا هريتها ... كأني خلاص أشتريتها
حتى سنسز قَرفني ... كل اللي هناك عرفني
وستاربكس ارتحلتوا ...... بس مالي نفس اروحلوا
ياناس أبى مكان جديد ... مايكون egg ولا تقليد
بس.. بطلت من الكافيهات ... قلت البحر لو حكايات!
شكلها زي كل مرة ... محروح غير الدرة
ماأبى أروح الكريستال .... وطفشت مرة من الرمال
مرجان, كورال ولا الهدى ... no way أرحلهم بعد كده
ارض السعادة ولا شمس ... كلهم كنت فيها امس
طفشت حتى من النخيل ... اروحلوا تاني مستحيل
رحت القمر ورحت الغوص ... ولو أعدد راح أحوس !!
ترى عن جد ماأبغى أكرر ... انا اليوم لازم أغير
ماأبغى كالعادة دي جي ... لأني حغير فيلوا إيه؟!
طيب shopping بأي مول ... بس والله مو معقول
فكرت أقضيها شلال .... برضوا حيكون نفس الحال
لعبت وانبسطت فيه ... ابى مكان مارحت ليه
ايس لاند أو جنغل لاند ! ... كمان حيكون يوم أنعاد
دحين أنا بفكر لسه ... يمكن أروح اشتري بسه!
قلت أفكر أروح فيفا ... بس بساسها مرة نحيفة!
ولا واحة الحيوان! ... أنا قرفت من دا المكان
شكلها جلسة في البيت ... بس مرة مو ياريت
طفشت من قرف التلفزيون ... ومن حنحنات التلفون
أحسن ادخل عالماسنجر ... لكن مررة يطفش أكتر
طيب Dance عالأغاني ... لأ الفكرة مي عاجباني
قلت أكتبلي قصيدة ... يمكن أعمل حاجة جديدة!
بس..! جاتني أحلى فكرة ... انا حنام واستنى بكرة
يللا بكرة ربنا يحلها ... يمكن لما أصحى أفلها!


تحياتي

مششششششششكوره .. آه من التفششش .ضيعنآ


إهدآء لطفشآن آلريآض ههههههه

هذي دآآشره ههههههههههههههههههه
وين كل هالاماكن راحتها والله مايلامون يوم يطردونها ماتنعطي وجه
يسلموو بنووته .. لاتحرميني من أبداعكِ
دمتم بود

ههههههههههههههههههههههه امووووت فى الطفش يلى زىكدة يعطيك العافية بس مو مرة كدة ترى الى بنات جدة مو الكل لمن يطفشووو بيعملو التهاويل دى هههههههههه<<<<< راح انقل قريبا الى كنداهههههههه

هههههههههههههههههههههههههه ما سابت مكان الا وقالته ..
بل عليها ههههههههههههههههههه
شكرن ع الموضوع